बुधवार, 21 ऑक्टोबर 2026
पाकिस्तान क्रिकेट बोर्ड (फोटो- सोशल मिडिया)
लॉर्ड्स कसोटीतील मानहानिकारक पराभवानंतर पीसीबीने तडकाफडकी निर्णय घेत कसोटी संघात समाविष्ट असलेल्या ७ खेळाडूंना तात्काळ पाकिस्तानात परतण्याचे आदेश दिले आहेत. याशिवाय, संघाचे मुख्य प्रशिक्षक सरफराज अहमद आणि सहाय्यक प्रशिक्षक उमर गुल यांनाही तातडीने मायदेशी बोलावून घेण्यात आले आहे. त्यामुळे पाकिस्तान संघात खळबळ उडाली आहे.
Eng Vs PakL: त्यांचं रक्तचं घाणेरडं! ‘या’ खेळाडूचे दुखापतीचे ‘ढोंग’? तर रिझवानचा ‘द एंड’, PCB थेट…
सिरिजमधील पहिल्या दोन सामन्यांतील अत्यंत सुमार कामगिरीमुळे पाकिस्तानात माजी खेळाडू आणि चाहत्यांकडून तीव्र संताप व्यक्त केला जात आहे. या पार्श्वभूमीवर पीसीबीने सुरू केलेल्या या धडक कारवाईत आता निवड समितीचे अध्यक्ष आकिब जावेद यांचीही उचलबांगडी होण्याची दाट शक्यता वर्तवली जात आहे. संघ निवडीतील चुका आणि खेळाडूंचे अपयश यामुळे आकिब जावेद यांच्यावर मोठा दबाव वाढला आहे.
लॉर्ड्स कसोटीदरम्यान इमाम-उल-हक दुखापतग्रस्त झाल्यामुळे मैदानातून बाहेर पडला होता. मात्र, तो खरोखरच दुखापतग्रस्त आहे की संघातून काढता पाय घेण्यासाठी त्याने दुखापतीचे बनावट नाटक रचले, असा गंभीर आरोप आता त्याच्यावर होत आहे. क्रीडा वर्तुळात आणि पाकिस्तानच्या माजी खेळाडूंकडून इमामच्या या वर्तनावर प्रचंड टीका होत आहे. समोर आलेल्या माहितीनुसार, पीसीबी या प्रकरणाची अत्यंत गांभीर्याने चौकशी करत आहे. आरोप सिद्ध झाल्यास इमाम-उल-हकवर आंतरराष्ट्रीय क्रिकेट खेळण्यास बंदी घातली जाण्याची शक्यता आहे. तर दुसरीकडे विकेटकिपर अन् फलंदाज मोहम्मद रिझवान याला अचानक मायदेशी बोलावल्याने अनेक तर्कवितर्क लावले जात आहेत.
ENG Vs PAK: आधीच सपशेल फ्लॉप अन् त्यात आला ताप! पाकड्यांना लागली नजर, ‘हा’ खेळाडू आजारी
मालिकेचा शेवटचा सामना अजून बाकी असतानाच मुख्य प्रशिक्षकासह मुख्य खेळाडूंना अशा प्रकारे अर्ध्यावरून परत बोलावल्यामुळे पाकिस्तान क्रिकेटच्या नियोजनावर पुन्हा एकदा मोठे प्रश्नचिन्ह निर्माण झाले आहे. तिसऱ्या कसोटीत उर्वरित खेळाडू आणि नव्याने नियुक्त केलेल्या तात्पुरत्या व्यवस्थापनासह पाकिस्तानचा संघ मैदानात उतरणार आहे.
