बुधवार, 21 ऑक्टोबर 2026
(फोटो सौजन्य- सोशल मीडिया)
कार्तिक आर्यनच्या ‘भूल भुलैया 3’ या चित्रपटाची चाहते आतुरतेने वाट पाहत आहेत. विद्या बालनला 17 वर्षांनंतर चाहते मंजुलिकाच्या भूमिकेत पाहणार आहेत. याशिवाय या चित्रपटामध्ये तृप्ती डिमरी, माधुरी दीक्षित, राजपाल यादव आणि इतर कलाकार देखील काम करताना दिसणार आहेत. कार्तिक आर्यन आणि तृप्ती डिमरी यांचा बहुप्रतिक्षित हॉरर कॉमेडी चित्रपट ‘भूल भुलैया 3’ दिवाळीला प्रदर्शित होणार आहे. या चित्रपटाचा ट्रेलर काही दिवसांपूर्वी प्रदर्शित झाला होता. चित्रपटाचा ट्रेलर पाहिल्यानंतर चाहते चित्रपटाच्या प्रदर्शनाची आतुरतेने वाट पाहत आहेत.
दोघीही दिसणार एकत्र थिरकताना
यावेळी चाहत्यांना विद्या बालन आणि माधुरी दीक्षित यांचा चेहरा ‘आमी जे तोमर ३.०’ मध्ये पाहायला मिळणार आहे. चित्रपटाचा ट्रेलर पाहता, यावेळी दोन मंजुलिका दिसणार असल्याचा अंदाज बांधला जात आहे, हे त्याच्या ताज्या पोस्टरवरून स्पष्टपणे दिसून येत आहे. मुंबईत एका कार्यक्रमादरम्यान चित्रपटाचे लोकप्रिय गाणे ‘आमी जे तोमर’ लाँच करण्यात आले. 2007 मध्ये विद्याने या ट्रॅकवर एक सुंदर नृत्य सादर केले होते. रॉयल ऑपेरा हाऊसमध्ये आयोजित या कार्यक्रमात विद्या बालन आणि माधुरी दीक्षित एकमेकांसोबत स्टेज शेअर करताना दिसल्या. त्यांना एकत्र पाहून चाहत्यांना चांगलाच आनंद झाला.
हे देखील वाचा – ‘पुष्पा 2’ने रिलीजआधीच केली 1000 कोटींची कमाई? निर्मात्यांनी प्री-रिलीझ बिजनेसबाबत सोडले मौन!
विद्या बालनचे चाहत्यांनी केले कौतुक
यावेळी परफॉर्म करत असताना विद्या बालनचा पाय साडीत अडकला आणि ती अचानक स्टेजवर पडली. तथापि, यानंतर लगेचच, तिने स्वत: ला खूप चांगले सावरले आणि नृत्य सुरू ठेवले. विद्याने स्टेजवर ज्या आत्मविश्वासाने स्वत:ला सावरले ते पाहून चाहत्यांनी अभिनेत्रीचे चांगलेच कौतुक केले. चाहत्यांना अभिनेत्रीचा हा आत्मविश्वास खूपच आवडला आहे. दोघांच्या या परफॉर्मन्सने तिथे उपस्थित प्रेक्षकांची मने जिंकली. आणि चाहते पुन्हा एकदा माधुरी आणि विद्याच्या प्रेमात पडले.
View this post on Instagram
c
परफॉर्मन्सनंतर विद्या म्हणाली की, माधुरी दीक्षितसोबत स्क्रीन शेअर करणे हा तिच्यासाठी सन्मान आहे. अभिनेत्री म्हणाली, ‘एकाच फ्रेममध्ये असणे ही माझ्यासाठी मोठी गोष्ट आहे. माझी बहीण आज मला म्हणाली तुला त्याच्यासारखं व्हायचं होतं आणि आज तू त्याच्यासोबत नाचते आहेस, ही मोठी गोष्ट नाही का?’. असे म्हणून अभिनेत्रीने आपले मन व्यक्त केले.
हे देखील वाचा – Singham Again: ‘जय बजरंगबली’पेक्षा जास्त खतरनाक ‘सिंघम अगेन’चा टायटल ट्रॅक, बाजीराव सिंघम करणार रावणाला नष्ट!
सिंघमसोबत या चित्रपटाची होणार टक्कर
‘आमी जे तोमर’च्या नवीन आवृत्तीला श्रेया घोषालने तिचा आवाज दिला आहे तर चिन्नी प्रकाशने नृत्यदिग्दर्शन केले आहे. समीरने त्याचे बोल लिहिले आहेत. तसेच प्रीतम आणि अमाल मलिक यांचे संगीत आहे. ‘भूल भुलैया ३’ हा चित्रपट येत्या १ नोव्हेंबरला चित्रपटगृहात दाखल होणार आहे. तसेच, रोहित शेट्टीच्या सिंघम अगेनशी या चित्रपटाची टक्कर प्रेक्षकांना पाहायला मिळणार आहे. या चित्रपटात अजय देवगण, रणवीर सिंग, अक्षय कुमार, टायगर श्रॉफ, दीपिका पदुकोण आणि करीना कपूरसारखे स्टार्स दिसणार आहेत.
