Ram Navami 2025: राम नवमीला घरी आणा या वस्तू, देवी लक्ष्मीच्या आशीर्वादाने भरेल तुमची तिजोरी

हिंदू पंचांगानुसार, यंदा रामनवमी रविवार 6 एप्रिल रोजी साजरी केली जाणार आहे. तसेच या दिवशी प्रत्येक घरात भगवान श्रीरामाची पूजा केली जाईल. रामनवमीला कोणत्या वस्तू घरी आणाव्यात जाणून घ्या

फोटो सौजन्य- pinterest

Follow Us:

Follow Us:

रामनवमीचा सण काही दिवसांवर येत असून या दिवशी देशभरात रामाची भक्ती आणि पूजा केली जाणार आहे. धार्मिक मान्यतेनुसार, रामनवमीला विधीनुसार भगवान रामाची पूजा केल्याने जीवनातील सर्व संकटे दूर होतात आणि भगवान हनुमानाचा आशीर्वाद प्राप्त होतो. या दिवशी हनुमानजींच्या पूजेला विशेष महत्त्व आहे, कारण त्यांच्या उपासनेने भगवान राम अत्यंत प्रसन्न होतात. ज्योतिष शास्त्रानुसार रामनवमीच्या आधी काही विशेष वस्तू घरात आणल्यास घरात सुख-समृद्धी येते आणि नकारात्मक ऊर्जा दूर होते. जाणून घेऊया रामनवमीपूर्वी कोणत्या वस्तू घरी आणणे शुभ मानले जाते.

राम नवमी शुभ मुहूर्त

वैदिक दिनदर्शिकेनुसार, चैत्र महिन्याच्या शुक्ल पक्षातील नवमी तिथी शनिवार, 05 एप्रिल रोजी संध्याकाळी 07:26 वाजता सुरू होईल आणि त्याची समाप्ती रविवार, 06 एप्रिल रोजी रात्री 07:22 वाजता नवमी तिथी समाप्त होईल. उद्यतिथीनुसार रविवार, 6 एप्रिल रोजी रामनवमी साजरी केली जाणार आहे.

प्रभू राम आणि हनुमानजींचा आशीर्वाद कसा मिळवावा

रामनवमी हा पवित्र सण दरवर्षी चैत्र महिन्यातील शुक्ल पक्षाच्या नवमी तिथीला साजरा केला जातो. यंदा रामनवमी रविवार 6 एप्रिलला साजरी होणार आहे. धार्मिक ग्रंथानुसार भगवान श्रीराम यांचा जन्म याच दिवशी झाला होता. काही वस्तू विशेषत: भगवान रामाला प्रिय असतात आणि या वस्तू रामनवमीच्या आधी घरी आणल्या तर राम, हनुमानजी आणि माता लक्ष्मी यांचा आशीर्वाद प्राप्त होतो. यामुळे घरात सुख, समृद्धी आणि संपत्ती येते.

Astrology: या गोष्टींचा वापर केल्यास दूर होतील नकारात्मक ऊर्जा आणि वाईट नजर

रामनवमीपूर्वी या शुभ वस्तू घरी आणा

पिवळे कपडे किंवा सोने

ज्योतिषांच्या मते, रामनवमीच्या आधी पिवळे कपडे किंवा सोने खरेदी करून घरी आणल्याने देवी लक्ष्मी प्रसन्न होते. यामुळे घरात धन-समृद्धी वाढते आणि आर्थिक समस्या दूर होतात.

पिवळा शंख

रामनवमीपूर्वी शंख खरेदी करून देव्हाऱ्यात ठेवणे अत्यंत शुभ मानले जाते. शंख वाजविल्याशिवाय अनेक देवी-देवतांची पूजा अपूर्ण मानली जाते. ज्यामध्ये भगवान हनुमानाचाही समावेश आहे. त्यामुळे रामनवमीपूर्वी शंख घरी आणल्याने शुभ फळ मिळते.

Chaitra Navratri: चैत्र नवरात्रीत कन्या पूजनाच्या दिवशी देऊ नका या भेटवस्तू

भगवा किंवा पिवळा पताका (ध्वज)

रामनवमीच्या आधी भगवा किंवा पिवळा पताका किंवा ध्वज खरेदी करून घरी आणणे आणि रामनवमीच्या दिवशी घरामध्ये स्थापित करणे खूप शुभ मानले जाते. यामुळे नकारात्मक ऊर्जा दूर होते, सकारात्मकता पसरते आणि घरात सुख-समृद्धी येते.

(टीपः धर्म, ज्योतिष, वास्तू, फेंगशुई इत्यादी विषयांवरील लेख/ बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navrashtra या तथ्यांची पुष्टी करु शकत नाही)

Web Title: Bring these items home on ram navami 2025 for goddess lakshmi blessings and financial prosperity

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com