अमिताभ बच्चनने केले पंकज त्रिपाठीचे कौतुक, म्हणाले- ‘त्यांचे चित्रपट पाहतो आणि शिकतो’!

बॉलीवूड स्टार अमिताभ बच्चन यांचा नुकताच Kalki 2898 AD हा चित्रपट प्रेक्षकांच्या भेटीस आला होता. या चित्रपटाला चाहत्यांनी भरपूर प्रेम दिले आणि हा चित्रपट चित्रपटगृहात सुपरहिट देखील ठरला आणि प्रचंड कमाई केली. तसेच अभिनेता आता 'कौन बनेगा करोड़पति' सीझन १६ या शो मध्ये दिसत आहेत. शोच्या नुकत्याच झालेल्या एपिसोडमध्ये पारस मणी नावाचा स्पर्धक बिग बींसोबत हॉट सीटवर दिसला. तसेच त्याने वैद्यकीय मदत देण्याची घोषणा केली.

(फोटो सौजन्य- Social Media)

Follow Us:

Follow Us:

अमिताभ बच्चन यांचा सर्वात लोकप्रिय शो ‘कौन बनेगा करोडपती’ 12 ऑगस्टपासून सुरू झाला आहे. यावेळी शोचा 16वा सीझन पाहायला मिळत आहे, ज्याची चाहते आतुरतेने वाट पाहत आहेत. या शोमध्ये आतापर्यंत अनेक स्पर्धक दिसले आहेत, परंतु आतापर्यंत कोणीही शोमधून संपूर्ण रक्कम जिंकलेली नाही. आता शोच्या नुकत्याच झालेल्या एपिसोडमध्ये इंडिया चॅलेंजर वीक एका ट्विस्टसह दाखवण्यात आला. जिथे स्पर्धकांनी फास्टेस्ट फिंगर फर्स्ट जिंकल्यानंतर ‘जल्दी 5’ मध्ये भाग घेतला. या फेरीत, ‘जल्दी 5’ मध्ये पहिल्या दोन फास्टेस्ट फिंगर फर्स्ट स्पर्धकांनी रेस केली आणि पाच गुण मिळविणाऱ्या पहिल्या स्पर्धकाला हॉट सीट घेण्याची आणि गेम खेळण्याची संधी मिळाली.

बिग बी स्पर्धकाला केली मदत
शोच्या नव्या एपिसोडमध्ये पारस मणीचे स्वागत करण्यात आले. यादरम्यान त्यांनी बिग बींशी संवाद साधला आणि त्यांच्या आयुष्याबद्दल सांगितले. ते ऑटो चालक असल्याचे त्यांनी या शोमध्ये सांगितले. तसेच पारस मणी पुढे म्हणाले की, अनेक अडचणींमुळे त्यांनी आपले शिक्षण पूर्ण करू शकले नाही. अशा परिस्थितीत अमिताभ बच्चन यांनी पारस मणी यांना वैद्यकीय मदत करण्याचे आश्वासन दिले आहे.

हे देखील वाचा- ‘कोहरा’चा सीझन 2 लवकरच येणार प्रेक्षकांच्या भेटीला, अभिनेत्री मोना सिंग करणार एन्ट्री!

बॉलीवूड स्टार अमिताभने पंकज त्रिपाठीचे केले कौतुक
बिग बींनी 20,000 रुपयांसाठी विचारलेला पहिला प्रश्न होता की, ‘मैं अटल हूं’ या चित्रपटात पंकज त्रिपाठी यांनी कोणाची भूमिका साकारली आहे? पुढे त्यांनी अभिनेत्याचे कौतुकही केले. ते म्हणाले, “पंकज त्रिपाठी हे आमच्या हिंदी चित्रपटसृष्टीतील एक सक्षम कलाकार आहेत. ते खूप चांगले कलाकार आहेत. आम्ही त्यांचे सर्व चित्रपट पाहतो आणि शिकतो, त्यांची कला खूप चांगली आहे.” असे म्हणून बॉलीवूड स्टार अमिताभ बच्चनने पंकज त्रिपाठीचे मन भरून कौतुक केले.

Web Title: Amitabh bachchan praises pankaj tripathis work

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com