Sukesh Chandrashekhar: जॅकलीन फर्नांडिससाठी सुकेश चंद्रशेखर बनला सांताक्लॉज; तुरुंगातून लिहिलं पत्र, दिली खास भेट!

सुकेश चंद्रशेखरने अभिनेत्री जॅकलीन फर्नांडिसला लिहिलेल्या नवीन पत्रात स्वतःचे सांताक्लॉज असे वर्णन केले आहे. तसेच त्याने तिला ख्रिसमससाठी फ्रेंच द्राक्ष बाग देखील भेट दिली आहे.

फोटो सौजन्य - Social Media

Follow Us:

Follow Us:

ठग सुकेश चंद्रशेखरने तिहार तुरुंगातून अभिनेत्री जॅकलिन फर्नांडिसला आणखी एक प्रेमपत्र लिहिले आहे. सुकेशने कथितरित्या लिहिलेल्या पत्राची एक प्रत सोशल मीडियावर व्हायरल होत आहे. त्याच्या पत्रात, त्याने स्वतःला अभिनेत्रीचा सांता म्हणून वर्णन केले आहे आणि तिला फ्रान्समधील संपूर्ण द्राक्ष बाग भेट दिल्याचा उल्लेख या पत्रात केला आहे. सध्या हे पत्र सोशल मीडियावर व्हायरल होत आहे.

सुकेशचे प्रेमपत्र झाले व्हायरल
२५ डिसेंबर रोजी हे पत्र सुकेश चंद्रशेखर यांनी लिहिले असून ते जॅकलिन फर्नांडिससाठी आहे. पत्राची प्रत रेडिटवर व्हायरल झाली आहे. नवी दिल्लीतील मंडोली तुरुंगातून लिहिलेल्या पत्रात त्याने जॅकलिनला ‘बोमा’ आणि ‘बेबी गर्ल’ म्हटले आणि तिला मेरी ख्रिसमसच्या शुभेच्छा देखील दिल्या आहेत. हे पत्र 25 डिसेंबरचे आहे. त्यावर लिहिले होते, ‘बाळा, माझ्या प्रिये तुला ख्रिसमसच्या शुभेच्छा. वर्षातील आणखी एक सुंदर दिवस आणि आपला सर्वात आवडता सण, पण एकमेकांशिवाय. तथापि, आपले आत्मे एकमेकांशी दृढपणे जोडलेले आहेत. मला पूर्णपणे जाणवत आहे की, आपण एकमेकांचे हात धरून मी तुमच्या सुंदर डोळ्यांकडे पाहत एकमेकांना ख्रिसमसच्या शुभेच्छा देत आहोत.’ असे या पत्रात त्याने लिहिले आहे.

Conman Sukesh Chandrashekhar has written a letter to Jacqueline Fernandez on Christmas from Tihar jail.👀
byu/Chai_Lijiye inBollyBlindsNGossip

फ्रान्समधील द्राक्ष बाग भेट दिली
सुकेशने जॅकलिनला दिलेल्या खास भेटीचाही उल्लेख या पत्रात केला गेला आहे. त्याने लिहिले की, ‘तुझ्यापासून दूर असूनही मी तुझे सांताक्लॉज होणे थांबवू शकत नाही. या वर्षी माझ्याकडे तुझ्यासाठी एक खास भेट आहे, माझी प्रिय. आज मी तुम्हाला वाइनची बाटली नाही तर फ्रान्समधील संपूर्ण व्हाइनयार्ड भेट देत आहे, प्रेमाची भूमी, ज्याचे तुम्ही नेहमीच स्वप्न पाहिले आहे. त्याच्या पत्रात त्याने पुढे म्हटले आहे की, तो जॅकलिनसोबत द्राक्षबागा पाहण्यासाठी स्वतःला थांबू शकत नाही.’ असे त्याने या पत्रात म्हंटले आहे.

Salman Khan: राग, आनंद आणि भाईगिरी यांसह सलमान खानकडे आहे नाजूक हृदय; जाणून घ्या अभिनेत्याचा अनोखा स्वभाव!

बागेत फेरफटका मारायचा आहे
या पत्रात पुढे लिहिले आहे की, ‘मी तुझा हात धरून या बागेत फेरफटका मारण्यास उत्सुक आहे. जगाला वाटेल की मी वेडा आहे, पण मी तुझ्या प्रेमात वेडा झालो आहे. मी बाहेर येईपर्यंत थांब, मग संपूर्ण जग आपण एकत्र फिरू.’ असे त्याने लिहिले आहे. सुकेशने बॉलिवूड अभिनेत्रीला पत्र लिहिण्याची ही पहिलीच वेळ नाही. तत्पूर्वी, त्याने तिला तिच्या वाढदिवशी एक पत्र देखील लिहिले होते, ज्यामध्ये त्याने तिची किती आठवण येते हे व्यक्त केले होते. त्याने दुसऱ्या पत्रात तिला होळीच्या शुभेच्छाही दिल्या. मात्र, त्याच्या आधीच्या सर्व पत्रांप्रमाणे जॅकलीननेही त्याला प्रतिसाद दिलेला नाही किंवा त्याची कबुलीही दिलेली नाही.

Web Title: Sukesh chandrashekhar gifts jacqueline fernandez french vineyard for christmas 2024 writes love letter viral

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com