मंगळवार, 20 ऑक्टोबर 2026
एलन मस्कच्या स्टारलिंकची भारतात जोरदार चर्चा! काय आहेत सबस्क्रिप्शन प्लॅन्स? जाणून घ्या
भारतात गेल्या अनेक दिवसांपासून एलन मस्कच्या सॅटलाईट इंटरनेट सेवा स्टारलिंकबाबत चर्चा सुरु आहे. देशातील आघाडीच्या टेलिकॉम कंपन्या जिओ, एअरटेल आणि व्हिआयने स्टारलिंकच्या भारतातील प्रवेशाबाबत नाराजी व्यक्त केली होती. तसेच मुकेश अंबानी यांनी ट्राय आणि केंद्रीय दूरसंचार मंत्री ज्योतिरादित्य सिंधिया यांना पत्र लिहून या प्रकरणात हस्तक्षेप करण्याची विनंती देखील केली.
टेकसंबंधित बातम्या वाचण्यासाठी इथे क्लिक करा
भारतातील आघाडीच्या टेलिकॉम कंपन्यांकडून स्टारलिंकच्या भारतातील प्रवेशाला प्रचंड विरोध करण्यात आला. या सर्व प्रकरणांमध्ये स्टारलिंक नक्की आहे तरी काय, कशा प्रकारे कार्य करते, याबाबत अनेकांना शंका होती. तुम्हाला देखील स्टारलिंकबाबत काही शंका असेल तर ही बातमी तुमच्यासाठी आहे. (फोटो सौजन्य – pinterest)
स्टारलिंक ही एलन मस्कने लाँच केलेली आणि त्याच्या मालकीची सॅटेलाईट इंटरनेट सेवा आहे. स्टारलिंक लो-अर्थ ऑर्बिटमध्ये हजारो लहान सॅटेलाईटच्या मदतीने इंटरनेट सेवा प्रदान करते. पारंपारिक ब्रॉडबँड सेवांच्या विपरीत, स्टारलिंक केबल्स किंवा काही मोठ्या उपग्रहांवर अवलंबून नाही. त्याऐवजी, ते उपग्रहांमधील कम्युनिकेशनसाठी लेझर वापरते, ग्राउंड स्टेशनवरील अवलंबित्व कमी करते आणि कमी विलंब आणि हाय स्पीड सुनिश्चित करते. वाढती मागणी पूर्ण करण्यासाठी, कनेक्टिव्हिटी आणि वेग वाढवण्यासाठी SpaceX आपली सॅटेलाईट इंटरनेट सेवा 42,000 युनिट्सने वाढवण्याच्या तयारीत आहे.
मार्गदर्शनासाठी स्टारलिंक ॲप वापरा किंवा सर्विस इंस्टॉल करण्यासाठी प्रोफेशनल व्यक्तिला नियुक्त करा. पण, त्याआधी तुम्हाला ही सेवा तुमच्या परिसरात उपलब्ध आहे की नाही हे तपासावे लागेल. जर स्टारलिंकची ही सेवा तुमच्या परिसरात उपलब्ध नसेल तर तर तुम्हाला त्याचा लाभ घेता येणार नाही.
स्टारलिंक दुर्गम भागात सेवा देण्याच्या क्षमतेमुळे वेगळे आहे. विशेषतः जेथे पारंपारिक इंटरनेट उपलब्ध नाही किंवा स्लो आहे, अशा ठिकाणी स्टारलिंकची इंटरनेट सेवा अगदी सहज वापरली जाऊ शकते. मात्र, स्टारलिंक फायबर-ऑप्टिक स्पीडशी जुळू शकत नाही. परंतु स्टारलिंक सॅटेलाइट कव्हरेज आणि लोकेशनवर अवलंबून काही भागात 150 Mbps ते 264Mbps पर्यंत इंटरनेट स्पीड ऑफर करते.
स्मार्टफोनसंबंधित बातम्या वाचण्यासाठी इथे क्लिक करा
स्टारलिंक इंटरनेट सर्विस विशेषत: अशा लोकांसाठी फायद्याची आहे, जे पारंपारिक इंटरनेट नसलेल्या भागात (गावे, दुर्गम ठिकाणे, जंगले, विरळ लोकवस्तीचे वाळवंट क्षेत्र) राहतात. हे दुर्गम कामगार, प्रवासी आणि ट्रेकर्ससाठी गेम चेंजर सिद्ध होईल अशी अपेक्षा आहे.
