उपमुख्यमंत्र्याच्या पार्टीच्या कार्यकर्त्याने भर गर्दीत म्हणले, ‘I Love You Dada’, अजित पवारांनी दिले असे उत्तर की….Video Viral

सामान्यतः गंभीर दिसणाऱ्या अजित पवारांची वेगळीच बाजू वर्धा येथे कामगारांच्या समोर आली. तत्पूर्वी, अजित पवार यांनी वर्धा जिल्ह्यातील विकास प्रकल्पांचा आढावा घेतला, पहा व्हायरल व्हिडिओ

अजित पवारांचा कार्यकर्त्याला मजेशीर प्रत्युत्तर (फोटो सौजन्य - X.com)

Follow Us:

Follow Us:

• उपमुख्यमंत्री अजित पवारांची मजेशीर बाजू
• वर्ध्यात घेतली कार्यकर्त्यांची भेट
• व्हिडिओ झाला व्हायरल

महाराष्ट्राचे उपमुख्यमंत्री आणि राष्ट्रवादी काँग्रेसचे नेते अजित पवार हे त्यांच्या कडक शैलीसाठी ओळखले जातात, परंतु वर्धा भेटीदरम्यान त्यांची एक मजेदार शैली पाहायला मिळाली. गुरुवारी ते राष्ट्रवादी काँग्रेस पक्षाच्या (NCP) एका कार्यक्रमात सहभागी होण्यासाठी वर्धा येथे पोहोचले. तथापि, या कार्यक्रमानंतर अजित पवार राष्ट्रवादी काँग्रेसचे सहकारी नेते सुधीर कोठारी यांच्या घरी जेवणासाठी गेले होते. येथे पक्षाच्या कार्यकर्त्यांनी त्यांचे स्वागत केले आणि त्यांच्यासोबत वेळ घालवला. तसंच विविध विषयांवर चर्चाही केली. सध्या अजित पवार यांचा दौरा वेगवेगळ्या गोष्टींमुळे गाजत आहे. पण हा किस्सा फारच मजेशीर असून व्हिडिओ त्वरीत व्हायरल झालाय. 

जेवणानंतर अजित पवार त्यांच्या पुढील कार्यक्रमासाठी निघाले तेव्हा एका कार्यकर्त्याने मोठ्याने ओरडून म्हटले, ‘दादा, I Love You!’ असे म्हटले आणि यावर अजित पवारांना हसू आवरता आले नाही. त्यांनी लगेचच ‘I Love You Too!’ अशा मजेदार पद्धतीने उत्तर दिले आणि सर्वांनाच हसू अनावर झाले. यानंतर, तेथील वातावरण फारच हलकेफुलके आणि मजेशीर झाल्याचे दिसून आले. त्यानंतर त्वरीत अजित पवार निघून जाताना दिसले.

अजित पवार यांनी वर्धा जिल्ह्यातील विकास प्रकल्पांचा घेतला आढावा

सामान्यतः गंभीर दिसणाऱ्या अजित पवारांची ही वेगळी बाजू पाहून कार्यकर्तेही यावेळी खूपच आनंदी दिसले. आज सकाळी अजित पवार यांनी वर्धा जिल्ह्यातील विकास प्रकल्पांचा आढावा घेतला. जिल्हाधिकारी कार्यालयात झालेल्या बैठकीत जिल्हा परिषदेच्या उपक्रमांवर, शहरी विकास, कृषी आणि ग्रामीण उपक्रमांवर, जलसंपदा, वैद्यकीय आणि शैक्षणिक सुविधा, पाणी व्यवस्थापन, जिल्हा वार्षिक योजना, सेवाग्राम विकास योजना आणि रोजगार निर्मितीवर लक्ष केंद्रित करण्यात आले.

Ajit Pawar : कोणीही उठतो अन् मला…; अजित पवार पर्यावरणप्रेमींवर संतापले

राज ठाकरे आणि मुख्यमंत्री फडणवीस यांच्या भेटीबद्दल

सोशल मीडिया हँडल एक्सवर याबद्दल माहिती देताना पवार यांनी प्रमुख निकालांवर चर्चा केली आणि सांगितले की, अधिकाऱ्यांना सर्व चालू प्रकल्पांच्या प्रगतीवर बारकाईने लक्ष ठेवण्यास आणि ते वेळेवर पूर्ण करण्यास सांगितले आहे. महाराष्ट्र नवनिर्माण सेनेचे (मनसे) अध्यक्ष राज ठाकरे यांच्या मुख्यमंत्री देवेंद्र फडणवीस यांच्या भेटीबद्दलच्या अटकळांवरही पवार यांनी भाष्य केले आणि त्याला सौजन्य भेट असल्याचे म्हटले. ते म्हणाले, ‘सत्तेत असो वा नसो, मुख्यमंत्री यांच्यासह अनेक नेते एकमेकांना भेटतात. संवाद कायम ठेवणे ही आपल्या राज्याची परंपरा आहे. या बैठकीला राजकीय मुद्दा बनवण्याची गरज नाही.’

पहा मजेशीर व्हिडिओ 

पार्टी कार्यकर्ता ने अजित पवार से कहा, “आइ लव यू दादा”, जवाब दिया ” आइ लव यू टू”#AjitPawar #Maharashtra pic.twitter.com/zn0KMCocas

— MD AMJAD SHOAB (@amjadking2013) August 21, 2025

Ajit Pawar : भविष्यात महायुती टिकवून ठेवण्यासाठी…; अजित पवारांचे कार्यकर्त्यांना आवाहन

Web Title: Maharashtra deputy chief minister ajit pawar viral video saying i love you too to party workers at wardha

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com