फोटो सौजन्य- pinterest
शारदीय नवरात्रीची सुरुवात झाली आहे. यंदा देवीचे आगमन हत्तीवर स्वार होऊन झालेले आहे हे आगमन खूप शुभ मानले जाते. शारदीय नवरात्रीमध्ये अनेक विधी आणि परंपरा पाळल्या जातात. या काळात देवीच्या नऊ रुपांची पूजा केली जाते. यावेळी कन्या पूजन देखील केले जाते. त्यासोबतच हवन देखील केले जाते. धार्मिक मान्यतेनुसार, हवन दररोज केले जाते. मात्र नवरात्रीच्या या विशेष तिथीला योग्य विधींसह हवन केले तर देवी भक्तावर प्रसन्न होते आणि तुमच्या इच्छा लवकरच पूर्ण होतात. नवरात्रीमध्ये हवन कधी आणि कोणत्या पद्धतीने करायचे, हवनाच्या वेळी पुजारी असणे आवश्यक आहे, जाणून घ्या
22 सप्टेंबरपासून नवरात्रीची सुरुवात झाली आहे आणि हा उत्सव 2 ऑक्टोबर रोजी संपणार आहे. या काळात देवीच्या पूजेसोबतच विविध विधी देखील केले जातात. शास्त्रांनुसार, अष्टमीला नवरात्रीचे व्रत सोडणारे भक्त या दिवशी हवन करू शकतात. नवमीला व्रत सोडणाऱ्यांनी नवमीला हवन करावे. यंदा अष्टमी तिथी मंगळवार, 30 सप्टेंबर रोजी तर नवमी तिथी बुधवार, 1 ऑक्टोबर रोजी आहे. नवरात्रीच्या नवमीला केले जाणारे हवनाला विशेष महत्त्व आहे. मान्यतेनुसार हे हवन करणे आणि कन्या पूजन केल्याने पूजेचे पूर्ण फळ मिळते, असे म्हटले जाते.
हवन कुंड (तांबे, पितळ किंवा मातीपासून बनवलेले)
आंब्याचे लाकूड
गुग्गुळु
लोबान
पंचमेव
बार्ली
तीळ
गाईचे तूप
पाण्याने भरलेला घागर
फुले
रक्षासूत्र
तांदूळ
घंटा
धूपकांड्या
कुश (चटई)
सर्वांत पहिले सकाळी उठल्यानंतर सर्व आवरुन झाल्यानंतर स्वच्छ कपडे परिधान करा. त्यानंतर हवन करण्याची जागा स्वच्छ करुन घ्या. नंतर पूर्वेकडे किंवा उत्तरेकडे तोंड करून चटईवर बसा. नवरात्रीच्या काळामध्ये हवन कुंड किंवा वेदी बांधल्यानंतरच हवन करावे. सर्वात सोपी पद्धत म्हणजे हवन करणे. वेदी बांधल्यानंतर, ती गाईच्या शेणाने शुद्ध करा. त्यानंतर वेदीवर रांगोळी काढा आणि हवन कुंडात आंबा, जांभूळ, चंदन, पलाश आणि पिंपळाचे लाकूड ठेवा. नंतर कापूर ठेवून अग्नी प्रज्वलित करा. हवन साहित्याचा वापर करून मंत्रांचा जप करा आणि आहुती द्या. सर्वांत शेवटी एक कोरडा गोळा घ्या त्यात तूप आणि हवन साहित्य भरा, त्यावर लाल धागा बांधा आणि तो हवन कुंडाच्या मध्यभागी ठेवा. शेवटी, संपूर्ण आहुती द्या.
सर्वांत पहिले ॐ अग्निय नमः स्वाहा या मंत्रांचा जप करुन अग्नीच्या कुंडात आहुती द्या. त्यानंतर ॐ गणेशाय नमः स्वाहा या मंत्रांचा जप करुन आहुती द्या. त्यानंतर कुलदेवता आणि स्थानिक देवतेला नैवेद्य दाखवा. नंतर देवीच्या सर्व नावांनी ओम दुर्य नमः स्वाहा या मंत्रांचा जप करुन नैवेद्य दाखवा. ॐ गौर्या नमः स्वाहा. यानंतर सप्तशती किंवा नरवाण मंत्राचा जप करून नैवेद्य दाखवावा. पूर्ण अर्पणमध्ये ‘ओम पूर्णमदः पूर्णमिदं पूर्णात पुण्य मुदाच्यते, पुनस्य पूर्णमादाय पूर्णमः दृश्यते स्वाहा. या सर्व मंत्रांचा जप केल्यानंतर शक्य तितकी दक्षिणा देवीला द्या. सर्व पूजा झाल्यानंतर कुटुंबासह आरती करा आणि हवन पूर्ण करा.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
