BSNL युजर्ससाठी खुशखबर! स्वस्तात मस्त, 90 दिवसांच्या रिचार्जसाठी 'नो टेंशन' (फोटो सौजन्य-X)
BSNL Cheapest Recharge Plan News In Marathi : BSNL कंपनी आपल्या स्वस्त आणि चांगल्या रिचार्ज प्लॅनसह अनेक ग्राहकांना आकर्षित करते. या योजना इतर खाजगी कंपन्यांपेक्षा चांगल्या आहेत. BSNL च्या चांगल्या रिचार्ज प्लॅनमुळे Jio, Vi आणि Airtel सारख्या कंपन्यांचे ग्राहक सरकारी कंपन्यांकडे वळत आहेत. आज आपण कंपनीच्या 90 दिवसांच्या प्लॅनची माहिती घेणार आहोत, ज्यामुळे दरमहिन्याला रिचार्ज करण्याची गरज पडणार नाही.
आजच्या काळात लोकांना मोबाईल घेण्यापेक्षा रिचार्जची चिंता जास्त असते.आजची पिढी मोबाईल आणि इंटरनेटशी इतके कनेक्ट झाले आहेत की, डेटा आणि रिचार्ज प्लॅनशिवाय एक तासही घालवणे कठीण झाले आहे. नुकतेच काही महिन्यांपूर्वी, Jio आणि Airtel सारख्या सर्व कंपन्यांनी त्यांचे रिचार्ज प्लॅन महाग केले होते. यानंतर ग्राहकांना मोठा धक्का बसला. तर सरकारी कंपनी बीएसएनएलने (BSNL) आपल्या रिचार्ज प्लॅनमध्ये कोणतीही वाढ केलेली नाही. आता पुन्हा एकदा बीएसएनएलने नवा प्लॅन आणून खासगी कंपन्यांना मोठा धक्का दिला आहे. तसेच, बीएसएनएलच्या या प्लॅनमुळे कोट्यवधी युजर्सचे मोठे नुकसान दूर झाले आहे.
BSNL अनेक वर्षांपासून ग्राहकांना त्याच जुन्या किमतीत रिचार्ज प्लॅन ऑफर करत आहे. हेच कारण आहे की जुलैमध्ये योजना महाग झाल्यापासून आतापर्यंत सुमारे 55 लाख लोक सरकारी कंपनीत सामील झाले आहेत. आम्ही तुम्हाला बीएसएनएलच्या नवीनतम प्लॅनबद्दल सांगू.
आपल्या ग्राहकांना दिलासा देण्यासाठी, BSNL ने आपल्या प्लॅनमध्ये आणखी एक प्रीपेड रिचार्ज प्लॅन जोडला आहे. या प्लानची किंमत 439 रुपये आहे. या प्लॅनमुळे जिओ आणि एअरटेलचे टेन्शनही वाढले आहे. कंपनी आपल्या वापरकर्त्यांना 90 दिवसांची दीर्घ वैधता ऑफर करत आहे. आतापर्यंत कोणत्याही कंपनीकडे या किमतीत एवढी मोठी वैधता असलेली कोणतीही योजना नाही. या प्लॅनमध्ये तुम्ही ९० दिवसांसाठी लोकल आणि अनलिमिटेड कॉलिंग करू शकता.
दुसरीकडे, या प्लॅनमध्ये आणखी एक मोठी गोष्ट म्हणजे या रिचार्जसह तुम्हाला दररोज १०० मोफत एसएमएस देखील मिळतील. एक निराशाजनक गोष्ट म्हणजे या रिचार्ज प्लॅनमध्ये तुम्हाला डेटा मिळणार नाही. जर तुम्ही नेट वापरत असाल तर त्यासाठी तुम्हाला वेगळे रिचार्ज करावे लागेल. जर तुम्ही BSNL दुय्यम सिम म्हणून वापरत असाल तर ही रिचार्ज योजना तुमच्यासाठी योग्य असेल.
