Top Marathi News Today Live: भूकंपाच्या जोरदार धक्क्यांनी हादरला नेपाळ

01 Dec 2025 10:30 AM (IST)

Elon Muskलाही भारतीय वंशाचा सार्थ अभिमान; जाणून घ्या का मुलाचे नाव ठेवले शेखर

टेस्ला (Tesla) आणि स्पेसएक्सचे सीईओ तसेच जगातील सर्वात श्रीमंत उद्योगपतींपैकी एक असलेले एलोन मस्क (Elon Musk) पुन्हा एकदा चर्चेत आले आहेत, मात्र यावेळी कारण केवळ त्यांचा एखादा तंत्रज्ञान प्रकल्प नाही, तर भारताशी जोडलेला एक भावनिक आणि सन्मानाचा निर्णय आहे. मस्क यांनी अलीकडेच एका कार्यक्रमादरम्यान खुलासा केला की, त्यांच्या एका मुलाचे मधले नाव ‘शेखर’ असे आहे आणि हे नाव त्यांनी महान भारतीय-अमेरिकन खगोलभौतिकशास्त्रज्ञ व नोबेल पारितोषिक विजेते सुब्रह्मण्यम चंद्रशेखर यांच्या सन्मानार्थ ठेवले आहे. हा खुलासा समोर आल्यानंतर जगभरात, विशेषतः भारतात, मोठ्या प्रमाणावर सकारात्मक प्रतिक्रिया उमटल्या आहेत.

01 Dec 2025 10:20 AM (IST)

श्रीलंकेत Cyclone Ditwah मुळे मृत्यूचा तांडव ; भारताच्या मदतीने बचाव कार्य सुरु

श्रीलंकेत (Sri Lanka) चक्रीवादळ दित्वाहने प्रचंड विध्वंस घडवला आहे. या चक्रीवादळामुळे (Cyclone) आतापर्यंत ३३० लोकांचा मृ्त्यूची माहिती समोर आली आहे. तसेच ३७० लोक अद्यापही बेपत्ता आहेत. सध्या भारताच्या मदतीने या लोकांच्या शोधाचे आणि पूरात अडकलेल्यांच्या बचावा कार्य सुरु आहे. भारताच्या हवाई दलाने आणि NDRF चे कर्मचाऱ्यांनी आपले कार्य सुरुच ठेवले आहे.

01 Dec 2025 10:10 AM (IST)

Kolhapur News: शक्तीपीठ महामार्ग झाल्यास चंदगडला पर्यटनाचा दर्जा देणार

९० हजार कोटीचा महत्त्वकांक्षी प्रकल्प असलेल्या नागपूर गोवा शक्तीपीठ महामार्ग चंदगड मध्ये आल्यास या तालुक्यास पर्यटनाचा दर्जा देणार असल्याची घोषणा मुख्यमंत्री देवेंद्र फडणवीस यांनी जाहीर सभेत केली. त्याचबरोबर भाजप सरकारने या तालुक्यासाठी आत्तापर्यंत कोट्यावधीचा निधी दिला असल्याने नगरपालिका, नगरपंचायत निवडणुकीत महायुती निवडून आणा असे आव्हानही त्यांनी यावेळी केले.

01 Dec 2025 09:59 AM (IST)

सोन्या – चांदीच्या दरात किंचीत घसरण!

Gold Rate Today: भारतात 1 डिसेंबर रोजी 24 कॅरेट सोन्याच्या प्रति ग्रॅमचा दर 12,981 रुपये, 22 कॅरेट सोन्याच्या प्रति ग्रॅमचा दर 11,899 रुपये आणि 18 कॅरेट सोन्याच्या प्रति ग्रॅमचा दर 9,736 रुपये आहे. भारतात 1 डिसेंबर रोजी 22 कॅरेट सोन्याच्या प्रति 10 ग्रॅमचा दर 1,18,990 रुपये, 24 कॅरेट सोन्याच्या प्रति 10 ग्रॅमचा दर 1,29,810 रुपये आणि 18 कॅरेट सोन्याच्या प्रति 10 ग्रॅमचा दर 97,360 रुपये आहे. भारतात 1 डिसेंबर रोजी चांदीचा भाव प्रति ग्रॅम 184.90 रुपये आणि प्रति किलोग्रॅम 1,84,900 रुपये आहे.

