मीरा भाईंदरमधील महत्त्वाच्या डबल डेकर उड्डाणपुलाचे उद्घाटन, आता शहरी वाहतुकीचा वेग वाढणार

मीरा भाईंदरमधील वाहतूक कोंडी कमी करण्यासाठी आता डबल डेकर उड्डाणपुलाचे उद्घाटन करण्यात आले आहे. यामुळे शहरी वाहतुकीला वेग येणार आहे. चला याबद्दल अधिक माहिती जाणून घेऊया.

मीरा भाईंदरमधील महत्त्वाच्या डबल डेकर उड्डाणपुलाचे उद्घाटन, आता शहरी वाहतुकीचा वेग वाढणार

Follow Us:

Follow Us:

मीरा-भाईंदरमधील वाहतूक व्यवस्थेत मोठा बदल घडविण्यासाठी मुंबई महानगर प्रदेश विकास प्राधिकरण (एमएमआरडीए) ने महत्त्वपूर्ण पाऊल उचलले आहे. माननीय मुख्यमंत्री देवेंद्र फडणवीस यांच्या नेतृत्वाखाली, उपमुख्यमंत्री एकनाथ शिंदे यांच्या अध्यक्षतेखाली आणि एमएमआरडीएचे महानगर आयुक्त डॉ. संजय मुखर्जी यांच्या मार्गदर्शनाखाली आज अत्याधुनिक डबल-डेकर उड्डाणपुलाचे उद्घाटन करण्यात आले. या उड्डाणपुलामुळे वाहतूक कोंडी कमी होईल, जोडणी सुधारेल आणि शहरी वाहतूक व्यवस्थेत नवीन मापदंड प्रस्थापित होतील.

हा डबल-डेकर उड्डाणपूल मेट्रो मार्गिका-९ चा भाग असून, साईबाबा नगर मेट्रो स्थानकापासून शिवार गार्डनपर्यंत ८५० मीटर लांबीचा आहे. या उड्डाणपुलाचे एक विशेष वैशिष्ट्य म्हणजे ते एकाच सामायिक खांबांवर (शेअर्ड पिअर) उभारले गेले आहे. यामुळे मेट्रो आणि रस्ते पायाभूत सुविधा एकत्र करण्यात आल्या आहेत, ज्यामुळे जागेचा आणि संरचनात्मक कार्यक्षमतेचा अधिकतम वापर करण्यात आला आहे.

Bhiwandi Breaking: भिवंडी शहरातील भंगाराच्या गोदामाला भीषण आग, प्रशासन घटनास्थळी दाखल

उड्डाणपूलाची मुख्य वैशिष्ट्ये:

– एकूण लांबी : ८५० मीटर
– मेट्रो आणि उड्डाणपुलाचे सामायिक खांब : २१
– चढणीच्या रॅम्पची लांबी : १२२.६ मीटर
– उतरंडीच्या रॅम्पची लांबी : १५३ मीटर

या उड्डाणपुलामुळे वाहतुकीसाठी १७ मीटर रुंद २+२ मार्गिका उपलब्ध होतात, ज्यामुळे वाहतूक सुरळीत आणि सुरक्षित राहील. रस्ता सुरक्षा सुनिश्चित करण्यासाठी आरसीसी अँटि-क्रॅश बॅरिअर्स, रिफ्लेक्टिव्ह साइन बोर्ड, मार्गिकांच्या पट्ट्या, पावसाच्या पाण्याचा निचरा करणारी यंत्रणा आणि गतिरोधक बसवण्यात आले आहेत. रात्रीच्या प्रवासासाठी दिव्यांचे खांब २५ मीटरच्या अंतरावर बसवले आहेत, ज्यामुळे दृश्यमानता अधिक चांगली राहील.

या उड्डाणपुलामुळे एस. के. स्टोन जंक्शन, कनाकिया जंक्शन आणि शिवार गार्डन जंक्शन या वाहतूक कोंडी होणाऱ्या प्रमुख ठिकाणी सुधारणा होईल, ज्यामुळे प्रवासाचा वेळ कमी होईल आणि वाहतूक कोंडी कमी होईल. यामुळे इंधनाच्या वापरातही घट होईल आणि पर्यावरणाला सकारात्मक परिणाम मिळेल.

Maharashtra Politics : देशातील सर्वाधिक महिलांचे गुन्हे महाराष्ट्रात…; खासदार संजय राऊत यांचा घणाघात

हा प्रकल्प एमएमआरडीएच्या महत्त्वाकांक्षी मेट्रो लाईन-९ प्रकल्पाचा भाग आहे, जो दहिसर पूर्व आणि मीरा-भाईंदर यांना जोडतो. या प्रकल्पांतर्गत तीन उड्डाणपुलांचा समावेश आहे, ज्यामुळे रस्ते आणि मेट्रोची जोडणी सुलभ होईल. उड्डाणपूल १ (प्लेझंट पार्क ते सिल्व्हर पार्क सिग्नल) ऑगस्ट २०२४ मध्ये सुरू झाला, उड्डाणपूल २ आज उद्घाटीत झाला आणि उड्डाणपूल ३ ऑगस्टपर्यंत पूर्ण होईल.

मुख्यमंत्री देवेंद्र फडणवीस म्हणाले, “हा डबल-डेकर उड्डाणपूल जागतिक दर्जाच्या पायाभूत सुविधांचे प्रतीक आहे. यातून वाहतूक व्यवस्थेत सुधारणा होईल आणि आर्थिक विकासाला चालना मिळेल.” उपमुख्यमंत्री एकनाथ शिंदे म्हणाले, “हा प्रकल्प मीरा-भाईंदरच्या झपाट्याने होणाऱ्या विकासामुळे निर्माण झालेल्या वाहतूक कोंडीवर तोडगा काढेल.”

महानगर आयुक्त डॉ. संजय मुखर्जी यांनी म्हटले, “हा डबल-डेकर उड्डाणपूल कार्यक्षमता, टिकाऊपणा आणि आधुनिक अभियांत्रिकीचा मिलाफ आहे, आणि लवकरच मेट्रो सेवाही सुरू होईल.”

हा प्रकल्प शहरी पायाभूत सुविधांच्या नव्या युगाची सुरुवात असून, शहराच्या विकासात एक महत्त्वाचा टप्पा ठरला आहे.

Web Title: Inauguration of important double decker flyover in mira bhayandar

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com