बुधवार, 21 ऑक्टोबर 2026
फोटो सौजन्य- pinterest
हिंदू धर्मात ज्याप्रमाणे भद्रा शुभ मानले जाते, त्याचप्रमाणे पंचक देखील अशुभ मानला जातो. पंचकाचा कालावधी दर महिन्याला पाच दिवसाचा असतो. ज्यामध्ये अनेक शुभ आणि अशुभ कामे करणे निषिद्ध मानली जातात. पंचक हा शुभ आणि अशुभ दोन्ही प्रकारचा असतो आणि तो कोणत्या दिवशी सुरू होत आहे यावर सर्व अवलंबून असते. धार्मिक दृष्टिकोनातून पंचक हा विवाहासाठी फायदेशीर मानला जात नाही. यावेळी पंचकाची सुरुवात 27 नोव्हेंबरपासून होत आहे. दरम्यान, दोषमुक्त पंचक म्हणजे काय आणि त्यात काय केले जात नाही ते जाणून घ्या
पंचक म्हणजे धनिष्ठा, शतभिषा, पूर्वा भाद्रपदा, उत्तरा भाद्रपद आणि रेवती या पाच नक्षत्रांच्या संयोगाने बनलेला एक विशेष काळ. हा काळ चंद्र जेव्हा धनिष्ठा नक्षत्राच्या शेवटच्या टप्प्यापासून रेवती नक्षत्राच्या शेवटी जातो तेव्हा सुरू होतो, जो कुंभ आणि मीन राशीत असतो. पंचक दर महिन्याला अंदाजे पाच दिवस असते.
पंचांगानुसार, नोव्हेंबरमधील पंचकाची सुरुवात गुरुवार, 27 नोव्हेंबर रोजी होणार आहे आणि 1 डिसेंबरपर्यंत हे पंचक चालणार आहे. यावेळी 27 नोव्हेंबर रोजी दुपारी 2.7 वाजता पंचकांची सुरुवात होणार आहे आणि सोमवार, 1 डिसेंबर रोजी रात्री 11.18 वाजता संपणार आहे. 27 नोव्हेंबर रोजी गुरुवार असल्याने हे पंचक इतर पंचकांसारखे अशुभ मानले जात नाही.
गुरुवार किंवा बुधवारी सुरू होणारा पंचक म्हणजे निर्दोष पंचक. हा पंचक शुभ मानला जातो कारण तो भगवान विष्णू आणि बृहस्पति देव यांच्या आशीर्वादाने प्रभावित असतो. निर्दोष पंचकदरम्यान, नेहमीच्या पंचक प्रतिबंधांचे पालन करण्याची आवश्यकता नाही. दरम्यान, दक्षिणेकडे प्रवास करणे किंवा घराचे नूतनीकरण करणे यासारख्या काही क्रियाकलाप टाळल्या पाहिजेत. यामुळे काही या काळात काही कामे करणे टाळावे.
दोषरहित पंचकांदरम्यान शुभ कार्ये करता येतात. कारण ती कोणत्याही अशुभ प्रभावांपासून मुक्त असतात. या पंचकदरम्यान दक्षिणेकडे प्रवास करणे, घराच्या छताला उतार देणे किंवा लाकडी वस्तू बांधणे निषिद्ध आहे. जर निर्दोष पंचकात कोणतेही महत्त्वाचे काम करायचे असेल तर त्यावर उपाय म्हणून पंडितांचा सल्ला घेणे उचित ठरेल.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
Ans: 27 नोव्हेंबर रोजी दुपारी 2.7 वाजल्यापासून सुरु होणार आहे आणि 1 डिसेंबर रोजी रात्री 11.18 वाजेपर्यंत असणार आहे
Ans: पंचक हा नक्षत्रोग आहे. ज्यावेळी चंद्र काही अशुभ नक्षत्रांमध्ये असतो
Ans: पंचक काळात नवीन आर्थिक व्यवहार किंवा मोठी गुंतवणूक टाळावी, महत्त्वाची कामे करणे टाळावी,
