‘Sardaar Ji 3′ चा ट्रेलर लाँच; दिलजीत आणि हानियाला पाहून चाहत्यांचा संताप, निर्मात्यांनी उचलले ‘हे’ पाऊल

दिलजीत दोसांझने त्याच्या आगामी पंजाबी कॉमेडी चित्रपट 'सरदारजी ३' चा ट्रेलर रिलीज केला आहे. ज्यामध्ये पाकिस्तानी अभिनेत्री हानिया आमिर देखील आहे. अभिनेत्रीला पाहून चाहते आता संतापले आहेत.

(फोटो सौजन्य - इन्स्टाग्राम)

Follow Us:

Follow Us:

रविवारी संध्याकाळी दिलजीत दोसांझने त्यांच्या नवीन पंजाबी कॉमेडी चित्रपट ‘सरदारजी ३’ चा ट्रेलर लाँच केला. या ट्रेलरने पाकिस्तानी अभिनेत्री हानिया आमिरला चित्रपटातून वगळण्यात आल्याच्या वृत्तांना पूर्णविराम दिला. २२ एप्रिल रोजी पहलगाम येथे झालेल्या दहशतवादी हल्ल्यानंतर असे अंदाज लावले जात होते. त्या हल्ल्यात २६ भारतीय पर्यटकांचा मृत्यू झाला आणि भारत-पाकिस्तान संबंध आणखी बिघडले, परंतु हानिया आमिरची मोठी भूमिका ट्रेलरमध्ये स्पष्टपणे दिसून येत आहे. ज्यावरून ती चित्रपटात महिला मुख्य भूमिका साकारत असल्याचे सिद्ध झाले आहे.

आता या माहितीमुळे चाहते संतापले आहे. तसेच यामुळे चित्रपटाच्या निर्मात्यांनी मोठा निर्णय घेतला आहे. हा चित्रपट निर्माते भारतात प्रदर्शित करणार नाही तर फक्त परदेशातच प्रदर्शित करणार आहेत. दिलजीतने सोशल मीडियावर ट्रेलर शेअर केला आणि लिहिले की, ‘सरदारजी ३’ २७ जून रोजी फक्त परदेशातच प्रदर्शित होईल.’ असे लिहून अभिनेत्याने या चित्रपटाचा ट्रेलर शेअर केला आहे.

‘Anupamaa’च्या सेटवर भीषण आग, फिल्म सिटीमध्ये उडाली खळबळ; व्हिडिओ व्हायरल

ट्रेलर भारतात लाँच झाला नाही
भारतीय प्रेक्षकांना लगेच लक्षात आले की ट्रेलर भारतात ब्लॉक करण्यात आला आहे. जेव्हा कोणी YouTube वर ट्रेलर प्ले करण्याचा प्रयत्न करतो तेव्हा त्यावर लिहिले आहे की, ‘हा व्हिडिओ तुमच्या देशात उपलब्ध नाही.’ तर चित्रपटाचा टीझर आणि गाणी अजूनही भारतात पाहता येत आहेत. यामुळे असे दिसते की कदाचित हानिया आमिरच्या उपस्थितीमुळे ट्रेलर ब्लॉक करण्यात आला आहे. याशिवाय भारताने ७ मे रोजी पाकिस्तान आणि पीओकेमधील दहशतवाद्यांवर प्रत्युत्तर दिले, ज्याला ऑपरेशन सिंदूर असे नाव देण्यात आले. यानंतर, अभिनेत्री हानिया आमिरचे इंस्टाग्राम अकाउंट देखील भारतात ब्लॉक करण्यात आले आहे.

 

View this post on Instagram

 

A post shared by DILJIT DOSANJH (@diljitdosanjh)

चित्रपट उद्योगाची प्रतिक्रिया आणि प्रदर्शनाची पद्धत
११ जून रोजी, फेडरेशन ऑफ वेस्टर्न इंडिया सिने एम्प्लॉईज (FWICE) ने एक निवेदन जारी केले. त्यांनी सेन्सॉर बोर्डाला (CBFC) आवाहन केले की ‘सरदार जी ३’ मध्ये पाकिस्तानी कलाकार असल्याने त्याला प्रमाणपत्र देऊ नये. हानिया आमिर व्यतिरिक्त, या चित्रपटात नासिर चिन्योती, दानियल खावर आणि सलीम अलबेला सारखे पाकिस्तानी कलाकार आहेत.

विवाहित पुरुष, लिव इन अन् मृत्यू… स्मिता पाटील- राज बब्बर यांची अशी होती Love Story

चित्रपटाशी संबंधित कोणताही वाद किंवा निषेध टाळण्यासाठी, निर्मात्यांनी हा चित्रपट फक्त परदेशात प्रदर्शित करण्याचा निर्णय घेतला आहे. ‘सरदार जी ३’ हा दिलजीत दोसांझच्या हिट फ्रँचायझीमधील तिसरा चित्रपट आहे. हा चित्रपट त्याच्या हलक्याफुलक्या विनोदी आणि काल्पनिक शैलीसाठी ओळखला जातो, परंतु त्यात पाकिस्तानी कलाकारांच्या, विशेषतः हानिया आमिरच्या उपस्थितीमुळे हा चित्रपट राजकीय आणि सांस्कृतिक वादाचा भाग बनला आहे.

Web Title: Sardaar ji 3 trailor launch diljit dosanjh hania aamir punjabi comedy film

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com