Vijay Wadettiwar : ”मंगेशकर कुटुंब म्हणजे लुटारूंची टोळी”; तनिषा भिसे मृत्यू प्रकरणावरून वडेट्टीवारांची जहरी टीका

कसलं ते मंगेशकर कुटुंब ते म्हणजे लुटारूंची टोळी. त्यांच्यापैकी कोणी कधी दान केलं पाहिलं आहे का? चांगलं काणं म्हटलं म्हणून सगळ्यांनी मिलवलं. लतादीदी, आशादीदी यांनी लोकांसाठी आणि देशासाठी काय केलं? तेवढं जर समर्पण लोकांसाठी आणि देशासाठी असतं तर देशाची सेवा केली असती. खिलारे पाटलांनी जमीन दिली त्यांना सोडलं नाही यांनी. ही कसली माणुसकी, हे जर माणुसकीला कलंक असलेलं कुटुंब आहे, अशी जहरी टीका कॉंग्रेसचे नेते विजय वडेट्टीवार यांनी केली आहे. त्यामुळे नव्या वादाला तोंड फूटण्याची शक्यता आहे.

पुण्यातील नामांकीत दीनानाथ मंगेशकर हॉस्पिटलमध्ये रूग्णालयात तनिषा भिसे या गर्भवती महिलेला उपचार न् मिळाल्यामुळे मृत्यू झाला होता. हॉस्पिटलने हलगर्जीपणा केल्याचा आरोप होत आहे. तनिषा भिसे यांच्या मृत्यूचे पडसाद राज्यभर उमटले. रुग्णालयाने उपचारांसाठी १० लाख रुपये अनामत रक्कम मागितली. ती रक्कम वेळेत न मिळाली नाही आणि उपचाराला उशीर झाला. यात त्यांचा मृत्यू झाला. दरम्यान आरोग्य विभागाच्या चौकशी समितीचा अहवाल समोर आला आहे. या अहवालात दीनानाथ मंगेशकर हॉस्पिटलवर ठपका ठेवण्यात आला आहे.

कसलं ते मंगेशकर कुटुंब. ते म्हणजे लुटारुंची टोळी. त्यांच्यापैकी कोणी कधी दान केलं पाहिलं आहे का? चांगलं गाणं म्हटलं म्हणून सगळ्यांनी मिरवलं. लतादिती, आशादीदी, हे दीदी ते दीदी. यांनी लोकांसाठी आणि देशासाठी काय केलं? तेवढं जर समर्पण लोकांसाठी आणि देशासाठी असतं तर देशाची सेवा केली असती. खिलारे पाटील यांनी जमीन दिली त्यांना सोडलं नाही यांनी. ही कसली माणुसकी, हे तर माणुसकीला कलंक असलेलं कुटुंब आहे.

अशा पद्धतीने जर मॅनेजमेंट चालवून, लूट चालवून जर गरिबांचं शोषण करणारं जर हॉस्पिटल असेल तर हे कलंक आहे. यांनी कोणी साथ देऊ नये,यांच्यावर कडक कारवाई झाली पाहिजे. चॅरिटी म्हणून योजनांचा फायदा घ्यायचा आणि मग गरिबांना लुटायचं. हे धंदे बंद झाले पाहिजे.