बांगलादेशमध्ये मालगाडीला पॅसेंजर ट्रेनची धडक, 20 जण ठार, 100 हून अधिक जखमी!

बांगलादेशमध्ये पॅसेंजर ट्रेन आणि मालगाडी यांच्यात झालेल्या धडकेत 20 जणांचा मृत्यू झाला आहे. क्रेन आणि रेस्क्यू गाड्यांद्वारे बचावकार्य सुरू आहे

    ढाका : बांगलादेशमध्ये सोमवारी पॅसेंजर ट्रेन आणि मालगाडी यांच्यात झालेल्या धडकेत (Bangladesh Train Accident) 20 जण ठार तर अनेक जण जखमी झाले. भैरब रेल्वे स्थानकाचे कर्तव्य अधिकारी सिराजुल इस्लाम यांनी प्रसारमाध्यमांना सांगितले की, स्थानिक वेळेनुसार दुपारी 3.30 वाजता किशोरगंज येथे चट्टोग्रामच्या दिशेने जाणारी मालगाडी ढाकाहून जाणाऱ्या एग्गारो सिंदूर एक्स्प्रेसला धडकल्याने हा अपघात झाला. बांगलादेश अग्निशमन सेवा आणि नागरी संरक्षण मीडिया प्रमुख शाहजहान सिकदर म्हणाले, “आतापर्यंत ढिगाऱ्यातून २० मृतदेह बाहेर काढण्यात आले आहेत. मृतांची संख्या वाढू शकते.”

    हे सुद्धा वाचा

    बचावकार्य सुरू

    अग्निशमन दलाच्या डझनहून अधिक तुकड्या बचावकार्य करत असल्याचे त्यांनी सांगितले. भैरब रेल्वे स्थानकावरील अधिकाऱ्याचा हवाला देत, BDNews24 ने सांगितले की, खराब झालेल्या डब्याखाली अनेक लोक अडकले आहेत. ढाका रेल्वे पोलीस अधीक्षक अन्वर हुसैन म्हणाले, “प्राथमिक अहवालानुसार, मालगाडीने एगारो सिंदूर एक्सप्रेसला मागून धडक दिली.

    घटनास्थळी उपस्थित असलेल्या अग्निशमन दलाच्या अधिकाऱ्यांनी सांगितले की, जीर्ण वॅगनखाली अजूनही लोक अडकले असल्याचा संशय आहे. मात्र, 100 हून अधिक प्रवासी जखमी असून त्यांना वाचवण्यात यश आले आहे. क्रेनच्या सहाय्याने रेल्वे अपघातस्थळी रवाना झाली आहे.