Chhatrpati Sambhajinagar: महसूल ६१ कोटी, सातारा-देवळाईत विशेष सवलतीनंतरही फक्त ८५ अर्ज; गुंठेवारीत ६ हजार ७७० संचिका मंजूर
मात्र सातारा-देवळाई परिसरासाठी लागू करण्यात आलेल्या विशेष सवलतीचा लाभ घेणाऱ्यांची संख्या अत्यल्प असून फक्त ८५ मालमत्ताधारकांनीच अर्ज दाखल केले आहेत. गुंठेवारी नोंदणीला आधीपासूनच प्रतिसाद असला तरी यावर्षी रेडीरेकनर दरात दिलेल्या २५ टक्के सवलतीमुळे अर्जाच्या संख्येत मोठी वाढ झाली. १ एप्रिल २०२५ ते १२ डिसेंबर २०२५ या कालावधीत आलेल्या ८ हजार ३२४ संचिकांपैकी ६ हजार ७७० संचिकांची प्रक्रिया पूर्ण झाली आहे.
जीव गेला तरी चालेल पण हिरोगिरी सोडायची नाही! एका बाईकवर 6 वीर, हवाबाजी करत यमराजाला खुले आमंत्रण,
विविध झोनमधून प्राप्त झालेल्या अर्ज, मंजूर अर्ज आणि त्यातून मिळालेल्या महसुलाची माहिती समोर आली आहे. उपलब्ध आकडेवारीनुसार बहुतांश झोनमध्ये मोठ्या प्रमाणावर अर्ज मंजूर झाले असून कोट्यवधी रुपयांचा महसूल प्राप्त झाला आहे.
झोन १ मधून ९५६ अर्ज प्राप्त झाले असून त्यापैकी ८३१ अर्ज मंजूर करण्यात आले आहेत. या झोनमधून ५.०३ कोटी रुपयांचा महसूल मिळाला आहे. झोन २ मध्ये १६ अर्जांपैकी १० अर्ज मंजूर झाले असून ०.१५ कोटी रुपयांचा महसूल नोंदवला गेला आहे.
झोन ३ मधून १०३ अर्ज प्राप्त झाले, त्यातील ६९ अर्ज मंजूर करण्यात आले असून १.९२ कोटी रुपयांचा महसूल मिळाला आहे. झोन ४ मध्ये सर्वाधिक अर्ज प्राप्त झाले असून ३,०५३ अर्जांपैकी २,६४१ अर्ज मंजूर झाले आहेत. या झोनमधून १४.१५ कोटी रुपयांचा महसूल मिळाल्याची नोंद आहे.
झोन ५ मधून ९०२ अर्ज प्राप्त झाले असून महसूल ३.२१ कोटी रुपये असल्याची माहिती आहे. झोन ६ मध्ये ६१७ अर्ज मंजूर झाल्याची नोंद असून या झोनमधून ३.१५ कोटी रुपयांचा महसूल मिळाला आहे.
झोन ७ मध्ये ४६० अर्ज प्राप्त झाले असून २८३ अर्ज मंजूर करण्यात आले आहेत. या झोनमधून ५.०४ कोटी रुपयांचा महसूल मिळाला आहे. झोन ८ मधून २,०१६ अर्ज प्राप्त झाले, त्यापैकी १,४४२ अर्ज मंजूर झाले असून ६.३९ कोटी रुपयांचा महसूल नोंदवला गेला आहे.
झोन ९ मधून २९ अर्जांद्वारे ०.५१ कोटी रुपयांचा महसूल मिळाल्याची माहिती आहे. झोन १० मध्ये ७९ अर्ज प्राप्त झाले असून त्यातील ७८ अर्ज मंजूर करण्यात आले आहेत. या झोनमधून ०.९२ कोटी रुपयांचा महसूल मिळाला आहे.
एकूणच, विविध झोनमधील अर्ज मंजुरीची प्रक्रिया वेगाने सुरू असून त्यातून लक्षणीय महसूल प्राप्त होत असल्याचे चित्र या आकडेवारीतून स्पष्ट होत आहे.
मागील वर्षी याच काळात ४८ कोटी ९४ लाखांचा महसूल जमा झाला होता.
यावर्षी जुलै, ऑगस्ट आणि ऑक्टोबर महिन्यांत अर्ज व महसूल दोन्ही वाढले असून एकूण महसूल ६१ कोटी ३१ लाखांवर पोहोचला आहे.
सातारा-देवळाई परिसराला प्रोत्साहन म्हणून महापालिकेने स्वतंत्र विशेष सवलत लागू केली होती.
मात्र अपेक्षेप्रमाणे नागरिकांनी प्रतिसाद दिला नाही.
सवलत असूनही फक्त ८५ मालमत्ताधारकांनीच अर्ज दाखल केले असल्याचे गुंठेवारी विभागाने स्पष्ट केले,
गुंठेवारीसाठी असलेली २५ टक्के सवलत डिसेंबरअखेरीपर्यंत लागू आहे.
त्यामुळे अर्ज करण्यास इच्छुक असलेल्या नागरिकांनी आवश्यक कागदपत्रांसह संचिका वेळेत पूर्ण कराव्यात, असे आवाहन मनपाने केले आहे.
