संपूर्ण देशभरात एलपीजी गॅसचा तुटवडा पडला आहे. घरगुती आणि व्यासायिक गॅस मिळवण्यासाठी लांबच लांब रांगा लागल्या आहेत. याशिवाय गॅसचे दर मोठया प्रमाणावर वाढले आहेत. गॅस कपातीमुळे अनेक लोक इंडक्शन, कुकटॉप, इलेक्ट्रिक प्रेशर कुकर, मायक्रोव्हेव आणि एअर फ्रायर इत्यादी गोष्टींचा पर्याय निवडला जात आहे. गॅसच्या टंचाईमुळे जेवण कसे शिजवावे? असे अनेक प्रश्न तुमच्या सुद्धा मनात निर्माण झाले असतील तर सोप्या पद्धतीमध्ये तुम्ही हे पदार्थ बनवू शकता. हे पदार्थ बनवण्यासाठी तुम्हाला गॅसचा अजिबात वापर करावा लागणार नाही.(फोटो सौजन्य – pinterest)
गॅसचा वापर न करता घरीच बनवा 'हे' चविष्ट आणि हेल्दी पदार्थ, डाएट करणाऱ्यांसाठी उत्तम पर्याय
सकाळच्या नाश्त्यात किंवा दुपारच्या जेवणात तुम्ही अंकुरलेल्या कडधान्यांपासून चाट बनवू शकता. कडधान्यांपासून बनवलेले चाट केवळ चावीलाच नाहीतर शरीरासाठी सुद्धा पौष्टिक आहे.
सफरचंद आणि शेंगदाण्यांपासून बनवलेला पौष्टिक सॅलड खाल्ल्यानंतर पोट दीर्घकाळ भरलेले राहील आणि लवकर भूक लागणार नाही. गॅसचा तुटवडा निर्माण झाल्यामुळे कमीत कमी साहित्यात तुम्ही सफरचंद शेंगदाणा सॅलड बनवू शकता.
भूक लागल्यानंतर अनेकांना फळांची किंवा सुका मेवा टाकून बनवलेली स्मूदी प्यायला खूप जास्त आवडते. स्मूदी प्यायल्यामुळे पोट भरलेले राहते. बाजारात फळे सहज उपलब्ध होतात. त्यामुळे वेगवेगळ्या फळांची स्मूदी सकाळच्या नाश्त्यात बनवून पिऊ शकता.
दैनंदिन आहारात नियमित कोणतेही एक फळ खाल्ल्यास शरीराला भरपूर पोषण मिळेल. फळांमध्ये पाण्याचे प्रमाण खूप जास्त असते. यामुळे शरीर हायड्रेट राहते.
नियमित बीटरूट खाल्ल्यास शरीरात रक्ताची कमतरता अजिबात निर्माण होत नाही. याशिवाय हिमोग्लोबिन आणि लोह वाढण्यास मदत होते.
