फोटो सौजन्य- pinterest
हिंदू धर्मात प्रत्येक तिथी आणि दिवसाचे धार्मिक महत्त्व आहे. दरवर्षी चैत्र पौर्णिमेच्या दिवशी हनुमान जयंती साजरी केली जाते. या दिवशी माता अंजनी आणि वानर राजा केसरी यांच्या पोटी भगवान हनुमानाचा जन्म झाला. हा दिवस हनुमान जयंती म्हणून साजरा केला जातो. हनुमान जयंतीनिमित्त देशभरातील हनुमान मंदिरांमध्ये विशेष प्रार्थना आणि पूजा केली जाते. विविध ठिकाणी भंडारादेखील आयोजित केला जातो. या दिवशी मारुती नंदनाची पूजा केल्याने भक्तांचे सर्व त्रास दूर होतात. या वर्षी हा सण अधिक खास असणार आहे, कारण बऱ्याच वर्षांनी हा सण एका शुभ मुहूर्तावर साजरा केला जाणार आहे.
वैदिक कॅलेंडरनुसार, चैत्र पौर्णिमा तिथी शनिवार, 12 एप्रिल रोजी पहाटे 3.20 वाजता सुरू होईल आणि रविवार, १३ एप्रिल रोजी पहाटे 5.52 पर्यंत चालेल. अशा परिस्थितीत, उदयतिथीच्या आधारे शनिवार, 12 एप्रिल रोजी हनुमान जयंती साजरी केली जाईल.
पंचांगानुसार, 57 वर्षांनंतर पंचग्रही योगात हनुमानजींच्या प्रकट होण्याचा उत्सव साजरा केला जाणार आहे. याआधी 1968 मध्ये असा संयोग झाला होता. यावेळी हस्त नक्षत्रात मीन राशीत पंचग्रही योग तयार होत आहे. मीन राशीचा स्वामी गुरू आहे. गुरु आणि शुक्र वृषभ राशीत भ्रमण करत आहेत. शुक्र मीन राशीत आहे. या विशेष योगात, सूर्य, शनि आणि राहू या त्रिदेवांसह शुक्र आणि बुध यांचा युती आहे. धार्मिक आणि आध्यात्मिक प्रगतीसाठी ही स्थिती खूप शुभ मानली जाते.
या दिवशी अनेक लोक भगवान हनुमानाला प्रसन्न करण्यासाठी विविध प्रयत्न करतात. परंतु या दिवशी जर कोणी हनुमान चालीसा, हनुमान स्तोत्र, हनुमान वद्वानल स्तोत्र, हनुमान सतीका, पंचमुखी हनुमान कवच यांचे पठण केले तर हनुमानजी महाराज खूप प्रसन्न होतात आणि व्यक्तीच्या आयुष्यात कौटुंबिक सुख, शांती, आरोग्य, सुरक्षा आणि दीर्घायुष्याचे आशीर्वाद देतात.
केळी हे बजरंगबलीचे सर्वात आवडते फळ आहे आणि ते नेहमीच त्याच्या नैवेद्यात समाविष्ट केले जाते. हनुमान जयंतीच्या दिवशी 11 केळी घ्या आणि त्यात एक लवंग घाला. यानंतर, ही फळे हनुमानजींना समर्पित करा आणि नंतर मुलांना प्रसाद म्हणून वाटून द्या. असे केल्याने जीवनातील समस्या दूर होतात.
(टीपः धर्म, ज्योतिष, वास्तू, फेंगशुई इत्यादी विषयांवरील लेख/ बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navrashtra या तथ्यांची पुष्टी करु शकत नाही)
