Breaking News Updates Today: ट्रम्प यांची पुन्हा इराणच्या सैन्याला धमकी, आत्मसमर्पण करण्याचा दिला इशारा
02 Mar 2026 12:08 PM (IST)
माजी खासदार, माजी कुलगुरू आणि थोर विचारवंत डॉ. जनार्दन माधवराव वाघमारे यांचे आज सकाळी साडेआठ वाजता निधन झाले.
02 Mar 2026 12:05 PM (IST)
पुणे जिल्हा परिषदेच्या अध्यक्ष व उपाध्यक्षपदाची निवडणूक 18 मार्चला होणार आहे. राष्ट्रवादी काँग्रेसला बहुमत आहे. त्यामुळे अध्यक्षपदाची माळ कोणत्या तालुक्याच्या गळात पडणार याची उत्सुकता कार्यकर्त्यांना आहे. अध्यक्षपदाच्या निवडीबाबत राष्ट्रवादी काँग्रेसची बैठक रविवारी पार पडली.
02 Mar 2026 11:55 AM (IST)
अमेरिका-इस्त्रायल आणि इराणमधील युद्धाचा वणवा भडकला असतानाच आता अफगाणिस्तान आणि पाकिस्तान यांच्यातही युद्ध सुरू झालं आहे. अफगाणिस्तानने पाकिस्तानच्या सैन्य तळांवर हवाई हल्ले केल्याची माहिती समोर आली आहे. पाकिस्तानने अफगाणिस्तानच्या क्षेत्रात केलेल्या हल्ल्याचा बदला म्हणून अफगाणिस्तानातील तालिबानी प्रशासनाने पाकिस्तानवर मोठा हल्ला केला आहे. तालिबानच्या संरक्षण मंत्रालयाने सांगितलं की, तालिबानी हवाई दलाने रावळपिंडी येथील नूर खान एअरबेस, क्वेटा येथील 12 वी तुकडी, खैबर पख्तूनख्वा येथील मोहम्मद एजेन्सीसह घलानी येथील सैन्य तळांना टार्गेट केलं आहे.
02 Mar 2026 11:45 AM (IST)
पुणे महापालिकेतील स्वीकृत नगरसेवकाबाबत प्रदेश काँग्रेसने यंदा निवडणूक लढलेल्या एकाही उमेदवाराला स्वीकृत म्हणून संधी देण्यात येणार नाही, असा निर्णय घेतला आहे.. काही दिवसांपूर्वी अशाच पद्धतीचा निर्णय भाजपकडून देखील घेण्यात आला होता.
02 Mar 2026 11:39 AM (IST)
उपमुख्यमंत्री अजित पवारांच्या निधनानंतर त्यांच्याकडे असलेल्या अर्थ खात्याची जबाबदारी मुख्यमंत्री देवेंद्र फडणवीस यांच्याकडे आली आहे. फडणवीस आणि ही जबाबदारी स्वीकारताच पुणे जिल्ह्याला 2026-27 च्या जिल्हा वार्षिक योजनेमध्ये अवघी 93 कोटी रुपयांची वाढ मिळाली आहे. गेल्या वर्षी अजित पवार हे अर्थमंत्री असताना त्यांनी 123 कोटी रुपयांची वाढ दिली होती. त्यामुळे पुणे जिल्ह्यासाठी हा पहिला मोठा झटका असल्याचे मानले जात आहे. जिल्हा नियोजन समितीने मुख्यमंत्र्यांकडे 700 कोटींची वाढ मागितली होती आणि अवघी 93 कोटींची वाढ मिळाली आहे.
02 Mar 2026 11:38 AM (IST)
अमेरिका-इस्रायल आणि इराणमधील तणावामुळे दुबईतील हवाई वाहतूक तात्पुरती बंद करण्यात आली आहे. तर जळगाव शहरातील 31 जण दुबईमध्ये अडकल्याची माहिती समोर आली आहे. त्यामुळे दुबईत अडकलेल्या नागरिकांच्या नातेवाइकांमध्ये चिंतेचे वातावरण निर्माण झाले आहे.
02 Mar 2026 10:52 AM (IST)
वेस्ट इंडिजविरुद्धच्या विजयानंतर सामन्यानंतरच्या सादरीकरणात बोलताना सूर्या म्हणाला, “हा सामना जिंकणे ही एक उत्तम भावना आहे. तो एका क्वार्टरफायनलसारखा अनुभव होता. मुलांनी दाखवलेला उत्साह अद्भुत होता. माझा नेहमीच असा विश्वास आहे की चांगल्या गोष्टी धीर धरणाऱ्या आणि चांगल्या लोकांकडे येतात. हे सर्व मुलांनी खेळताना नव्हे तर बाहेर असताना केलेल्या कठोर परिश्रमाचे परिणाम आहे आणि आज आपण त्याचे फळ मिळवत आहोत. मला वाटते की सर्व गोलंदाजांनी नियोजनानुसार गोलंदाजी केली.”
