Marathi News »
Travel »
Cheapest Country To Visit From India

‘ही’ आहे जगातील सर्वात स्वस्त जागा, इथे जाताच बनाल करोडपती!

कमी खर्चात आंतरराष्ट्रीय ट्रिपचा आनंद घ्यायचा असेल तर या ठिकाणाला भेट जरूर द्या. समुद्राने वेढलेला हा छोटा देश दक्षिण पूर्व आशियामध्ये आहे. इथे भारतीय 1 रुपयांत तुम्ही एका वेळचे जेवण करू शकता. (फोटो सौजन्य: istock)

By नुपूर भगत

Updated On: Aug 06, 2024 | 09:29 AM

प्रवास आरोग्यासाठी फार फायद्याचा मानला जातो. यामुळे कामाचा ताण कमी होतो आणि मन प्रसन्न होते. ज्यांना प्रवासाची आवड असते, ते लोक अधिकतर अशी ठिकाणे शोधतात जिथे त्यांना कमी पैशात सुंदर दृश्ये पाहायला मिळतील. असे सुंदर दृश्ये पाहताच मन अगदी भरून येते आणि मनाला शांती लाभते. तुम्हालाही कमी खर्चात सुंदर ठिकाणी जायची इच्छा असेल तर तुमच्यासाठी व्हिएतनाम एक सर्वोत्तम पर्याय आहे. याजागी तुम्हाला कमी बजेटमध्ये इंटरनॅशनल ट्रिप करता येईल. व्हिएतनाम असा देश आहे जिथे भारतीय रुपयाचे मूल्य फार कमी आहे. इथे तुम्ही कमी पैशात अनेक रिच गोष्टींचा अनुभव घेऊ शकता.

व्हिएतनाममध्ये, तुमच्याकडे 1000 भारतीय रुपये असल्यास, तेथे याचे मूल्य खूप जास्त असू शकते. व्हिएतनाम हे आपल्या स्वादिष्ट स्ट्रीट फूड, मनोरंजक संस्कृती आणि सुंदर निसर्गासाठी ओळखले जाते.त्यामुळे तुमच्याकडे खूप पैसे नसले तरी अवघ्या काही हजारांमध्ये तुम्ही व्हिएतनाममध्ये मनसोक्त फिरू शकता. अनेकांना डिसेंबर आणि जानेवारीमध्ये तिथे जायला आवडते कारण ते तिथे नवीन वर्ष साजरे करतात. व्हिएतनाममध्ये नवीन वर्ष साजरे करणे इतर देशांपेक्षा स्वस्त आहे.

हेदेखील वाचा – Actor बनायचं स्वप्न आहे? मग दिल्लीतील या 5 ठिकाणांना भेट द्या! अनेक चित्रपटांची शूटिंग झाली आहे

व्हिएतनाममध्ये भारताच्या 1 रुपयाची किंमत आहे एवढी

समुद्राने वेढलेला हा छोटासा देश दक्षिण पूर्व आशियामध्ये आहे. प्रेक्षणीय स्थळांच्या दृष्टीने येथे समुद्रकिनारा, तलाव आणि जंगल सफारी या तिन्ही गोष्टी उपलब्ध आहेत. याच्या चलनाबद्दल बोलायचे केले तर, व्हिएतनामी डोंग येथे प्रचलित आहे. इथे एका 1 भारतीय रुपयाची किंमत 299 व्हिएतनामी डोंग इतकी आहे.

Hoi An ancient town which is a very famous destination for tourists. Hoi An ancient town which is a very famous destination for tourists. vietnam stock pictures, royalty-free photos & images

व्हिएतनाममधील फिरण्यासाठीची ठिकाणे

तुम्हीही या विकेंडला व्हिएतनाममला भेट देण्याचा विचार करत असाल तर तुम्ही, हनोई, हो ची मिन्ह, सापा, हा लॉन्ग बे, न्हा ट्रांग, मेकाँग डेल्टा, वॉर मेमोरियल या ठिकाणांना भेट देऊ शकता. व्हिएतनाममध्ये एक थंड पर्यटन स्थळ आहे, ज्याला हॅलोंग बे म्हणतात. हे पर्यटकांसाठी खरोखरच एक लोकप्रिय ठिकाण आहे आणि “बे ऑफ डिस्कवरिंग ड्रॅगन” हे विशेष नाव देखील आहे. हे इतके खास आहे की युनेस्कोने जगातील विशेष ठिकाणांच्या यादीत या ठिकाणाला स्थान दिले आहे.

व्हिएतनामला कसे जायचे?

व्हिएतनामला जाण्यासाठी अनेक डायरेक्ट फ्लाइट्सचा पर्याय उपलब्ध आहे. दिल्ली ते व्हिएतनामचे किमान भाडे सध्या 8,466 एवढे आहे. दिल्लीहून व्हिएतनामला पोहचण्यासाठी तुम्हाला किमान 11 तास 20 मिनिटे लागतील. फ्लाइट्ने तुम्ही ची मिन्ह सिटीमध्ये पोहचाल. इथे पोहचताच तुम्ही इथले कोणतेही जवळपासचे हॉटेल बुक करू शकता. दररोज येथे राहण्याचा खर्च किमान 1000 रुपये आहे. येथे तुम्ही टुरिस्ट हॉस्टेलमध्ये राहू शकता. दिवसातून तीन वेळच्या जेवणाचा एकूण खर्च सुमारे 800 रुपये असू शकतो.