‘ट्रम्प यांना श्रेय लाटण्याची सवय’ ; भारत-पाकिस्तान युद्धबंदीवर अमेरिकेच्या माजी अधिकाऱ्याचे मोठे विधान

भारत आणि पाकिस्तानमधील युद्धबंदीचे श्रेय ट्रम्प यांनी स्वत:ला दिले होते. दरम्यान डोनाल्ड ट्रम्प यांच्या दुसऱ्याचे क्रेडिट घेण्याच्या सवयीवर अमेरिकन माजी वरिष्ठ अधिकाऱ्याने मोठे खळबळजनक विधान केले आहे.

अमेरिकेचे माजी राष्ट्रीय सुरक्षा सल्लागार जॉन बोल्टन (फोटो सौजन्य: सोशल मीडिया)

Follow Us:

Follow Us:

वॉशिंग्टन: भारताच्या ऑपरेशन सिंदूर मोहीमेनंतर पाकिस्तानसोबत लष्करी संघर्ष सुरु झाला होता. हा संघर्ष जवळपास चार दिवस सुरु राहिला. यामध्ये भारताने पाकिस्तानच्या हल्ल्यांना चोख प्रत्युत्तर दिले. याच वेळी जगभरातून दोन्ही देशांना संयम बाळगण्यास सांगितले जात होते. १० मे रोजी भारत आणि पाकिस्तानमध्ये युद्धबंदी होऊन शस्त्रसंधी लागू झाली. दरम्यान याची घोषणा अमेरिकेचे राष्ट्राध्यक्ष डोनाल्ड ट्रम्प यांनी केली होती. घोषणा करताना त्यांना अमेरिकेच्या मध्यस्थीने युद्धविराम झाल्याचे म्हटले होते.

भारत आणि पाकिस्तानमधील युद्धबंदीचे श्रेय ट्रम्प यांनी स्वत:ला दिले होते. दरम्यान डोनाल्ड ट्रम्प यांच्या दुसऱ्याचे क्रेडिट घेण्याच्या सवयीवर अमेरिकन माजी वरिष्ठ अधिकाऱ्याने मोठे खळबळजनक विधान केले आहे. ट्रम्प यांनी दुसऱ्याच्या कामाचे श्रेय घेण्याची सवय आहे असे माजी अधिकाऱ्याने म्हटले आहे. अमेरिकेचे माजी राष्ट्रीय सुरक्षा सल्लागाक जॉन बॉल्टन यांनी हे विधान केले आहे. त्यांनी म्हटले की, “डोनाल्ड ट्रम्प यांनी दुसऱ्याच्या कामाचे श्रेय घेण्याची सवय आहे, ही सवय जुनी आहे. मग ते पात्र असो वा नसोत.” त्यांच्या या वक्तव्याने मोठी खळबळ उडाली आहे.

जागतिक घडामोडी संबंधित बातम्या- ‘मेक इन इंडिया’चे मोठे यश ; रशियाने AK-203 असॉल्ट रायफलच्या निर्यातीला दिली परवानगी

तुर्कीच्या पाकिस्तानला पाठिंब्याबद्दल चिंता

जॉन बोल्टन यांनी तुर्कीच्या पाकिस्तानला मिळणाऱ्या पाठिंब्यावरही भाष्य केले आहे. त्यांनी तुर्कीकडून पाकिस्तान दिल्या जाणाऱ्या समर्थनावर चिंता व्यक्त केली आहे. त्यांनी भारताला आणि जगाला या प्रकणाकडे गांभीर्याने पाहण्याची गरज असल्याचे म्हटले आहे. त्यांनी म्हटले की, अलीकडे तुर्कीच्या लष्करी क्षेत्राची ताकद वाढत आहे. तुर्कीच्या ड्रोनन संपूर्णजगाचे लक्ष वेधले आहे. परंतु त्यांना अधुनिक म्हणता येणार नाही असेही बोल्टन यांनी म्हटले आहे. परंतु यामुळे मोठ्या प्रमाणात अस्थिरता वाढण्याची शक्यता बोल्टन यांनी व्यक्त केली आहे.

एएनआयशी बोलताना बोल्टन यांनी म्हटले की, तुर्कीचे राष्ट्राध्य एर्दोगान प्रशासनाला पाकिस्तानमद्ये जास्त रस आहे. जगाने पाकिस्तानला तुर्कीच्या पाठिंब्याकडे बारकाईने लक्ष दिले पाहिजे. तसेच त्यांनी असेही म्हटले की, भारताला पहलगाम हल्ल्यानंतर दहशतवादाला पोसणाऱ्या आणि दङशतवाद्यांविरोधात कारवाई करण्याचा पूर्ण अधिकार आहे.

 

View this post on Instagram

 

A post shared by Asian News International (@ani_trending)

पहलगाम हल्लाच्या घडामोडी

• भारताच्या जम्मू आणि काश्मीरमधील पहलगाम येथे २२ एप्रिल रोजी भ्या दहशतवादी हल्ला झाला होता.
• या हल्ल्यात २६ निरापराध पर्यटकांवर गोळ्या झाडण्यात आल्या.
• या घटनेनंतर, ६-७ मे च्या रात्री, भारताने ऑपरेशन सिंदूर मोहीम सुरु केली. यामोहीमेअंतर्गत पाकिस्तान आणि पाकव्याप्त काश्मीरमधील ९ दहशतवादी अड्ड्यांवर हल्ला करण्यात आला आणि अड्डे पूर्णपणे नष्ट करण्यात आले.
• यानंतर, ७ ते १० मे दरम्यान, पाकिस्तानने भारतावर ड्रोन आणि क्षेपणास्त्रांनी अनेक वेळा हल्ला केला. याला भारताने चोख प्रत्युत्तर दिले.
• या काळात तुर्कीने आणि चीनने पाकिस्तानला पाठिंबा दिला.
• नंतर दोन्ही देशांनी १० मे रोजी संध्याकाळी युद्धबंदीची घोषणा केली.

जागतिक घडामोडी संबंधित बातम्या- अमेरिका आणि इस्रायलमध्ये युद्धाची ठिणगी? नागरिकांच्या हत्येमुळे नेतन्याहू झाले संतप्त, म्हणाले…

Web Title: Ex us nsa on president trumps claiming credit for india pakistan ceasefire

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com