Samsung ने सुरु केला “गॅलेक्सी एम्पॉर्ड” ईव्हेंट! 2025 पर्यंत 20,000 शिक्षकांना सशक्त करण्याचा उद्देश

"Galaxy Empowered" हा शिक्षक आणि शाळांसाठी एक विनामूल्य कार्यक्रम आहे, जो त्यांच्या व्यावसायिक विकासासाठी आणि शैक्षणिक प्रगतीसाठी मौल्यवान संसाधने प्रदान करतो. अभिनव बिंद्रा या कार्यक्रमाला उपस्थित होते.

नSamsung ने सुरु केला "गॅलेक्सी एम्पॉर्ड" ईव्हेंट! 2025 पर्यंत 20,000 शिक्षकांना सशक्त करण्याचा उद्देश

Follow Us:

Follow Us:

सॅमसंग, भारतातील सर्वात मोठा ग्राहक इलेक्ट्रॉनिक्स ब्रँड आहे. आता या ब्रँडने “Galaxy Empowered” नावाचा एक अद्वितीय कार्यक्रम आयोजित केला आहे. शिक्षण क्षेत्रातील शिक्षक, मुख्याध्यापक आणि प्रशासकांना सशक्त करून भारतातील शिक्षणाला नवी दिशा देण्याचा या उपक्रमाचा उद्देश आहे. सॅमसंगने आयोजित केलेला हा कार्यक्रम शिक्षक, मुख्याध्यापक आणि प्रशासकांसाठी खूप महत्त्वाचा ठरणार आहे.

Disney+ Hotstar down: India vs England मॅचदरम्यान डाऊन झाला डिज्नी+हॉटस्टार, युजर्स वैतागले! एक्सवर तक्रारींचा पाऊस

अनुभवी नेमबाज आणि 2008 ऑलिम्पिक सुवर्णपदक विजेता अभिनव बिंद्रा यांच्या उपस्थितीत सुरू झालेल्या या कार्यक्रमाचा उद्देश शिक्षणामध्ये तंत्रज्ञानाचा समावेश करून नवकल्पना आणि सर्जनशीलतेला प्रोत्साहन देणे हा आहे. हा उपक्रम शिक्षकांना भविष्यात येणाऱ्या शिक्षणातील आव्हानसाठी तयार करण्यासाठी नियमित ऑन-ग्राउंड आणि ऑनलाइन अध्यापन सत्र प्रदान करेल.

“Galaxy Empowered” हे केवळ शिक्षकांसाठीच फायदेशीर नाही, तर ते शाळांना शैक्षणिक क्षेत्रात नाविन्यपूर्ण नेतृत्व बनण्यास मदत करते. उत्तम अध्यापन पद्धती आणि तंत्रज्ञान-आधारित शिक्षण वातावरणाद्वारे, शाळा स्वतःला पालकांची पहिली पसंती म्हणून स्थान देऊ शकतात, ज्यामुळे त्यांची प्रतिष्ठा मजबूत होते आणि त्यांना समाजात अधिक मान्यता मिळते. सर्वात महत्त्वाचे म्हणजे, “Galaxy Empowered” कार्यक्रम पूर्णपणे विनामूल्य आहे, जो शिक्षक आणि शाळांना कोणत्याही आर्थिक अडचणींशिवाय शैक्षणिक प्रगतीसाठी आवश्यक संसाधने प्रदान करतो.

सॅमसंग इंडियाचे MX बिझनेसचे वरिष्ठ उपाध्यक्ष राजू पुलन म्हणाले, “Galaxy Empowered च्या माध्यमातून आम्ही शिक्षकांना अशी साधने पुरवत आहोत जी विद्यार्थ्यांचं भविष्य सुधारण्यासाठी मदत करतील आणि शिक्षणावर कायमचा प्रभाव टाकतील. शिक्षण प्रणालीचा पाया आणखी मजबूत करण्यासाठी हा उपक्रम आयोजित केला आहे. हा उपक्रम ‘उत्तम उद्यासाठी नवनवीन शोध’ या आमच्या दृष्टीकोनाशी सुसंगत आहे. शिक्षण नेहमीच नाविन्याच्या केंद्रस्थानी असते आणि प्रत्येक शिक्षकाकडे यशस्वी होण्यासाठी आवश्यक संसाधने असतात.”

डिसेंबर 2024 पासून आत्तापर्यंत, 2,700 हून अधिक शिक्षकांना “Galaxy Empowered” कार्यक्रमांतर्गत भारतभर थेट प्रशिक्षण सत्रांद्वारे प्रमाणपत्र प्रदान करण्यात आले आहे. 2025 पर्यंत 20,000 शिक्षकांना सक्षम करण्याचे या उपक्रमाचे उद्दिष्ट आहे. दिल्ली टप्प्यांतर्गत, सॅमसंगने 250 शाळांमध्ये हा कार्यक्रम यशस्वीपणे आयोजित केला आहे. पहिल्या टप्प्यात, महातत्त्व शैक्षणिक सल्लागार आणि STTAR सोबत भागीदारी तयार केली गेली, ज्यात तज्ञ प्रशिक्षक आणि शैक्षणिक तज्ञांची नियुक्ती करण्यात आली आणि कार्यक्रमाद्वारे शिक्षकांना प्रशिक्षण आणि मार्गदर्शन केले गेले.