01 Dec 2025 09:55 AM (IST)

’Ai can’t replace मराठी नाटक’- मांजरेकर

मराठी नाटकांच्या थिएटरमध्ये नुकतेच वर वरचे वधू वर, देवभावळी आणि यांसारखे अनेक नाटकं गाजत असताना. आता आणखी एक नाटक रंगभूमीवर येऊन धडकणार आहे. या नाटकात पहिल्याच आपल्याला महेश मांजरेकर आणि भरत जाधव ही जोडी रंगभूमीवर एकत्र दिसणार आहे. अनेक मराठी आणि हिंदी चित्रपट केल्यानंतर महेश मांजरेकर ही तब्बल २९ वर्षांनी पुन्हा नाटकाकडे वळले आहेत. ज्या नाटकाचं नाव ’शंकर जयकिशन’ आहे.

01 Dec 2025 09:50 AM (IST)

भूकंपाच्या जोरदार धक्क्यांनी हादरला नेपाळ

Nepal Earthquake News in Marathi : काठमांडू : भारताच्या शेजारी देश नेपाळमध्ये भूकंपाचे (Earthquake) जोरदार धक्के जाणवले आहेत. रविवारी (30 नोव्हेंबर) नेपाळच्या सुदूर पश्चिम प्रांत बझांगमध्ये 4.4 तीव्रतेचा भूकंप झाला. या भूकंपामुळे लोक भीतीने घराबाहेर पडले होते. सध्या या भूकंपामुळे कोणतीही जीवितहानी झाल्याचे वृत्त समोर आलेली नाही.

01 Dec 2025 09:45 AM (IST)

भारतीय शेअर बाजारात आज संमिश्र वातावरण

India Share Market Update: भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, आज १ डिसेंबर रोजी सकारात्मक पातळीवर उघडण्याची शक्यता आहे, कारण भारताच्या दुसऱ्या तिमाहीतील जीडीपीमध्ये अपेक्षेपेक्षा जास्त वाढ झाली आहे. जागतिक बाजारपेठांमध्ये संमिश्र वातावरण आहे. गिफ्ट निफ्टीवरील ट्रेंड देखील भारतीय बेंचमार्क निर्देशांकासाठी सुरुवातीपासूनच गॅप-अप दर्शवितात. गिफ्ट निफ्टी २६,५३० च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ १४३ अंकांचा प्रीमियम होता.

01 Dec 2025 09:40 AM (IST)

शेवटची भेट ठरली जीवघेणी!

पुणे: पुण्यातून एक धक्कादायक घटना समोर आली आहे. तरुणाने आधी प्रेयसीची हत्या केली नंतर स्वतः आत्महत्या केल्याचे समोर आले आहे. ही घटना २९ नोव्हेंबर रोजी घडली. या घटनेने परिसर हादरून गेले आहे. १५ डिसेंबर रोजी तरुणीचा विवाह ठरला होता. लग्नाच्या आधी तिने प्रियकरासोबत शेवटची भेट घेण्याचे ठरवले. आणि हीच भेट तिच्या जीवावर बेतली. ही धक्कदायक घटना पुण्यातील येरवडा पोलीस ठाण्याच्या हद्दीत घडली आहे.

01 Dec 2025 09:35 AM (IST)

क्रिप्टो Trading ला चीनचा रेड अलर्ट!

China Crypto Ban: चीनने पुन्हा एकदा क्रिप्टो बाजारावर आपली पकड घट्ट केली आहे. चीनची मध्यवर्ती बँक, पीपल्स बैंक ऑफ चायनाने म्हटले आहे की अलिकडेच वाच्युअल चलनांभोवतीचा सट्टा वाढला आहे, ज्यामुळे देशाला एक नवीन धोका निर्माण झाला आहे. वित्तीय व्यवस्थेतील अस्थिरता रोखण्यासाठी अशा कोणत्याही कृतीविरुद्ध कठोर कारवाई केली जाईल असे बँकेने म्हटले आहे. पीपल्स बैंक ऑफ चायनाने स्पष्टपणे म्हटले आहे की डिजिटल टोकन कायदेशीर निविदा नाहीत आणि सामान्य व्यवहारांमध्ये त्यांचा वापर केला जाऊ शकत नाही. बँकने डिजिटल बलनांशी संबंधित क्रियाकलापांना बेकायदेशीर आर्थिक क्रियाकलाप म्हणून वर्णन केले आहे

01 Dec 2025 09:30 AM (IST)

स्थानिक स्वराज्य निवडणुकांत रणधुमाळी; प्रारूप मतदार याद्यांतील घोळामुळे विरोधक आक्रमक