Suryakumar Yadav - I've always said that good things happen to good people. I'm so happy for Saju, his wife and his family. ICC tournaments are won by courageous people and that was a courageous knock.
Sanju Samson - Bass kar, ab kya rulayega pagle. 😂❤️ pic.twitter.com/gzC1ghECbV
— Mufaddal Vohra (@mufaddal_vohra) March 2, 2026
02 Mar 2026 10:46 AM (IST)
बार्सिलोनामध्ये आजपासून मोबाईल वर्ल्ड काँग्रेस (MWC) 2026 ची सुरुवात झाली आहे. या ईव्हेंटची सुरुवात अतिशय धमाकेदार झाली असून कंपन्यांनी ईव्हेंटमध्ये त्यांचे अनोखे गॅझेट्स सादर करण्यात सुरुवात केली आहे. टेक कंपनी HONOR ने आयोजित करण्यात आलेल्या ईव्हेंटमध्ये त्यांचा नवीन फ्लॅगशिप फोल्डेबल HONOR Magic V6 लाँच केले आहे. कंपनीने हा 5G फोल्ड फोन अनफोल्ड द रिअल मॅजिक या टॅगलाइनसह सादर केला आहे. हा फोन अनेक वर्ल्ड-फर्स्ट फीचर्स आणि इंडस्ट्री-लीडिंग स्पेसिफिकेशनसह लाँच करण्यात आला आहे. कंपनीने दावा केला आहे की, हा फोन अल्ट्रा-थिन डिझाईन, पावरफुल परफॉर्मंस आणि अधिक चांगली बॅटरी लाईफ ऑफर करतात.
02 Mar 2026 10:38 AM (IST)
सपनाने खुलासा केला की तिच्याविरुद्ध सुमारे ३५ गुन्हे दाखल केले गेले आहेत. तिला अनेक ठिकाणी कार्यक्रम करण्यासही बंदी घालण्यात आली आहे. तिच्या कारकिर्दीच्या काळ्या टप्प्याबद्दल बोलताना सपना चौधरी म्हणाली, “२०१८ मध्ये बिग बॉस केल्यानंतर मी अधिकाधिक चांगले कार्यक्रम करू लागली. त्याआधी कार्यक्रमांमध्ये परिस्थिती खूप वाईट होती. कधी चेंगराचेंगरी व्हायची, कधी खुर्च्या फेकल्या जायच्या आणि कधी मारामारी व्हायची. माझ्याविरुद्ध ३५ गुन्हे दाखल आहेत कारण मी एक कार्यक्रम केला आणि तिथे चेंगराचेंगरी झाली. मला बरुद, मेरठ आणि इतर ठिकाणी बंदी घालण्यात आली आहे. मला माझ्या नावाने कार्यक्रम आयोजित करण्याची परवानगी मिळाली नाही.”
02 Mar 2026 10:29 AM (IST)
केंद्रीय माध्यमिक शिक्षण मंडळाने (CBSE) मध्य पूर्व प्रदेशात शिकणाऱ्या विद्यार्थ्यांसाठी एक महत्त्वाचा निर्णय घेतला आहे. बोर्डाने २०२६ च्या दहावी आणि बारावीच्या बोर्ड परीक्षा पुढे ढकलल्या आहेत. या परीक्षा २ मार्च २०२६ रोजी नियोजित होत्या, परंतु सध्याच्या परिस्थितीमुळे त्या आता पुढे ढकलण्यात आल्या आहेत. मध्य पूर्वेतील सध्याच्या तणाव आणि सुरक्षा चिंता लक्षात घेता CBSE ने हा निर्णय घेतला आहे.
02 Mar 2026 10:21 AM (IST)
शेवटच्या षटकात टीम इंडियाला जिंकण्यासाठी ७ धावांची आवश्यकता होती. रोमारियो शेफर्डच्या पहिल्या चेंडूवर संजूने षटकार आणि दुसऱ्या चेंडूवर चौकार मारून संघाला उपांत्य फेरीत पोहोचवले. त्यानंतर त्याने हा खास क्षण साजरा करण्याचा एक अनोखा मार्ग निवडला. शॉट मारल्यानंतर लगेचच सॅमसन मैदानावर गुडघे टेकला. प्रथम त्याने त्याचे हेल्मेट काढले आणि त्याची बॅट बाजूला ठेवली. नंतर दोन्ही हात वर करून आकाशाकडे पाहत त्याने देवाचे आभार मानले. त्यानंतर शिवम दुबे आला आणि त्याला मिठी मारली. त्यानंतर सॅमसनने उर्वरित भारतीय खेळाडूंना भेटले आणि ड्रेसिंग रूममध्ये त्याच्या बॅटचे चुंबन घेतले.
