घाटकोपरच्या रुग्णालयात तब्बल तीन तास रुग्ण लिफ्टमध्ये अडकले!

Follow Us:

Follow Us:

लिफ्टमध्ये तांत्रिक बिघाड झाल्यामुळे अनेकदा लिफ्ट मधेच बंद पडण्याच्या घटना घडतात. मात्र शनिवारी घाटकोपर (Ghatkopar) येथील रुग्णालयात लिफ्ट(Elevator)बंद पडून त्यात गंभीर रुग्णांसह तीन जण तब्बल तीन तास अडकल्याचा खळबळजनक प्रकार घडला.

घाटकोपरमधील झायनोव्हा रुग्णालयात (Ghatkopar Hospital) ही घटना घडली आहे. जयश्री जयसिंग सकपाळ यांना त्यांचे मुले वैभव आणि जितेंद्र हे घाटकोपरच्या एलबीएस मार्गावर असलेल्या झायनोव्हा रुग्णालयात डायलिसीस करण्यास आले होते. शनिवारी संध्याकाळी पाच वाजताच्या दरम्यान त्यांनी रुग्णांसाठी असलेल्या लिफ्टमधून रुग्णालयात जाण्याचा प्रयत्न केला. मात्र लिफ्ट पहिल्या मजल्यावर गेली आणि बंद पडली. यावेळी रुग्णालय प्रशासनाचा हलगर्जीपणा मात्र मोठ्या प्रमाणात समोर आला आहे. रुग्णालयाकडून मदत मिळत नसल्याने अखेर सकपाळ कुटुंबाने त्यांच्या जवळील नातेवाईकांना फोन केला आणि त्यांनी रुग्णालयात धाव घेतली. त्यांनी अग्निशमन दल आणि पोलिसांशी संपर्क साधला आणि तीन तासानंतर त्यांची सुटका झाली.

बराच वेळ होऊन देखील रुग्णालयाकडून कुठलीही मदत नव्हती. या घटनेनंतर रुग्णालय प्रशासनाविरुद्ध संताप व्यक्त केला जात आहे. अद्याप या घटनेवर रुग्णालय प्रशासनाची बाजू समोर आलेली नाही.

Web Title: Patients stuck in the elevator for three hours in the hospital of ghatkopar

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com