कुडाळमध्ये १४ जुलैपासून सुरू होणार मान्सून मॅरेथॉन; सहभागी होण्यासाठी ही बातमी वाचाच

Every running step makes your heart stronger,” या टॅगलाईनच्या उद्देशाने ही मरेथॉनचे होणार आहे

Follow Us:

Follow Us:

कुडाळ, प्रतिनिधी-:  राणे हॉस्पिटल, मेडिकल रिसर्च सेंटर आणि टीम कुडाळ मॉन्सून रन २०२४ यांच्या वतीने कोकणात पहिल्यांदाच येत्या १४ जुलै रोजी कुडाळमध्ये हाफ मॅरेथॉन स्पर्धेचे आयोजन करण्यात आले आहे. “Every running step makes your heart stronger,” या टॅगलाईनच्या उद्देशाने ही मरेथॉनचे होणार आहे, अशी माहिती कुडाळ येथे झालेल्या पत्रकार परिषदेत देण्यात आली.

यावेळी राणे हॉस्पटिल आणि मेडिकल रिसर्च सेंटर कुडाळचे अध्यक्ष डॉ. जी. टी. राणे, अजित राणे, डॉ. जयेंद्र रावराणे, डॉ. प्रशांत सामंत, रुपेश तेली, गजानन कांदळगावकर, दिनेश आजगावकर, रंजन बोभाटे, शिवप्रसाद राणे, अमित तेंडोलकर, भूषण तेजम उपस्थित होते.

राणे हॉस्पिटल व मेडिकल रिसर्च सेंटर आणि टीम कुडाळ मान्सून रन २०२४ तर्फे आयोजित भव्य हाफ मॅरेथॉन ही १४ जुलै २०२४ रोजी पहाटे ५.३० वाजता बॅरिस्टर नाथ पै शिक्षण संस्था एमआयडीसी कुडाळ येथून सुरु होईल. पाच, दहा आणि २१ किलोमीटरचे टप्पे असून त्यासाठी सिंधुदुर्ग सोबतच मुंबई, गोवा, कोल्हापूर, बेळगाव, पुणे, रत्नागिरी येथूनही धावपटू सहभागी होणार आहेत. या हाफ मॅरेथॉनचे यजमानपद भूषवण्यासाठी टीम कुडाळ मान्सून रन २०२४ सज्ज झाली आहे.

जी. टी. राणे म्हणाले, राणे हॉस्पिटल व मेडिकल रिसर्च सेंटर कुडाळ हे २०२२ पासून कार्यरत असून या दोन वर्षात राणे हॉस्पिटल व मेडिकल रिसर्च सेंटरने मेडिकल क्षेत्रात अत्यंत महत्वाची कामगिरी केली आहे. तसेच आरोग्यासंबंधी जनजागृतीसाठी वेळोवेळी अनेक उपक्रमाचे नियोजन केले आहे. हॉस्पिटल तर्फे रोटरी क्लब कुडाळच्या सहयोगाने रक्तदान शिबिर, श्रवण दोष चिकित्सा शिबिर, दंतचिकित्सा शिबिर, फिजिओथेरपी शिबिर, आंतरराष्ट्रीय योग दिनानिमित योग शिबिर, असे बरेच कार्यक्रम राबवले जातात.

आरोग्यासाठी चालणे किंवा धावणे हे महत्वाचे आहे. व्यायाम व आरोग्य याबद्दलची जनजागृती व्हावी यासाठी पावसाळी मॅरेथॉन आयोजित केली आहे. राणे हॉस्पिटल व मेडिकल रिसर्च सेंटर सह सिंधुदुर्ग सायक्लीस्ट असो सिएशन, कुडाळ सायकल क्लब, रांगणा रनर्स, रोटरी क्लब ऑफ कुडाळ व डॉक्टर्स डॉक्टर्स फ्रेटर्निटी क्लब, सिंधुदुर्ग यांचे ज्येष्ठ सदस्य टीम मान्सून रन या नावाने उपक्रम यशस्वीपणे पार पाडण्यास सज्ज आहेत.

या मॅरेथॉनसाठी सिंधुदुर्ग जिल्ह्यातील अनुभवी धावपटू तसेच इतर जिल्ह्यातील धावपटू सहभागी होणार आहे. Bill Rowan medal पुरस्कारप्राप्त प्रसाद कोरगावकर तसेच comrade marathon bronze medal प्राप्त ओमकार पराडकर याबरोबर रत्नागिरीचे Iron Man डॉ. तेजानंद गणपत्ये, मुंबईतील Iron Man अरविंद सावंत या प्रसिद्ध धावपटूंची साथ कुडाळ मान्सून रनची शोभा वाढवेल.

ही स्पर्धा पूर्ण करणाऱ्या सर्व सदस्यांना मेडल व डिजिटल सर्टिफिकेट दिली जाणार असून खुल्या गटातून तसेच वयोमनाप्रमाणे आखलेल्या गटांमधून प्रथम दोन धावपटूंना आकर्षक रोख बक्षीसही देण्यात येणार आहेत. सहभागी होणाऱ्या सर्व स्पर्धकांना टी- शर्ट दिले जातील. २१ किलोमीटर खुल्या गटासाठी पुरुष आणि महिला विजेत्यांना पहिल्या दोन क्रमांकासाठी प्रत्येकी २० हजार आणि १५ हजार. तसेच वयानुसार प्रत्येक गटासाठी पहिल्या डून क्रमांकाना ५ हजार आणि ३ हजार, १० किमी पुरुष आणि महिलासाठी खुला गट रु. १० हजार आणि रु. ७ हजार. तसेच वयानुसासर प्रत्येक गटासाठी रु. २ हजार ५०० आणि रु. २ हजार. ५ किमी साठी मात्र कोणते रोख रकमेचे पारितोषिक नाही. खुल्या गटात १८ वर्ष वरील कोणताही स्पर्धक २१ किमी साठी आणि १५ वर्षावरील कोणताही स्पर्धक १० किमी साठी पात्र असेल. त्याच बरोबर ४० ते ५० वर्षे, ५१ ते ६० वर्षे आणि ६० वर्षावरील असे गट आहेत.

कुडाळ एमआयडीसीमधून सुरु होणारी ही मॅरेथॉन, नेरूर मार्गे वालावल मंदिर येथून नदीपर्यंत जाईल व तिथून पुन्हा एमआयडीसीमध्ये पोहोचेल. स्पर्धेसाठी रुग्णवाहिका, हायड्रेशन पॉईंट, डॉक्टर्स मदत अशा सर्व सुविधा मिळणार आहेत. सहभागी होण्याकरता दूरध्वनी क्रमांक ९४२१२६१२१२ वर संपर्क साधावा. किंवा www.ranehospital.net या संकेतस्थळावरून नाव नोंदणी करावी. असे आवाहन यायला आयोजकांतर्फे करण्यात आले आहे.

Web Title: Monsoon marathon will start from july 14 in kudal

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com