“बिनोदिनी – एकती नातीर उपाख्यान” चित्रपटाचे पोस्टर लाँच; अभिनेता चंदन रॉय सन्याल मुख्य भूमिकेत!

अभिनेता चंदन रॉय सन्यालचा लवकरच बंगाली चित्रपट "बिनोदिनी – एकती नातीर उपाख्यान” चित्रपटगृहात दाखल होणार आहे. या चित्रपटामध्ये अभिनेता श्री रामकृष्ण परमहंस देव यांच्या भूमिकेत दिसणार आहे.

(फोटो सौजन्य - सोशल मीडिया)

Follow Us:

Follow Us:

देव एंटरटेनमेंट व्हेंचर्सच्या आगामी बहुप्रतीक्षित “बिनोदिनी – एकती नातीर उपाख्यान”च्या पोस्टरचे अनावरण नुकतेच विनोदिनी या पूर्वी स्टार थिएटर म्हणून कलकत्ता येथे प्रसिद्ध असलेल्या सिनेमागृहात कारण्यात आले. हे पोस्टर चित्रपटाचे सुप्रसिद्ध चित्रपट निर्माते, दिग्दर्शक राम कमल मुखर्जी यांच्या हस्ते संपन्न झाले. पोस्टरमध्ये एक महान संत, आध्यात्मिक गुरु अशी ओळख असलेल्या प. पूज्य श्री रामकृष्ण परमहंस देव यांच्या परिवर्तनात्मक चित्रणात अभिनेता चंदन रॉय सान्याल यांची विशेष ओळख करून देण्यात आली आहे. प्रमोद फिल्म्स द्वारे विविध मोशन पिक्चर्सच्या संयुक्त विद्यमाने निर्मित आणि देव एन्टरटेन्मेंट व्हेंचर्स प्रस्तुती असलेला बिनोदिनी – एकती नातीर उपाख्यान हा बंगाली भाषेतील चित्रपट येत्या २३ जानेवारीला संपूर्ण महाराष्ट्रात प्रदर्शित होणार आहे.

हा चित्रपट उत्तर कोलकात्यातील रेड-लाइट एरियतील एका तरुण मुलीचा प्रेरणादायी पण हृदयद्रावक प्रवासाचे वर्णन करणारा आहे. ज्या मुलीने थिएटर क्षेत्रात येऊन यशस्वी कारकीर्द घडवली जिला नटी बिनोदिनी म्हणून ओळखले जाऊ लागले.अनेक अडीअडचणींचा सामना करून जिद्द आणि चिकाटीच्या जोरावर नटी बिनोदिनी यांनी स्वतःची एक वेगळी ओळख निर्माण केली होती.

दिग्दर्शक राम कमल मुखर्जी यांनी पुरुषप्रधान समाजात प्रतिष्ठेसाठी लढणारी एक स्त्री म्हणून तिचा संघर्ष आणि विजय अधोरेखित करून, बिनोदिनीची कथा जिवंत केली आहे. हा चित्रपट १९व्या शतकातील बंगालच्या दोलायमान पण दमनकारी नाट्यसंस्कृतीतून तिच्या संगीत आणि नाट्यमय वारशाने समृद्ध झालेला तिचा प्रवास दर्शवणारी आहे.

Bigg Boss 18 : चाहत पांडेची आई अविनाश मिश्रावर संतापली! टेलिव्हिजनवर अभिनेत्याची घेतली क्लास

बिनोदिनी हा केवळ बायोपिकपेक्षा अधिक आहे. स्वप्नांच्या शोधात अथक आव्हानांना तोंड देणाऱ्या महिलांच्या अदम्य भावनेला ही श्रद्धांजली आहे. रामकृष्ण परमहंस देव म्हणून चंदन रॉय सन्याल यांचा समावेश कथेचा एक महत्त्वाचा घटक आहे, ज्यामुळे कथेत खोलवर भर पडते. या चित्रपटाबाबत देव एन्टरटेन्मेंट व्हेंचर्सच्या वतीने देव म्हणाले, “देव एंटरटेनमेंट व्हेंचर्सने कथा कथनाच्या कलेची सुरुवात केली, ते थिएटरमधील बिनोदिनी दासी यांचे जीवन आणि वेळ पुन्हा निर्माण करणे हे एक मोठे कार्य होते. अशा टीमसोबत काम करणं हा एक अनुभव होता. आम्ही हा चित्रपट अगदी मनापासून बनवला आहे आणि आता तो प्रदर्शित होण्याची वाट आम्ही आतुरतेने पाहत आहोत.” असे त्यांनी सांगितले.

अभिनेते चंदन रॉय सान्याल चित्रपटाच्या भूमिकेबाबत मत व्यक्त करताना म्हणाला की, ‘दिग्दर्शक राम कमल मुखर्जी यांनी जेव्हा मला या भूमिकेबद्दल सांगितले तेव्हा मला तो विनोद करत असल्याचे वाटले. राम कमल मुखर्जी स्वतः एक पत्रकार असून आता एक उत्तम चित्रपट निर्माते झाले आहेत. मला माझ्या कारकिर्दीतली हि सर्वात लॅटीन भूमिका असल्याचे मी मान्य करतो. एका कठीण भूमिकेसाठी त्यांनी माझी निवड केली याचा मला आनंदही तितकाच आहे. रामकृष्ण ही व्यक्तिरेखा साकारणे खूप अवघड आहे. त्याने माझी खूप काळजी घेतली आणि ही भूमिका त्याने अगदी सहजपणे माझ्याकडून करून घेतली.’ असे अभिनेत्याने सांगितले.

पोस्टरचे अनावरण एका भावनिक प्रवासाची सुरुवात दर्शवते जे स्त्रियांबद्दलच्या समाजाच्या आकलनातील गुंतागुंत, बंगाली रंगभूमीची दोलायमान संस्कृती आणि नाती बिनोदिनीचा चिरस्थायी वारसा यांचा अभ्यास करते. या चित्रपटात अभिनेता राहुल बोस, कौशिक गांगुली, मीर, चंद्रेयी घोष आणि ओम सहानी यांसारखे प्रतिभावान कलाकार आहेत. प्रियांका पोद्दार यांनी चित्रपटाची कथा, पटकथा आणि संवाद लिहिले आहेत तर अभिरा चक्रवर्ती यांनी संशोधन केले आहे. सौमिक हलदर हे डीओपी आहेत. सौरेंद्रो सोम्योजित या दिग्गज संगीतकार जोडीने चित्रपटाला संगीत दिले आहे. तन्मय चक्रवर्ती हे कला दिग्दर्शक आहेत आणि चित्रपटाचे संपादन प्रणॉय दासगुप्ता यांनी केले आहे. सुचस्मिता दासगुप्ता यांनी वेशभूषा केली आहे.

दिग्दर्शक अनुराग कश्यपने थेट बॉलिवूड इंडस्ट्रीचीच काढली अक्कल, नवख्या कलाकारांचेही टोचले कान

बिनोदिनी हा एक असा चित्रपट आहे जो स्त्रियांच्या न सांगितल्या जाणाऱ्या कथांवर प्रकाश टाकतो आणि स्वप्न पाहण्याच्या धाडसासाठी त्यांना किती किंमत मोजावी लागते यावर भाष्य करतो. येत्या २३ जानेवारी २०२५ ला हा चित्रपट सर्वत्र प्रदर्शित होणार आहे. ज्याचा आनंद प्रेक्षकांना सिनेमागृहात घेता येणार आहे.

Web Title: Film binodini sri ramakrishna first look poster reveal

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com