भारतीय जेवणाच्या ताटात कायमच भात असतोच. भाताशिवाय जेवल्यासारखे अजिबात वाटत नाही. जेवणाच्या ताटात जर भात नसेल तर ताट अपूर्णच वाटते. नेहमीच चपाती भाजी किंवा पराठा खाऊन कंटाळा आल्यानंतर काहींना काही नवीन खाण्याची इच्छा झाल्यास भातापासून चविष्ट पदार्थ बनवले जातात. पण रोजच्या आहारात नेहमीच भात खाणे शरीरासाठी धोक्याचे ठरू शकते. दुपारी आणि संध्याकाळच्या जेवणात तुम्ही कायमच भात खात असाल तर वेळीच थांबा, अन्यथा शरीराला गंभीर आजारांची लागण होईल. चला तर जाणून घेऊया भात खाण्याचे तोटे. (फोटो सौजन्य – istock)
रोजच्या जेवणात नियमित भात खाल्ल्यास शरीराचे होऊ शकते गंभीर नुकसान, जाणून घ्या भात खाण्याचे दुष्परिणाम
भाताचे अतिसेवन केल्यामुळे वजन झपाट्याने वाढते. कारण भातामध्ये कार्बोहायड्रेटचे प्रमाण जास्त असते. भात खाल्ल्यानंतर शारीरिक हालचाल न केल्यास शरीरात लठ्ठपणा वाढतो.
दैनंदिन आहारात सतत भात खाणे म्हणजे स्वतःच संकट ओढवून घेणे. पांढऱ्या भाताचे नियमित सेवन केल्यामुळे रक्तातील साखरेची पातळी झपाट्याने वाढते आणि आरोग्य बिघडून जाते. भातामध्ये ग्लायसेमिक इंडेक्स खूप जास्त असते.
नियमित भात खाल्ल्यास गॅस आणि अपचनाच्या समस्या वाढू लागतात. पांढऱ्या भातावर प्रक्रिया करताना त्यातील नैसर्गिक फायबर काढून टाकले जातात, ज्याच्या परिणामामुळे भात खाल्ल्यानंतर अपचन होते.
पांढऱ्या भातामध्ये सेरोटोनिन आणि ट्रिप्टोफॅन नावाचे घटक आढळून येतात. ज्यामुळे भात खाल्ल्यानंतर खूप जास्त झोप आणि सुस्ती आल्यासारखे वाटते.
भात खाल्ल्यामुळे शरीराला आवश्यक पोषक घटक मिळत नाहीत. त्यामुळे भातासोबतच इतर पालेभाज्या आणि कडधान्यांचे सेवन करणे सुद्धा आवश्यक आहे.