राज्यात सर्वत्र स्थानिक स्वराज्य संस्थांच्या निवडणुकांची रणधुमाळी रंगात आली आहे. या निवडणुका प्रामुख्याने स्थानिक कार्यकर्ते आणि पदाधिकाऱ्यांच्या ताकदीवर लढवल्या जात असल्या तरी, यंदा अनेक उच्चपदस्थ नेतेही स्वतः प्रचाराच्या मैदानात उतरल्याचे चित्र दिसत आहे.दरम्यान, प्रारूप मतदार याद्यांमधील घोळ संपता संपत नाही अशी स्थिती निर्माण झाली आहे. मतदार याद्यांतील चूक, विसंगती आणि नावांची अदलाबदल या मुद्द्यांवरून विरोधकांनी आक्रमक भूमिका घेतली आहे. प्रारूप याद्या रद्द करून नव्याने तयार करण्याची मागणीही करण्यात येत आहे.

01 Dec 2025 09:25 AM (IST)

राज्यातील २२ नगरपरिषद अध्यक्षपदांच्या निवडणुका पुढे ढकलल्या

राज्यातील २२ नगरपरिषदांच्या अध्यक्षपदाच्या निवडणुका न्यायालयीन प्रक्रियेच्या पार्श्वभूमीवर पुढे ढकलण्यात आल्या आहेत. गेल्या दोन आठवड्यांपासून या ठिकाणी प्रचाराचा जोर वाढला होता; मात्र निवडणुका अचानक पुढे ढकलल्याने कार्यकर्ते आणि उमेदवारांच्या उत्साहावर विरजण पडले आहे. ज्या नगरपरिषदांमध्ये निवडणुका पुढे ढकलल्या आहेत, त्यांचा नवीन कार्यक्रम जाहीर करण्यात आला आहे. या ठिकाणी आता २० डिसेंबर रोजी मतदान होणार असून २१ डिसेंबरला मतमोजणी पार पडेल.

01 Dec 2025 09:20 AM (IST)

आमदार ज्ञानेश्वर कटके यांच्या कारची 4 वर्षीय बालिकेला जोरदार धडक

 शिरूर नगरपरिषदेच्या प्रचारासाठी पुण्याकडून शिरूरकडे येत असताना आमदार ज्ञानेश्वर कटके यांच्या भरधाव कारने चार वर्षीय बालिकेला दिलेली धडक गंभीर ठरली आहे. हा अपघात रविवारी (३० नोव्हेंबर) दुपारी शिरूर तालुक्यातील बोऱ्हाडेमळा येथे पुणे–अहिल्यानगर महामार्गावर घडला. या भीषण दुर्घटनेत शुभ्रा पंढरीनाथ बोऱ्हाडे (वय 4) ही बालिका गंभीर जखमी झाली असून तिची प्रकृती चिंताजनक आहे. शुभ्रा ही एकटीच रस्ता ओलांडत होती, त्यामुळे अपघाताच्या वेळी तिचे पालक नेमके कुठे होते, याबाबतही प्रश्नचिन्ह उपस्थित होत आहे.

01 Dec 2025 09:15 AM (IST)

अमेरिकेत बार मालकाची ‘मोफत बिअर’ ऑफर चर्चेत

गेल्या काही वर्षांत अनेक देशांमध्ये झालेल्या सत्ताबदलामुळे सामाजिक आणि राजकीय परिस्थितीत मोठे बदल झाले आहेत. त्यांपैकी अमेरिका हे सर्वात ठळक उदाहरण समोर आले आहे. अमेरिकेचे राष्ट्राध्यक्ष डोनाल्ड ट्रम्प ‘अमेरिका फर्स्ट’ या धोरणावर ठाम आहेत. या धोरणाअंतर्गत नोकरी, व्यवसाय, शिक्षण यांसारख्या सर्व क्षेत्रांत मूळ अमेरिकन नागरिकांना प्राधान्य देण्याचा त्यांचा प्रयत्न सुरू आहे. याच धोरणाचा भाग म्हणून ट्रम्प प्रशासनाने बेकायदेशीरपणे देशात प्रवेश करणाऱ्या स्थलांतरीतांविरोधात मोठी मोहिम छेडली आहे. या भूमिकेचा परिणाम आता अमेरिकन समाजातही स्पष्टपणे दिसू लागला आहे.

