ब्रिटनचा रशियाला कडक इशारा: ‘आम्हाला माहिती आहे तुम्ही काय करत आहात’; गुप्तचर जहाज यंतारवर फ्रिगेट व P-8 पोसायडॉनची कडक नजर ( फोटो सौजन्य : सोशल मीडिया)
Russian intelligence ship Yantar : युरोपमध्ये वाढत्या भू-राजनैतिक तणावाच्या पार्श्वभूमीवर ब्रिटन (Britain) आणि रशियामधील(Russia) समुद्री संघर्षाचे सावट पुन्हा एकदा गडद झाले आहे. ब्रिटनच्या उत्तरेकडील पाण्यात रशियाचे प्रगत गुप्तचर जहाज Yantar दिसल्याने लंडनमध्ये सुरक्षा यंत्रणा पूर्णपणे सतर्क झाली. ब्रिटिश संरक्षण विभागाने तातडीची हालचाल करत फ्रिगेट व P-8 Poseidon विमान तैनात करून या जहाजावर चौफेर नजर ठेवली. या घडामोडींना आणखी संवेदनशील बनवणारी बाब म्हणजे, ब्रिटनने केलेला गंभीर आरोप रशियन जहाजाने RAF च्या पायलटवर लेसर डागल्याचा दावा. यामुळे परिस्थिति अधिक तणावपूर्ण बनली असून ब्रिटनने याला “धोकादायक उकसावणी” असे संबोधले आहे.
लंडनमध्ये दिलेल्या भाषणात ब्रिटनचे संरक्षण सचिव जॉन हेली यांनी या प्रकरणावर अत्यंत कठोर भूमिका घेतली. त्यांनी अध्यक्ष व्लादिमीर पुतिन यांना थेट उद्देशून म्हटले,
“आम्ही तुमच्यावर सतत लक्ष ठेवून आहोत. तुमचे जहाज येथे काय करत आहे, हे आम्हाला स्पष्टपणे माहिती आहे.”
हेली यांनी सांगितले की Yantar हे जहाज गेले काही दिवस ब्रिटिश समुद्री हद्दीत आढळले असून ते देशाच्या महत्त्वाच्या सागरी पायाभूत सुविधेसाठी संभाव्य धोका मानला जात आहे. आरएएफचे वैमानिक या जहाजाच्या प्रत्येक हालचालीवर लक्ष ठेवीत आहेत.
जागतिक घडामोडी संबंधित बातम्या वाचण्यासाठी येथे क्लिक करा : VIDEO: एका रात्रीत 476 हल्ले! ड्रोन–मिसाईल महाआक्रमणामुळे टेर्नोपिल हादरले; 25 जण ठार, 19 जण जिवंत जाळले
स्थितीचा अंदाज घेत ब्रिटिश नौदलाने रॉयल नेव्हीचे फ्रिगेट आणि सुयोग्य सागरी निरीक्षणासाठी अत्याधुनिक P-8 Poseidon विमान तैनात केले.
हेली यांच्या मते, Yantar ने केलेले लेसर अटॅक “धोकादायक आणि आंतरराष्ट्रीय समुद्री नियमांचे उल्लंघन करणारे” आहे. हे जहाज यावर्षी दुसऱ्यांदा ब्रिटिश पाण्यात दिसल्याचा दावा करण्यात आला आहे. त्यामुळे ब्रिटनने स्पष्ट संदेश दिला की पुढील कोणतीही उकसावणी सहन केली जाणार नाही.
British military release a photo of a Royal Navy Frigate closely shadowing the Russian spy ship which directed layers at military personnel yesterday. I say sink it. pic.twitter.com/z2jL75hRvR — WarMonitor🇺🇦🇬🇧 (@WarMonitor3) November 19, 2025
credit : social media
जॉन हेली यांनी त्यांच्या भाषणात केवळ रशियाच नव्हे तर जगातील इतर संघर्षांचाही उल्लेख केला. त्यांनी सांगितले की:
त्याचबरोबर गेल्या वर्षभरात नाटोच्या हवाई क्षेत्रात रशियन घुसखोरी दुपटीने वाढल्याचा उल्लेखही त्यांनी केला. फक्त ब्रिटनवर 90,000 पेक्षा जास्त सायबर हल्ले झाल्याचे त्यांनी सांगितले.
जागतिक घडामोडी संबंधित बातम्या वाचण्यासाठी येथे क्लिक करा : Trump Saudi Deal : ट्रम्प यांनी सौदी अरेबियाला दिला ‘Major Non-NATO Allies’ दर्जा; पाकिस्तानसह फक्त 20 देशांना हा सन्मान
वाढत्या धोक्यांचा विचार करून ब्रिटन सरकारने देशात 13 ठिकाणी अत्याधुनिक युद्धसामग्री तयार करणारे “Future Factories” उभारण्याचा निर्णय घेतला आहे. त्यापैकी दोन नवीन ड्रोन उत्पादन कारखाने या आठवड्यात सुरू होणार आहेत, ज्यामुळे संरक्षण क्षेत्रातील ब्रिटनचे नेतृत्व अधिक मजबूत होणार असल्याचे संरक्षण मंत्रालयाने जाहीर केले.
हेली यांनी म्हटले,
“धोक्याचे एक नवीन युग सुरू झाले आहे. यासाठी अधिक मजबूत संरक्षण, सक्षम मित्रदेश आणि जलद राजनयिक पावले आवश्यक आहेत.”
रशियन जहाजामुळे निर्माण झालेल्या ताज्या तणावाने युरोपमधील समुद्री सुरक्षा आणि जागतिक सामरिक समतोल पुन्हा एकदा प्रश्नचिन्हाखाली आणला आहे.
Ans: कारण हे जहाज ब्रिटनच्या पाण्यात घुसल्याचा आणि राष्ट्रीय सागरी पायाभूत सुविधांना धोका निर्माण केल्याचा आरोप आहे.
Ans: रॉयल नेव्हीचे फ्रिगेट आणि RAF चे P-8 Poseidon विमान तैनात करून जहाजावर सतत नजर ठेवली.
Ans: ब्रिटनचा दावा आहे की Yantar ने RAF च्या पायलटवर लेसर डागले, जे अत्यंत धोकादायक आहे.
