Google Map Update: गुगल मॅपचा वापर करताना या महत्त्वाच्या गोष्टी लक्षात ठेवा, नाहीतर पश्चाताप होईल

प्रवासात गुगल मॅपचा वापर करताना काही महत्त्वाच्या गोष्टी लक्षात ठेवणं गरेजचं आहे. कुठेही जाण्यापूर्वी गुगल मॅप अपडेट करणे देखील खूप महत्वाचे आहे. तुम्हाला नकाशा समजत नसेल, तर स्थानिक लोकांची मदत घेण्याचा प्रयत्न करा.

Google Map Update: गुगल मॅपचा वापर करताना या महत्त्वाच्या गोष्टी लक्षात ठेवा, नाहीतर पश्चाताप कराल

Follow Us:

Follow Us:

नेव्हिगेशन अ‍ॅप गुगल मॅप आपल्यासाठी जेवढा फायद्याचा आहे, तेवढाच धोकादायक देखील आहे. गुगल मॅपमुळे अपघात झाल्याचे तुम्ही अनेकदा ऐकलं असेल, गुगल मॅपच्या चुकीच्या नेव्हिगेशनमुळे लोकांना त्यांचा जीव देखील गमवावा लागला आहे. नुकतीच उत्तर प्रदेशातील तिघांचा गुगल मॅपच्या चुकीच्या नेव्हिगेशनमुळे मृत्यू झाल्याची घटना घडली आहे. अशा परिस्थितीत गुगल मॅप वापरताना काही महत्त्वाच्या गोष्टी लक्षात ठेवणे अत्यंत आवश्यक आहे.

गुगल मॅपसंबंधित बातम्या वाचण्यासाठी इथे क्लिक करा

उत्तर प्रदेशातील बरेली येथे शनिवारी रात्री उशीरा गाडी रामगंगा नदीत पडल्याने तिघांचा मृत्यू झाला. या घटनेबाबत मिळालेल्या माहितीनुसार, चालक गुगल मॅपवर दाखवलेल्या मार्गानुसार गाडी चालवत होता. यावेळी त्याने मॅपवर दाखवल्याप्रमाणे गाडी रामगंगा नदीवरील पुलावर नेली. मात्र हा पूल तुटला असल्याने गाडी नदीत पडली आणि गाडीमधील तिघांचा मृत्यू झाला. आपण देखील अनेकदा प्रवासात गुगल मॅपचा वापर करतो. अशावेळी काही महत्त्वाच्या गोष्टी लक्षात ठेवणं गरेजचं आहे. (फोटो सौजन्य – pinterest)

गुगल मॅप वापरताना योग्य काळजी घ्या

• जरी गुगल मॅप बहुतांशी योग्य माहिती देत ​​असला तरी काही वेळा त्यावर विश्वास ठेवणे धोक्याचे ठरू शकते.
• काही दिवसांपूर्वी नकाशामुळे दोन मित्र चुकीच्या मार्गावर गेले. त्यामुळे अपघात झाल्याची घटना समोर आली होती.
• तुम्ही गुगल मॅप वापरून कुठे जात असाल, तर जाण्यापूर्वी, नकाशावर कोणतीही चुकीची ॲक्टिव्हिटी दिसत नाही ना हे एकदा तपासून पहा.
• बऱ्याच वेळा नकाशात नद्या, अज्ञात किंवा निर्जन मार्ग दाखविणे सुरू होते आणि काही लोक त्यावर चालतात, परंतु तसे करणे धोकादायक असू शकते. त्यामुळे असे करणे टाळावे.
• तुम्हाला नकाशा समजत नसेल, तर स्थानिक लोकांची मदत घेण्याचा प्रयत्न करा. यामुळे तुमचा काही मिनिटांचा वेळ खर्च होईल, परंतु तुम्हाला योग्य माहिती मिळेल.
• नकाशाच्या नवीन वैशिष्ट्यांसह स्वतःला अपडेट ठेवणे खूप महत्वाचे आहे, जेणेकरुन आपण अडचणीत सापडल्यास आपण या वैशिष्ट्यांची मदत घेऊ शकता.’
• कुठेही जाण्यापूर्वी गुगल मॅप अपडेट करणे देखील खूप महत्वाचे आहे.

Google Maps वर कधी विश्वास ठेवायचा

कमकुवत इंटरनेटच्या बाबतीत, गुगल मॅप तुम्हाला अडचणीत आणू शकतो. त्यामुळे नेहमी चांगले इंटरनेट कनेक्शन ठेवा. तसेच, गुगल मॅप वापरताना सावधगिरी बाळगणे अत्यंत आवश्यक आहे.

गुगल मॅपसंबंधित बातम्या वाचण्यासाठी इथे क्लिक करा

धोका कुठे आहे?

अनेकदा असे दिसून येते की नकाशात अशा ठिकाणी चुकीचे मार्ग दाखवले जातात जे फारसे सामान्य नाहीत आणि नवीन आहेत. अशा परिस्थितीत तेथील लोकांकडून मार्गाची योग्य माहिती मिळवणे हाच उत्तम मार्ग आहे.

Web Title: Tech news note this important tips while using google map

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com