प्रमुख पाहुणे आणि 2008 ऑलिम्पिक सुवर्णपदक विजेता अभिनव बिंद्रा म्हणाले, “शिक्षण हा कोणत्याही समाजाच्या प्रगतीचा पाया आहे आणि सॅमसंगने हे ओळखले आहे की शिक्षकांना योग्य साधने आणि समर्थन देऊन ते वर्गात तंत्रज्ञानाचा अधिक चांगल्या प्रकारे वापर करू शकतात. जेव्हा शिक्षक आणि शिक्षण प्रशासकांना सशक्त केले जाते, तेव्हा असे वातावरण तयार केले जाते जेथे तंत्रज्ञान शिक्षण सोपे आणि अधिक प्रभावी बनवते, शिक्षणातील अडथळे दूर करते आणि शिक्षणाचे भविष्य घडवते. मला विश्वास आहे की हा उपक्रम शिक्षकांना अधिक प्रभावीपणे शिकवण्यास मदत करेल आणि व्यापक स्तरावर चांगले शिक्षण अनुभव प्रदान करण्याच्या दिशेने एक महत्त्वाचे पाऊल ठरेल.”

आदित्य बब्बर, उपाध्यक्ष, MX बिझनेस, Samsung India, म्हणाले, “Samsung चा ‘Galaxy Empowered’ उपक्रम शिक्षकांना आधुनिक तंत्रज्ञान, सर्व शिक्षण साधने प्रदान करून शिक्षणातील अंतर भरून काढत आहे. ऑनलाइन आणि ऑफलाइन प्रशिक्षणाद्वारे, शिक्षक त्यांच्या वर्गात तंत्रज्ञानाचा अधिक प्रभावीपणे वापर करू शकतात. “सॅमसंग उत्पादने आणि विशेषतः डिझाइन केलेल्या संसाधनांद्वारे, आम्ही शिक्षकांना उत्तम अनुभव देण्यासाठी प्रयत्न करत आहोत.”

“Galaxy Empowered” उपक्रम तीन मुख्य स्तंभांवर आधारित आहे—तांत्रिक प्रवीणता, अनुभव-आधारित शिक्षण आणि पीयर नेटवर्किंग. हा उपक्रम प्राथमिक ते माध्यमिक स्तर आणि शिक्षण प्रशासकांना लक्षात घेऊन प्रत्येक शिक्षकाला त्यांच्या अध्यापनाच्या वातावरणानुसार आवश्यक सहाय्य आणि संसाधने प्रदान करण्यासाठी डिझाइन केला आहे.

Vi 5G Update: मुंबईकरांची प्रतिक्षा अखेर संपली! या महिन्यात सुरु होणार Vi 5G सर्विस, रिचार्जही होणार स्वस्त

तांत्रिक कौशल्य : ” गैलेक्सी एम्पावर्ड ” शिक्षकांना त्यांच्या शिकवण्यांमध्ये नवीन डिजिटल टूल्सचा उपयोग करण्यास सशक्त करत आहे. याअंतर्गत ऑनलाइन प्रशिक्षण सत्र , ऑफलाइन बूटकैंप आणि विस्तृत रिसोर्स लायब्ररी उपलब्ध केल्या जात आहेत. यासोबतच शिक्षक गेमिफिकेशन तंत्रज्ञान , इंटरॅक्टिव सुविधा आणि वर्चुअल क्लासरूम आपल्या शिक्षण प्रणालीमध्ये समाविष्ट करू शकतात.

व्यावहारिक प्रशिक्षण आणि प्रमाणन :शिक्षकांना कार्यशाळा, मार्गदर्शन आणि प्रमाणन संधी उपलब्ध करून दिली जातील ज्यामुळे त्यांची कौशल्ये वाढू शकतील आणि त्यांच्या कर्तृत्वाला मान्यता मिळेल. कार्यक्रमात अभ्यासक्रम आणि सामग्री विकासाशी संबंधित विशेष संसाधने तसेच शिक्षकांच्या मानसिक आणि शारीरिक आरोग्याशी संबंधित मार्गदर्शनाचा समावेश असेल.

सहयोग आणि नेटवर्किंग : “Galaxy Empowered” शिक्षकांना एका सशक्त समुदायाशी जोडते जिथे ते इतर शिक्षक, उद्योग तज्ञ आणि शिक्षणातील प्रमुख विचारवंतांशी थेट संवाद साधू शकतात. या उपक्रमांतर्गत विशेष पॅनल चर्चा आणि मुख्य सत्रे आयोजित केली जातात, ज्यामुळे शिक्षकांना नवीन शिकण्याच्या संसाधनांशी जोडले जाते.

सॅमसंग “Galaxy Empowered” कार्यक्रमात सहभागी होणाऱ्या शिक्षक आणि शाळेतील नेत्यांसाठी स्मार्टफोन, टॅब्लेट, लॅपटॉप आणि इतर इलेक्ट्रॉनिक उत्पादनांवर विशेष सवलत देत आहे. याव्यतिरिक्त, विस्तारित वॉरंटी, मोफत विमा आणि मर्यादित काळातील विशेष ऑफर यांसारखी वैशिष्ट्ये देखील प्रदान केली जात आहेत. “Galaxy Empowered” हा शिक्षक आणि शाळांसाठी एक विनामूल्य कार्यक्रम आहे, जो त्यांच्या व्यावसायिक विकासासाठी आणि शैक्षणिक प्रगतीसाठी मौल्यवान संसाधने प्रदान करतो. या उपक्रमाचा उद्देश शिक्षकांना आधुनिक तंत्रज्ञान आणि आवश्यक कौशल्यांसह सशक्त करणे आहे, जेणेकरून ते त्यांचा शिक्षण अनुभव अधिक प्रभावी करू शकतील.

Web Title: Samsung launched unique community led programme galaxy empowered to upskill 20000 teachers by 2025 tech news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com