01 Dec 2025 09:10 AM (IST)

बार्शी-लातूर महामार्गावर भीषण अपघात; देवीदर्शनाला निघालेल्या पाच जणांचा जागीच मृत्यू

राज्यात वाढत्या अपघातांच्या मालिकेत आणखी एका हृदयद्रावक दुर्घटनेची भर पडली आहे. बार्शी–लातूर राष्ट्रीय महामार्गावरील जांभळबेट घारी शिवार येथील पुलावर आज, १ डिसेंबर २०२५ रोजी सकाळी भीषण अपघात झाला. मालट्रक आणि कार यांच्यात झालेल्या या भीषण धडकेत कारमधील पाच जणांचा जागीच मृत्यू झाला. मृत सर्वजण सोलापूर जिल्ह्यातील कुर्डुवाडी येथील रहिवासी असल्याचे प्राथमिक माहितीवरून समोर आले आहे. हे सर्व तुळजापूरच्या देवीच्या दर्शनासाठी निघालेली एकाच कुटुंबातील व्यक्ती असल्याचे सांगितले जाते.

01 Dec 2025 09:05 AM (IST)

बदलापूर नगरपरिषद  महाविकास आघाडीतील पाच उमेदवारांचा भाजपला पाठिंबा

राज्यातील स्थानिक स्वराज्य संस्थांच्या निवडणुकांचे वेळापत्रक राज्य निवडणूक आयोगाने जाहीर केले असून उद्या नगरपरिषद आणि नगरपंचायतींचे मतदान पार पडणार आहे. यंदाच्या निवडणुकांत राज्यात महायुती किंवा महाविकास आघाडी या स्वरूपातील औपचारिक युती न होता प्रत्येक ठिकाणी स्थानिक राजकारण, नेत्यांमधील समीकरणे आणि स्थानिक प्रश्न लक्षात घेऊन वेगवेगळे निर्णय घेण्यात आले.

बदलापूर नगरपरिषद निवडणूक यंदा विशेष चर्चेत आहे. अनेक ठिकाणी युती करून उमेदवार रिंगणात उतरले असले तरी बदलापूरमध्ये तिसऱ्या आघाडीच्या भूमिकेने नव्या घडामोडींना वेग आला आहे. या तिसऱ्या आघाडीतील पाच उमेदवारांनी महाविकास आघाडीला धक्का देत भाजपला पाठिंबा जाहीर केला आहे.

01 Dec 2025 08:55 AM (IST)

रायझिंग स्टार वैभव सूर्यवंशीचा फॉर्म घसरला

भारतीय क्रिकेटचा तरुण उदयोन्मुख फलंदाज वैभव सूर्यवंशी याने आशिया कप रायझिंग स्टार्स स्पर्धेत शानदार खेळ करत सर्वांचे लक्ष वेधून घेतले होते. दोहा येथे खेळल्या गेलेल्या सामन्यात त्याने नोंदवलेले दमदार शतक आणि स्पर्धेतील सर्वाधिक धावा करणारा भारतीय फलंदाज म्हणून केलेली कामगिरी विशेष ठरली. मात्र, भारतात परतल्यानंतर त्याचा फॉर्म मोठ्या प्रमाणात घसरलेला दिसत आहे. सध्या सुरू असलेल्या सय्यद मुश्ताक अली ट्रॉफी २०२५मध्ये वैभव सूर्यवंशीला सातत्याने धावा काढण्यात अडचणी येत आहेत. ३० नोव्हेंबर रोजी झालेल्या सामन्यात बिहारचा संघ जम्मू आणि काश्मीरकडून पराभूत झाला. १६० धावांच्या लक्ष्याचा पाठलाग करताना बिहारला अपेक्षित भागीदारी मिळाली नाही

01 Dec 2025 08:51 AM (IST)

दरवर्षी 1 डिसेंबरलाच जागतिक एड्स दिन का साजरा केला जातो

World AIDS Day 2025 : 1 डिसेंबर हा दिवस डोक्यावर लाल रिबन बांधलेल्या लाखो लोकांसाठी, सामुदायिक आरोग्य कार्यकर्त्यांसाठी, आणि अफाट जागरूकता मोहिमांमध्ये सहभागी होणाऱ्यांसाठी केवळ एक तारीख नाही, तर आशा, स्मरण, आणि बदलासाठीचा संकल्प आहे. दरवर्षी साजरा केला जाणारा World AIDS Day म्हणजे फक्त एड्स विरोधी लढ्याचा दिवस नसून, जगभरातील लोकांना एकत्र येऊन सामाजिक समज, सहानुभूती, आणि मानवता जागवणारा प्लॅटफॉर्म आहे.

वाचा सविस्तर- दरवर्षी 1 डिसेंबरलाच जागतिक एड्स दिन का साजरा केला जातो