देखणे हे रूप दिसे….! शाही थाटात चिंचपोकळीच्या चिंतामणीचे आगमन, अनोख्या रूपात बाप्पा साकार

चिंचपोकळीचा चिंतामणी हे मुंबईतील सगळ्यात जुन्या मंडळांपैकी एक आहे. या मंडळाची स्थापना होऊन १०५ वर्ष पूर्ण झाली आहे. १९०२ साली चिंचपोकळी सार्वजनिक उत्सव मंडळाची स्थापना करण्यात आली होती.

दरवर्षी चिंतामणीच्या आगमनासाठी लाखोंच्या संख्येने भाविक मुंबईतील चिंचपोकळीमध्ये दाखल होतात. ढोल ताशाच्या गजरात यंदाच्या वर्षी बाप्पाचे मोठ्या जलौषात आगमन झाले आहे.

यंदाच्या वर्षी बाप्पा छत्रपती संभाजी महाराज यांच्या रूपात साकारण्यात आला आहे. यामध्ये बाप्पाचा शाही थाट दिसून येत आहे. आगमनावेळी बाप्पाला लाल रंगाचे धोतर आणि लाल रंगाचा शेला परिधान करण्यात आला आहे.

मुंबईच्या रस्त्यांवर बाप्पाच्या आगमन सोहळ्यासाठी भाविकांनी मोठी गर्दी केली आहे. परळच्या गणेश चित्रशाळेतून बाप्पाची मूर्ती चिंचपोकळीकडे जाण्यास मार्गस्त झाली आहे.

चिंचिपोकळीच्या चिंतामणीची पहिली झलक सोशल मीडियावर चांगलीच व्हायरल होत आहे.