IPL समारोप समारंभात शंकर महादेवन यांचे भारतीय सशस्त्र दलासाठी खास सादरीकरण, मुलंदेखील देणार साथ!

आयपीएल २०२५ च्या समारोप समारंभात प्रसिद्ध गायक शंकर महादेवन भारतीय सैन्यासाठी एक विशेष सादरीकरण करण्यासाठी सज्ज झाले आहेत. ज्यामध्ये त्यांची मुलंदेखील त्यांना साथ देणार आहेत.

(फोटो सौजन्य - x अकाउंट)

Follow Us:

Follow Us:

आयपीएल २०२५ च्या अंतिम सामन्याच्या समारोप समारंभात प्रसिद्ध गायक शंकर महादेवन भारतीय सैन्यासाठी एक खास संगीतमय सादरीकरण देणार आहेत. या सादरीकरणात त्यांचे पुत्र सिद्धार्थ आणि शिवम देखील त्यांच्यासोबत दिसणार आहेत. हा कार्यक्रम मंगळवारी अहमदाबादमधील नरेंद्र मोदी स्टेडियमवर आरसीबी आणि पीबीकेएस यांच्यातील अंतिम सामन्यापूर्वी होणार आहे. कार्यक्रमात सहभागी झालेल्या प्रेक्षकांना हे खास सादरीकरण पाहायला मिळणार आहे.

शंकर महादेवन आणि त्यांचे पुत्र अंतिम फेरीत सादरीकरण करतील
या प्रसंगाबाबत, शिवम महादेवन यांनी इंस्टाग्रामवर लिहिले, “उद्या अंतिम फेरीत भेटू. हा एक मोठा सन्मान आहे! #IPLFINAL #TRIBUTE #SSSLIVE #IPL.” असे लिहून त्याने ही पोस्ट शेअर केली. वडील आणि मुलांना एकत्र गाताना पाहण्याची संधी प्रेक्षकांना पहिल्यांदाच मिळणार आहे.

Amitabh and Jaya Wedding Anniversary: जया- अमिताभ यांच्या प्रेमाला झाले ५२ वर्ष पूर्ण; जाणून घ्या ‘या’ जोडप्यांचा अनोखा प्रवास!

 

View this post on Instagram

 

A post shared by SHIVAM MAHADEVAN (@shivammahadevan)

पहलगाम दहशतवादी हल्ल्यामुळे आयपीएल एक आठवड्यासाठी रद्द
२२ एप्रिल रोजी जम्मू आणि काश्मीरमधील पहलगाम येथे झालेल्या दहशतवादी हल्ल्याला प्रत्युत्तर म्हणून भारताने ७ मे रोजी “ऑपरेशन सिंदूर” सुरू केले. या कारवाईत भारताने जैश-ए-मोहम्मद, लष्कर-ए-तैयबा आणि हिजबुल मुजाहिदीन सारख्या दहशतवादी संघटनांच्या १०० हून अधिक दहशतवाद्यांना ठार मारले. त्यानंतर पाकिस्तानने नियंत्रण रेषेवर आणि सीमावर्ती भागात गोळीबार आणि ड्रोनने हल्ला केला. प्रत्युत्तर म्हणून भारताने पाकिस्तानच्या ११ हवाई तळांवर हल्ला केला आणि त्यांचे रडार, संपर्क केंद्रे आणि हवाई क्षेत्रे खराब केली. १० मे रोजी भारत आणि पाकिस्तानमध्ये युद्ध थांबवण्याचा करार झाला.

अजय देवगणचा ‘रेड २’ इलियाना डिक्रुझने का नाकारला ? सोशल मीडियावर पोस्ट करत सांगितले कारण

भारत आणि पाकिस्तानमधील तणावामुळे आयपीएल एक आठवडा थांबवण्यात आले. १७ मे रोजी सामने पुन्हा सुरू झाले आणि अंतिम फेरीची तारीख २५ मे वरून ३ जून करण्यात आली. यावेळी आयपीएलला एक नवीन विजेता मिळेल कारण आरसीबी आणि पीबीकेएस दोन्ही संघ पहिल्यांदाच अंतिम फेरीत एकमेकांसमोर खेळताना दिसणार आहे. हा सामना ३ जून रोजी अहमदाबादमधील नरेंद्र मोदी स्टेडियमवर खेळला जाणार आहे.

Web Title: Shankar mahadevan ipl 2025 closing ceremony shankar mahadevan indian armed forces special performance sons siddharth mahadevan shivam mahadevan ahmedabad narendra modi stadium

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com