02 Mar 2026 10:13 AM (IST)
होमुझची सामुद्रधुनी हा प्रमुख कच्च्या तेलाचा पुरवठा मार्ग बंद झाला, असला तरीसुध्दा भारताला भविष्यात कच्च्या तेलाच्या पुरवठ्यात कुठल्याही प्रकारचा अडथळा येऊ शकत नाही, कच्च्या तेलाचे साठे किमान १० दिवस गरजा पूर्ण करू शकतील, असे अधिकाऱ्यांनी सांगितले. अमेरिका आणि इस्त्रायली लष्करी हल्ल्यानंतर, इस्लामिक रिपब्लिकच्या सर्वोच्च नेत्याच्या हत्येच्या वृत्तांसह, वेगाने बदलणाऱ्या घडामोडींवरून असे दिसून येते की, हा संघर्ष अधिक काळ टिकणार नाही. जर तणाव वाढला तर भारताने आकस्मिक योजना तयार केल्या आहेत, असे अधिकारी आणि विश्लेषकांचे म्हणणे आहे.
02 Mar 2026 09:59 AM (IST)
अमेरिका आणि इस्रायलीने इराणवर केलेल्या हल्ल्यांनंतर सर्वत्र अशांतता निर्माण झाली आहे. युद्धाचे पडसाद सर्वत्र पाहायला मिळत आहेत. अमेरिका आणि इस्रायलीने यांनी केलेल्या या संयुक्त हल्ल्यांमध्ये इराणचे सर्वोच्च नेते अयातुल्ला अली खामेनेई यांचा मृत्यू झाला. या सर्वांचा परिणाम शेअर बाजारावर होत असल्याचे पाहायला मिळत आहे. भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, आज सोमवारी लाल रंगात उघडण्याची शक्यता आहे. गिफ्ट निफ्टीवरील ट्रेंड देखील भारतीय बेंचमार्क निर्देशांकासाठी गॅप-डाउन सुरुवात दर्शवितात. गिफ्ट निफ्टी २५,२३० च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ १०८ अंकांनी कमी होता.
02 Mar 2026 09:55 AM (IST)
झिम्बाब्वेचा शेवटचा विश्वचषकाचा सामना दक्षिण आफ्रिकेविरूद्ध पार पडला, या सामन्यामध्ये दक्षिण आफ्रिकेच्या संघाने बाजी मारली. या स्पर्धेमध्ये झिम्बाब्वेच्या संघाने ऑस्ट्रेलिया आणि श्रीलंका या दोन्ही संघांना पराभूत करून मोठे उलटफेर केले. झिम्बाब्वेच्या संघाने सुपर 8 मध्ये प्रवेश केला पण संघाला सुपर 8 चा एकही सामना जिंकता आला नाही. झिम्बाब्वे २०२६ च्या टी२० विश्वचषक उपांत्य फेरीच्या शर्यतीतून आधीच बाहेर पडला होता, तर त्यांची मोहीम रविवारी संध्याकाळी, १ मार्च रोजी नवी दिल्ली येथे शेवटच्या सुपर ८ सामन्यात दक्षिण आफ्रिकेशी सामना करताना संपली.
02 Mar 2026 09:45 AM (IST)
सोशल मिडिया एक असे प्लॅटफाॅर्म आहे जिथे दररोज अनेक वेगवेगळ्या प्रकारचे व्हिडिओज शेअर केले जातात. इथे फक्त माणसांचेच नाही तर प्राण्यांचेही अनेक दुर्लभ आणि थरारकतेने भरलेले दृष्य शेअर होतात. अशात अलिकडे असाच एक व्हिडिओ शेअर करण्यात आला आहे ज्यात दोन प्राण्यांच्या शिकारीचा थरार आपल्याला पाहायला मिळेल. यात आपण भक्षकाच्या एका चुकीमुळे शिकार त्याच्यावर कसा पलटवार करते आणि त्याच्याच जीवावर उठते ते पाहू शकता. व्हिडिओमध्ये आपल्याला एक बगळा सापावर हल्ला करत असल्याचे दिसते पण क्षणातच त्याचा हा डाव उलटा पडतो आणि तो स्वत:च धोक्यात येतो. नक्की या दृष्यात पुढे काय घडून आले ते चला सविस्तर जाणून घेऊया.
