शुक्रवार, 16 ऑक्टोबर 2026
Mumbai Thane Corporations Pulled Up High Court Warns Over Pothole-Related Deaths
Mumbai Metro 3 : मुंबईतील अंडरग्राऊंड मेट्रोमध्ये तांत्रिक बिघाड, ऐन गर्दीच्या वेळी प्रवाशांचे हाल
विक्रोळी परिसरात ऑगस्ट महिन्यात खड्ड्यामुळे दुचाकीस्वाराचा मृत्यू झाल्यानंतर भरपाईबाबत जबाबदारी कोणाची यावर एमएमआरडीए आणि मुंबई महापालिकेमध्ये वाद निर्माण झाला. महापालिकेने हा रस्ता एमएमआरडीएच्या अखत्यारीत असल्याचे सांगितले, तर एमएमआरडीएने हा रस्ता महापालिकेकडे हस्तांतरित झाल्याचा दावा केला. दोन्ही यंत्रणा भरपाईपासून हात झटकताना दिसल्यानंतर न्यायालयाने तीव्र नाराजी व्यक्त केली.
खंडपीठातील न्या. रेवती मोहिते-डेरे आणि न्या. संदेश पाटील यांनी सुनावणीदरम्यान स्पष्ट इशारा दिला की, प्राधिकरणांनी हा वाद मैत्रीपूर्णरित्या सोडवावा; अन्यथा न्यायालय सर्वच जबाबदार यंत्रणांना 50-50 टक्के भरपाई देण्याचे आदेश देईल.
न्यायालयाने म्हटले, “रस्त्यांची दुरवस्था रोखण्याऐवजी अधिकारी एकमेकांवर दोषारोप करतात. परंतु वास्तविक जबाबदारी झटकून चालणार नाही. संबंधित कुटुंबांना न्याय मिळालाच पाहिजे.”
यासोबतच, प्रत्येक स्थानिक स्वराज्य संस्थेकडे विशेष समिती स्थापन करण्याचे आदेश न्यायालयाने दिले. ही समिती खड्ड्यांमुळे झालेल्या अपघातांच्या तक्रारींची चौकशी करून भरपाईबाबत निर्णय घेणार आहे. तसेच, समिती स्थापन होण्यापूर्वी दाखल केलेल्या तक्रारींचीही दखल घ्यावी, असे स्पष्ट निर्देश देण्यात आले.
Ans: खड्ड्यांमुळे सतत होणारे अपघात आणि त्यासाठी जबाबदार अधिकारी टाळाटाळ पाहून न्यायालयाने हस्तक्षेप केला.
Ans: सर्व संबंधित अधिकारी समप्रमाणात (50-50) भरपाई देण्याचे आदेश न्यायालय देऊ शकते.
Ans: खड्डे-संबंधित अपघातांची चौकशी करून योग्य भरपाई किती द्यायची याचा निर्णय घेणे.
