बुधवार, 21 ऑक्टोबर 2026
Raigad News: डिजिटल यंत्रणेने वाढवले रुग्णांचं टेंशन, 'आभा' अ‍ॅपमुळे संतापले नागरिक
जिल्हा रुग्णालय, ग्रामीण व उपजिल्हा रुग्णालयांमध्ये वेगवेगळ्या खिडक्यांची व्यवस्था असूनही नागरिकांना तासंतास रांगेत उभे राहावे लागत असल्याचे पाहायला मिळत आहे, डिजिटल प्रक्रियेने ही रांग कमी होईल अशी अपेक्षा होती, परंतु टोकन मिळविण्यासाठीच आता नवीन रांग तयार झाली आहे. यामुळे रुग्णांना आणखी त्रास सहन करावा लागत आहे. रुग्णालयातील आभा कक्षात क्यूआर स्कॅन करण्यासाठी उसळणारी गर्दी पाहून अनेकजण संतापून म्हणत आहेत, जुनी पद्धत बरी होती. (फोटो सौजन्य – X)
ज्येष्ठ नागरिक, दिव्यांग, महिलांचे हाल अधिकच वाढले आहेत. केस पेपर मिळवण्यासाठी आधी ऑनलाईन कसरत करा आणि नंतर पुन्हा रांगेत उभे राहा. डिजिटल सुविधा म्हणून दिलेली ही अडचण आम्हाला नको, असा सर्वसामान्यांचा सूर आहे. काही रुग्ण ऑनलाईन टोकन मिळविण्यासाठीच रुग्णालयाच्या आवारात तासंतास फिरत राहतात. मोबाईलमध्ये कमी नेटवर्क, अ‍ॅपचा उशीर, स्कॅनिंगमध्ये अडचणी यामुळे रुग्णांकडून संताप व्यक्त केला जात आहे.
जिल्हा शल्यचिकित्सक डॉ. निशिकांत पाटील यांनी सांगितले, आभा हेल्थ मिशन अंतर्गत ऑनलाईन प्रक्रिया राबवली असून, कुठे विलंब होत असल्यास प्रक्रिया अधिक सुलभकरण्यासाठी आवश्यक पावले उचलली जातील, मार्गदर्शनासाठी कर्मचारी नेमले आहेत.
Mumbai Crime: ‘कमला पसंद’ मालकाच्या सुनेने उचलले टोकाचे पाऊल! सुसाईड नोट सापडली; कारण काय?
ऑनलाईन सुविधा आणण्यामागील उद्देश रुग्णांना रांगेपासून मुक्त करणे हा होता, परंतु प्रत्यक्षात टोकन, स्कॅन, रजिस्ट्रेशन आणि पुन्हा रांग अशी ‘दुहेरी’ कसरत रुग्णांकडून करवून घेतली जात आहे. डिजिटल वळणाचे स्वागत असूनही ही प्रक्रिया तत्काळ सुलभ न केल्यास रुग्णांसाठी सुरू असलेली ही रोजची धावपळ आरोग्य व्यवस्थेवरील नाराजी अधिक वाढविण्याची शक्यता आहे.
