दक्षिण आफ्रिकेच्या 'हे' चार खेळाडू भारतासाठी ठरु शकतात 'खलनायक' (Photo Credit - X)
दक्षिण आफ्रिकेची कर्णधार लॉरा वोल्वार्ड्ट सध्या जबरदस्त फॉर्ममध्ये आहे. तिने आतापर्यंत खेळलेल्या आठ डावांमध्ये ६७.१४ च्या सरासरीने ४७० धावा केल्या आहेत. सेमीफायनलमध्ये तिने इंग्लंडविरुद्ध १६९ धावांची शानदार खेळी केली. याशिवाय, उपांत्य फेरीपूर्वी तिने श्रीलंकेविरुद्ध नाबाद ६० आणि पाकिस्तानविरुद्ध ९० धावा केल्या होत्या. भारतीय गोलंदाजांना लॉरा वोल्वार्ड्टला लवकरात लवकर बाद करणे आवश्यक आहे, अन्यथा ती एक महत्त्वाची अडचण ठरू शकते.
दक्षिण आफ्रिकेची वेगवान गोलंदाज मॅरिझन कॅप ही केवळ गोलंदाजीच नव्हे, तर अष्टपैलू म्हणूनही धोकादायक आहे. इंग्लंडविरुद्धच्या उपांत्य फेरीत तिने पाच बळी घेतले. तिने आतापर्यंत आठ सामन्यांमध्ये १२ बळी घेतले असून, ती या एकदिवसीय विश्वचषकातील सर्वाधिक बळी घेणारी गोलंदाज देखील आहे.
दक्षिण आफ्रिकेची फिरकी गोलंदाज जोडी नोनकुलुलेको म्लाबा आणि क्लो ट्रायॉन उत्कृष्ट फॉर्ममध्ये आहेत आणि भारतीय फलंदाजांसाठी डोकेदुखी ठरू शकतात.
IND W vs SA W: महिला विश्वचषकाच्या अंतिम फेरीला बॉलिवूडची फोडणी! मैदानात ‘या’ गायिकेचा घुमणार आवाज
महिला एकदिवसीय विश्वचषक २०२५ चा अंतिम सामना कधी आहे?
अंतिम सामना २ नोव्हेंबर २०२५ रोजी होणार आहे.
अंतिम सामना कोणत्या दोन संघांमध्ये होणार आहे?
अंतिम सामना भारतीय महिला क्रिकेट संघ आणि दक्षिण आफ्रिकेचा महिला क्रिकेट संघ यांच्यात होणार आहे.
भारताने अंतिम फेरीत प्रवेश करण्यासाठी कोणत्या संघाला हरवले?
भारताने उपांत्य फेरीत (सेमीफायनलमध्ये) ऑस्ट्रेलियाला हरवून अंतिम फेरीत प्रवेश केला.
दक्षिण आफ्रिकेच्या कर्णधार लॉरा वोल्वार्ड्ट यांचा सध्याचा फॉर्म कसा आहे?
लॉरा वोल्वार्ड्ट उत्कृष्ट फॉर्ममध्ये असून, तिने आठ डावांमध्ये ६७.१४ च्या सरासरीने ४७० धावा केल्या आहेत आणि सेमीफायनलमध्ये १६९ धावांची शानदार खेळी केली होती.