02 Mar 2026 09:35 AM (IST)
दाक्षिणात्य सुपरस्टार विजय देवरकोंडा आणि रश्मिका मंदाना यांच्या लग्नानंतर आता ४ मार्च रोजी हैदराबादमध्ये होणाऱ्या त्यांच्या भव्य रिसेप्शनची जोरदार चर्चा रंगली आहे. या ग्रँड रिसेप्शनबाबत एकामागोमाग एक अपडेट समोर येत आहेत. तसेच कधी स्थळाबाबत माहिती तर कधी पाहुण्यांची यादी लीक झाल्याच्या बातम्या चर्चेत आहेत. या सगळ्या गडबडीत विजय आणि रश्मिकाने एक नवीन पोस्ट शेअर केली आहे. या पोस्टमध्ये त्यांनी ग्रँड रिसेप्शनबाबत लोकांना खास विनंती केली आहे. आता या दोघांनीही या पोस्टमध्ये काय लिहिले जाणून घेऊयात.
02 Mar 2026 09:25 AM (IST)
Gold Rate Today: 2 मार्च रोजी आज भारतात 24 कॅरेट सोन्याच्या प्रति ग्रॅमचा दर 17,309 रुपये, 22 कॅरेट सोन्याच्या प्रति ग्रॅमचा दर 15,866 रुपये आणि 18 कॅरेट सोन्याच्या प्रति ग्रॅमचा दर 12,982 रुपये आहे. भारतात 2 मार्च रोजी 22 कॅरेट सोन्याच्या प्रति 10 ग्रॅमचा दर 1,58,660 रुपये, 24 कॅरेट सोन्याच्या प्रति 10 ग्रॅमचा दर 1,73,090 रुपये आणि 18 कॅरेट सोन्याच्या प्रति 10 ग्रॅमचा दर 1,29,820 रुपये आहे. भारतात 2 मार्च रोजी चांदीचा भाव प्रति ग्रॅम 294.90 रुपये आणि प्रति किलोग्रॅम 2,94,900 रुपये आहे.
02 Mar 2026 09:15 AM (IST)
Trump Warns Revolutionary Guards Iran : वॉशिंग्टन/तेहरान : अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी इराणला पुन्हा धमकी दिली आहे. खामेनेईंच्या मृत्यूनंतर ट्रम्प यांनी इराणच्या रिव्होल्यूशनीर गार्ड्सला आत्मसमर्पण करुन हातमिळवणी करण्याचे म्हटले आहे. नाहीतर याचे गंभीर परिणाम भोगावे लागतील असे त्यांनी म्हटले आहे.
02 Mar 2026 09:05 AM (IST)
IND vs WI: टीम इंडियाने एक सक्तीचा बदल केला आणि संजू सॅमसनला खेळण्याची संधी मिळाली. आज, तो निर्णय मास्टरस्ट्रोक ठरला. त्याने वेस्ट इंडिजविरुद्ध ५० चेंडूत नाबाद ९७ धावा केल्या. १९४ च्या स्ट्राईक रेटने खेळताना संजूने १२ चौकार आणि चार उत्तुंग षटकार मारले. या खेळीमुळे त्याला सामनावीराचा पुरस्कार मिळाला. सामन्यानंतर, या स्टार भारतीय फलंदाजाने रोहित शर्मा आणि विराट कोहलीबद्दल एक महत्त्वपूर्ण विधान केले.
02 Mar 2026 08:49 AM (IST)
World Wildlife Day 2026 Marathi news : आपली पृथ्वी ही केवळ माणसांची नाही, तर ती कोट्यवधी सजीवांची आहे. निसर्गाच्या या अफाट पसाऱ्यात वन्यजीव हा पृथ्वीचा सर्वात मौल्यवान दागिना आहे. दरवर्षी ३ मार्च हा दिवस संपूर्ण जगात ‘जागतिक वन्यजीव दिन’ (World Wildlife Day) म्हणून साजरा केला जातो. या दिवसाचा मुख्य उद्देश वन्यजीवांबद्दल लोकांमध्ये जागरूकता निर्माण करणे आणि नामशेष होत चाललेल्या प्रजातींचे रक्षण करणे हा आहे. २०१३ मध्ये संयुक्त राष्ट्रांच्या महासभेने (UNGA) या दिवसाची घोषणा केली आणि तेव्हापासून हा दिवस पर्यावरण प्रेमींसाठी एक महत्त्वाचा उत्सव बनला आहे.
Maharashtra to World Breaking News: अमेरिका-इस्रायलच्या संयुक्त हल्ल्यात २८ फेब्रुवारी २०२६ रोजी इराणचे सर्वोच्च नेते अयातुल्ला अली खामेनेई यांचा मृत्यू झाला. खामेनेई यांच्या मृत्यूनंतर इराण आक्रमक झाला आहे. इराणच्या रिव्होल्यूशनरी गार्ड्सने खामेनेईंच्या हत्येचा बदला घेणार असल्याची शपथ घेतली आहे. यादरम्यान अमेरिकेचे राष्ट्राध्यक्ष डोनाल्ड ट्रम्प यांनी इराणला पुन्हा धमकी दिली आहे.
.png "Videos"){kind=small}
