संपूर्ण जगभरात काही दिवसांआधी 'मचा' हे सगळ्यांचे आवडते पेय होते. पण पुन्हा एकदा सोशल मीडियावर एका नव्या पेयाची जोरदार चर्चा रंगली आहे. कॅफेच्या मेन्यूमध्ये एक नवीन ड्रिंकचा समावेश करण्यात आला आहे. लक्षवेधी जांभळ्या रंगामुळे सोशल मीडियावर मोठ्या प्रमाणात व्हायरल होत आहे. उबे ही फिलिपिन्समध्ये आढळणारी एक कंदमूळ भाजी आहे. जी पूर्णपणे रताळ्यासारखी दिसते. फिलिपिनो घरांमध्ये या भाजीचा मोठ्या प्रमाणावर वापर केला जातो. उबे हे पेय त्याच्या गोड चवीमुळे आणि रंगामुळे खूप फेमस झाले आहे. चला तर जाणून घेऊया लक्षवेधी ठरलेल्या उबे लाटे कॉफीची सविस्तर माहिती. (फोटो सौजन्य – pinterest)
कॅफेच्या दुनियेतील नवा ट्रेंड! जांभळ्या रंगाच्या पेयाने वेधले साऱ्यांचे लक्ष, चला तर जाणून उबे लाटे कॉफी पिण्याचे फायदे
फिलिपिन्समध्ये उबे या कंदमूळ भाजीचा जेवणात मोठ्या प्रमाणावर समावेश केला जातो. या भाजीचा वापर करून चविष्ट पेय सुद्धा तयार केले जाते. जांभळ्या रंगाच्या पेयाने सगळ्यांचे लक्ष वेधून घेतले आहे.
जांभळ्या रंगाच्या आकर्षक पेयाचा ट्रेंड भारतातसुद्धा आला आहे. रताळ्यासारखे एक साधे कंदमूळ चवीलाचांगले असून त्याचे शरीराला सुद्धा भरमसाट फायदे होतात.
उबेमध्ये फायबर, विटामिन ए आणि विटामिन सी यांसारखी आवश्यक पोषक तत्वे मोठ्या प्रमाणावर आढळून येतात. कॉफी आणि चहाच्या तुलनेत या पेयामध्ये अजिबात कॅफिन नसते.
माचानंतर उबेला खूप जास्त प्रसिद्धी मिळाली आहे. नैसर्गिक चव आणि नैसर्गिक रंगामुळे उबे पेय प्रसिद्ध झाले आहे. त्यामुळे कॅफिनपासून सुटका मिळवण्यासाठी जांभळ्या पेयांचा समावेश करू शकता.
मुंबई आणि बंगळूरू सारख्या प्रमुख शहरांमधील काही विशेष कॅफेमध्ये उबे पेय मिळते.
