‘…तर आगामी निवडणुका स्वबळावर लढवू’; रोहित पवारांची नाशिकमध्ये मोठी घोषणा

अत्यंत संघर्षाच्या काळात जे पदाधिकारी, कार्यकर्ते पक्षाचे सर्वेसर्वा खासदार शरद पवार यांच्यासोबत इमाने इतबारे राहिले ते पक्षासाठी सर्वोच्च आहेत.

'भाजपसोबत राज ठाकरे भेटत असतील तर...'; रोहित पवारांचं मोठं विधान

Follow Us:

Follow Us:

नाशिक : गेल्या काही दिवसांपासून महाराष्ट्राच्या राजकारणात विविध घडामोडी घडत आहेत. सत्ताधारी आणि विरोधकांकडून एकमेकांवर टीकाटिप्पणी केली जात आहे. त्यातच आता शरद पवारांच्या राष्ट्रवादी काँग्रेसचे आमदार रोहित पवार यांनी स्वबळाचा नारा दिला आहे. ‘आमची तर समविचारी पक्षांसोबत आगामी निवडणूक लढण्याची इच्छा आहे. मात्र, ते सोबत आले तर ठीक नाहीतर निवडणूक स्वबळावर लढू’, असे रोहित पवार यांनी म्हटले आहे.

रोहित पवार यांनी नाशिक येथे महत्त्वपूर्व विधान केले. ते म्हणाले, ‘अत्यंत संघर्षाच्या काळात जे पदाधिकारी, कार्यकर्ते पक्षाचे सर्वेसर्वा खासदार शरद पवार यांच्यासोबत इमाने इतबारे राहिले ते पक्षासाठी सर्वोच्च आहेत. त्या अनुषंगाने सर्व युवक पदाधिकारी व कार्यकर्त्यांना विश्वासात घेऊन पक्ष संघटनेची नवीन बांधणी केली जाईल. आमची तर समविचारी पक्षांसोबत आगामी निवडणूक लढण्याची इच्छा आहे. मात्र, ते सोबत आले तर ठीक नाहीतर निवडणूक स्वबळावर लढू’, असा इशारा आमदार रोहित पवार यांनी येथे पक्षाच्या बैठकीत दिला.

राष्ट्रवादी काँग्रेस पार्टी शरद पवार गटाची जिल्हा व शहर कार्यकारिणीची आढावा बैठक आमदार पवार, जिल्हा निरीक्षक सुनील भुसारा यांच्या प्रमुख उपस्थितीत शनिवारी झाली. येणाऱ्या काळात पक्ष संघटनेत होणाऱ्या बदलांबाबत कल्पना आढावा बैठकीत देण्यात आली. पक्षाची ताकद वाढवण्यासाठी काही नवीन चेहऱ्यांना संधी दिली जाईल, असे संकेत आमदार रोहित पवार यांनी बैठकीत दिले.

स्थानिक निवडणुकांत समविचारी पक्षांची चर्चा करा

आगामी महानगरपालिका, जिल्हा परिषद व पंचायत समिती निवडणूक गांभीर्याने घेण्याचा सल्ला पवार यांनी दिला. स्थानिक स्वराज्य संस्थेच्या निवडणुकीत समविचारी पक्षांची चर्चा करा व जर ते तयार असतील तर एकत्र निवडणुका लढवा, असेही आमदार रोहित पवार यांनी शनिवारी सांगितले.

Web Title: We will fight the upcoming elections independently says mla rohit pawar

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com