BCCI Central Contract मध्ये या पाच नव्या खेळाडूंची एंट्री! गुरु गंभीरच्या ‘शिष्या’चे नशीब चमकल

अभिषेक शर्माचा बीसीसीआयच्या केंद्रीय कराराच्या ग्रेड-सी मध्ये समावेश करण्यात आला आहे. गेल्या काही काळापासून अभिषेकने त्याच्या शानदार फलंदाजीने सर्वांना प्रभावित केले आहे. त्याने आतापर्यंत भारतासाठी १७ टी-२० सामन्यांमध्ये ५३५ धावा केल्या आहेत, ज्यामध्ये दोन शतकांचा समावेश आहे. आता बीसीसीआय अभिषेकला वार्षिक १ कोटी रुपये मानधन देईल.

बीसीसीआयच्या केंद्रीय करार यादीत नितीश कुमार रेड्डी यांना ग्रेड-सी मध्ये स्थान मिळाले आहे. त्याला बीसीसीआयकडून वार्षिक १ कोटी रुपये पगार मिळेल. गेल्या आयपीएल हंगामात भारतासाठी पदार्पण केल्यानंतर, नितीशने टी-२० आंतरराष्ट्रीय आणि कसोटी सामन्यांमध्ये अष्टपैलू कामगिरी दाखवली. त्याने आतापर्यंत ५ कसोटी सामने खेळले आहेत आणि २९८ धावा केल्या आहेत, ज्यामध्ये एका शतकाचा समावेश आहे. त्याने ४ टी२० आंतरराष्ट्रीय सामन्यांमध्ये ९० धावा केल्या.

वेगवान गोलंदाज आकाश दीपला पहिल्यांदाच बीसीसीआयच्या केंद्रीय करार यादीत स्थान मिळाले आहे. त्याने २०२४ मध्ये इंग्लंडविरुद्ध भारताकडून कसोटी पदार्पण केले आणि आतापर्यंत ७ कसोटी सामने खेळले आहेत. तो बॉर्डर-गावस्कर ट्रॉफीमध्ये भारताचा आघाडीचा गोलंदाज होता. आकाशदीपला बीसीसीआयच्या केंद्रीय करारात ग्रेड सी मध्ये स्थान मिळाले आहे. म्हणजे त्याला दरवर्षी १ कोटी रुपये मिळतील.

वरुण चक्रवर्ती टीम इंडियामध्ये परतला आहे. गौतम गंभीर मुख्य प्रशिक्षक झाल्यापासून, वरुणनेही त्याच्या चमकदार कामगिरीने सर्वांचे लक्ष वेधून घेतले आहे. चॅम्पियन्स ट्रॉफीमध्ये भारताच्या विजयात त्याने महत्त्वाची भूमिका बजावली. त्याने ३ सामन्यात ९ विकेट्स घेतल्या. तो स्पर्धेत सर्वाधिक विकेट घेणारा दुसरा गोलंदाज होता. त्याला आता केंद्रीय करार मिळाला आहे. त्याला क श्रेणीत समाविष्ट करण्यात आले आहे, ज्यामध्ये त्याला १ कोटी रुपये मानधन मिळेल.

बीसीसीआयच्या केंद्रीय करारात वेगवान गोलंदाज हर्षित राणा ग्रेड सी मध्ये समाविष्ट आहे. गेल्या वर्षी ऑस्ट्रेलिया दौऱ्यावर त्याने भारतासाठी पदार्पण केले. चॅम्पियन्स ट्रॉफी जिंकणाऱ्या भारतीय संघात हर्षितचाही समावेश होता. त्याला दरवर्षी १ कोटी रुपयेही मिळतील.