Mahim Constituency Politics: सदा सरवणकरांनी घेतला निर्णय; माहीममध्ये तिरंगी लढत अटळ

शिवसेनेने मुंबईतील माहीम विधानसभा मतदारसंघातून विद्यमान आमदार सदा सरवणकर यांना उमेदवारी दिली आहे. तर  राज ठाकरे यांचे पुत्र अमित ठाकरे हेदेखील पहिल्यांदाच माहीम मतदारसंघातून निवडणुकीच्या रिंगणात उतरले आहेत.

Photo Credit- Social Media (माघार नाहीच, माहीममध्ये सदा सरवणकर अमित ठाकरे लढत होणारच)

Follow Us:

Follow Us:

मुंबई: महाराष्ट्र विधानसभा निवडणुकीसाठी सर्वच राजकीय पक्ष आपली ताकद पणाला लावली आहे.  विधानसभा निवडणुकीतील उमेदवारी अर्ज मागे घेण्याचा आज शेवटचा दिवस होता. त्याची मुदत आज (4 नोव्हेंबर)  दुपारी तीन वाजेपर्यंत उमेदवारी अर्ज मागे घेण्याची मुदत संपली. महाराष्ट्र नवनिर्माण सेनेचे अध्यक्ष राज ठाकरे यांचे पुत्र अमित ठाकरे आणि मुख्यमंत्री एकनाथ शिंदे गटाचे उमेदवार सदा सरवणकर यांनी महाराष्ट्रातील सर्वाधिक चर्चेत असलेल्या मुंबईतील माहीम विधानसभा मतदारसंघातून आपला उमेदवारी अर्ज मागे घेतलेला नाही.

महाराष्ट्र विधानसभा निवडणुकीत मध्य मुंबईतील माहीम मतदारसंघात खरी तिरंगी लढत होणार आहे. येथे तिन्ही दलांचे उमेदवार लढत आहेत. मंगळवारी एकनाथ शिंदे यांच्या शिवसेनेकडून विद्यमान आमदार सदा सरवणकर यांनीही अर्ज दाखल केला आहे. यापूर्वी उद्धव ठाकरेंच्या सेनेतून महेश सावंत आणि महाराष्ट्र नवनिर्माण सेनेचे अध्यक्ष राज ठाकरे यांचे पुत्र अमित ठाकरे यांनी अर्ज दाखल केले होते. सदा सरवणकर उमेदवारी अर्ज मागे घेतील, अशी शक्यता होती.  खरे तर उमेदवारी अर्ज मागे घेण्यापूर्वी सदा सरवणकर राज ठाकरे यांच्या भेटीसाठी गेले होते. पण राज ठाकरेंनी भेटण्यास नकार दिल्याचा दावा सरवणकर यांनी केला.  यानंतर सरवणकर यांनीही निवडणुकीच्या मैदानातून मागे न हटण्याचा निर्णय घेतला आहे.  त्यामुळे अमित ठाकरेंना याठिकाणी ठाकरे गटाच्या उमेदवारासह शिंदे गटाचे सदा सरवणकर यांचेही आव्हान असणार आहे.

हेही वाचा: Video: “मविआत गेले अन् ‘हिंदूहृदयसम्राट’ काढून थेट जनाब…”; राज ठाकरेंची उद्धव ठाकरेंवर सडकून टीका

2009 मध्ये मनसेचा विजय

शिवसेनेने मुंबईतील माहीम विधानसभा मतदारसंघातून विद्यमान आमदार सदा सरवणकर यांना उमेदवारी दिली आहे. तर  राज ठाकरे यांचे पुत्र अमित ठाकरे हेदेखील पहिल्यांदाच माहीम मतदारसंघातून निवडणुकीच्या रिंगणात उतरले आहेत. विशेष म्हणजे यावेळी अमित ठाकरे पहिल्यांदाच निवडणूक लढवत आहेत.  राज ठाकरे हे माहीम परिसरातील रहिवासी आहेत. 2009 मध्ये त्यांच्या पक्षाचे मनसेचे उमेदवार नितीन देसाई येथून विजयी झाले होते.

सदा सरवणकर दोनदा विजयी

यानंतर 2014 मध्ये अविभाजित शिवसेनेचे सदा सरवणकर विजयी झाले.  सरवणकर यांनी गेल्या विधानसभा निवडणुकीतही विजय मिळवला होता.  मात्र, तेव्हाची परिस्थिती वेगळी होती.  त्यावेळी शिवसेना अविभाजित होती आणि मनसेपेक्षा मोठा चेहरा रिंगणात नव्हते.

हेही वाचा: 5 नोव्हेंबरपासून CAT 2024 चे हॉल तिकीट करता येणार डाउनलोड, जाणून घ्या प्रक्रिया

माहीममध्ये तिरंगी लढत अटळ

माहीम मतदारसंघातून शिंदे गटाचे उमेदवार सदा सरवणकर उमेदवारी मागे घेतील, असे मानले जात होते, मात्र तसे झाले नाही.  आता या जागेवर तिरंगी लढत होणार आहे.  उद्धव गटाच्या शिवसेनेने येथून महेश सावंत यांना उमेदवारी दिली आहे.

माहीम मतदारसंघातील मतदारांची संख्या

माहीम मतदारसंघातील एकूण मतदारांची संख्या 225373 आहे. त्यापैकी 112 638 पुरुष मतदार आहेत, तर 112657 महिला मतदार आहेत. याशिवाय येथील तृतीय पंथी  मतदारांची संख्या 78 आहे.

Web Title: There is no retreat always saravankar amit thackeray will fight in mahim nras

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com