Sanju Samson: संजू सॅमसन आणि राजस्थान रॉयल्समध्ये बिनसले? बटलरसोबतच्या वादामुळे संबंध बिघडल्याची चर्चा!

राजस्थानने आपल्या कर्णधार संजूला पुढील हंगामासाठी सोडण्याचा किंवा दुसऱ्या संघात अदलाबदल (Trade) करण्याचा निर्णय घेतला आहे. या मधील मुख्य कारण जोस बटलर (Jos Buttler) असल्याचे समोर आले आहे.

Sanju Samson (Photo Credit- X)

Follow Us:

Follow Us:

• संजू सॅमसन आणि राजस्थान रॉयल्स वाद पेटला
• बटलरसोबतच्या वादामुळे संबंध बिघडल्याची चर्चा
• पुढील वर्षा कोणत्या संघात खेळणार संजू सॅमसन?

IPL 2026: संजू सॅमसन (Sanju Samson) आणि राजस्थान रॉयल्स (Rajasthan Royals) यांच्यातील संबंधांमध्ये तणाव निर्माण झाल्याची बातमी समोर आली आहे. मिळालेल्या माहितीनुसार, राजस्थानने आपल्या कर्णधार संजूला पुढील हंगामासाठी सोडण्याचा किंवा दुसऱ्या संघात अदलाबदल (Trade) करण्याचा निर्णय घेतला आहे. मात्र, हा निर्णय का घेण्यात आला, यामागे काही ठोस कारण आहे का?

संजू सॅमसन राजस्थानवर का नाराज आहे?

या तणावाचे मुख्य कारण जोस बटलर (Jos Buttler) असल्याचे समोर आले आहे. मिळालेल्या अहवालानुसार, गेल्या वर्षीच्या मेगा लिलावापूर्वी राजस्थान रॉयल्सने बटलरला संघातून वगळले. कर्णधार संजूला हा निर्णय अजिबात आवडला नाही. बटलरने संघासाठी सातत्याने चांगली कामगिरी केली होती आणि संजूला वाटत होते की त्याला कायम ठेवले पाहिजे. परंतु, बटलरऐवजी शिमरॉन हेटमायरला प्राधान्य देण्यात आले, ज्यामुळे संजू नाराज झाला. बटलरने २०२३ मध्ये ३९२ धावा आणि २०२२ मध्ये ८६३ धावा केल्या होत्या, त्यामुळे संघाचा निर्णय संजूला पटला नाही.

संजू सॅमसनला Asia Cup 2025 साठी भारतीय संघात स्थान नाही! ‘त्या’ एका कारणाने आली ही वेळ…

चेन्नईने संजूला संघात घेण्यास नकार दिला

या घटनेनंतर, राजस्थानने संजूला दुसऱ्या संघात देण्याचा विचार केला. त्यांनी चेन्नई सुपर किंग्जशी (CSK) संपर्क साधला आणि संजूच्या बदल्यात रवींद्र जडेजा किंवा ऋतुराज गायकवाड यांना संघात घेण्याचा प्रस्ताव ठेवला. परंतु, चेन्नईने हा प्रस्ताव नाकारला. त्यामुळे संजू पुढील हंगामात कोणत्या संघातून खेळणार, हे अद्याप निश्चित झालेले नाही. राजस्थान सध्या इतर फ्रँचायझींसोबतही चर्चा करत असल्याचे मानले जात आहे. या सर्व घडामोडी पाहता, संजू सॅमसन आणि राजस्थान रॉयल्स यांच्यातील संबंधांमध्ये मोठी दरी निर्माण झाल्याचे स्पष्ट होते. पुढील आयपीएल हंगामात संजू कोणत्या संघाच्या जर्सीमध्ये दिसणार, हे पाहणे महत्त्वाचे ठरेल.

संजू सॅमसनला आशिया कपमध्ये संधी नाकारली जाणार?

दीप दासगुप्ता आशिया कपमधील संघाबाबत बोलताना म्हटला की “संजू सॅमसन याने चांगली कामगिरी केलीय साली तरी भारतात इंग्लंड विरुद्ध त्याला धावांसाठी फार संघर्ष करावा लागला होता. भारतीय संघाने सूर्यकुमार यादवच्या नेतृत्वाखाली कोणत्याही एका बळकट संघाविरुद्ध खेळलेली ही एकमेव मालिका होती.”

Asia cup 2025 साठी टीम इंडियाचा संघ कसा असेल? कोणाची लागणार वर्णी? कोण जाणार बाहेर? जाणून घ्या…

दीप दासगुप्ता पुढे म्हणाला की, “शुबमन गिल हा विराट कोहलीची भूमिका उत्तम बजावू शकतो. शुबमन या अशा स्पर्धेत शेवटपर्यंत खेळून मोठी धावसंख्या उभारण्यास सक्षम आहे. शुबमनला आयपीएलमधील कामगिरीचा फायदा होईल. तसेच यूएईमधील संथ खेळपट्टीत अशा खेळाडूची गरज आहे.”

Web Title: Sanju samson and rajasthan royals have not been able to work out a deal talk of strained relations due to his dispute with buttler

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com