VIRAL Post : २ मिनिटांत ८ वेळा Thank You... व्हाईट हाऊसमध्ये ट्रम्पसमोर घाबरूनच का होते Appleचे CEO टिम कुक? ( फोटो सौजन्य : सोशल मीडिया)
Tim Cook Trump meeting : व्हाईट हाऊस म्हणजे जगातील सर्वात प्रतिष्ठित ठिकाणांपैकी एक. येथे जेव्हा तंत्रज्ञान आणि व्यवसाय क्षेत्रातील दिग्गजांना अमेरिकेचे अध्यक्ष डोनाल्ड ट्रम्प यांनी खास डिनरसाठी आमंत्रित केले, तेव्हा चर्चेचा विषय होणारच होता. मात्र या डिनरमध्ये सर्वांचे लक्ष वेधून घेतले ते ॲपलचे सीईओ टिम कुक यांनी. कारण, अवघ्या दोन मिनिटांच्या संभाषणात त्यांनी आठ वेळा “Thank You” म्हणजेच “धन्यवाद” म्हटले.
या डिनरचा व्हिडिओ सोशल मीडियावर प्रचंड व्हायरल झाला आहे. ट्रम्प टिम कुक यांच्या कामाचे कौतुक करताना म्हणाले “You have done a great job for Apple, a small company!” (ॲपल या छोट्या कंपनीसाठी तुम्ही मोठे काम केले). यावर टिम कुक थोडे हसतच घाबरून म्हणाले “Thank You, Mr. President.” एवढेच नाही तर पुढील काही क्षणात ते वारंवार “धन्यवाद” म्हणताना दिसतात.
Before the Sep 9 #AppleEvent, Tim Cook showcasing his political skills! 👏 #TimCook #DonaldTrump pic.twitter.com/Qj2jMQbFqC — RS (@WithRitesh) September 5, 2025
credit : social media
अवघ्या दोन मिनिटांच्या संवादात टिम कुक यांनी किमान आठ वेळा “धन्यवाद” म्हटल्याचे व्हिडिओमध्ये दिसून आले. सोशल मीडिया वापरकर्त्यांनी हे लगेच ओळखले आणि मजेदार पद्धतीने व्हिडिओ शेअर करायला सुरुवात केली. काहींनी तर याला “टिम कुकची Thank You Marathon” असे नाव दिले आहे.
जागतिक घडामोडी संबंधित बातम्या वाचण्यासाठी येथे क्लिक करा : Japan News: जपानमध्ये नेतृत्व संकट! पंतप्रधान शिगेरू इशिबा यांचा पंतप्रधान पदावरून राजीनामा; व्यापारी संबाधांवर होणार परिणाम?
लोकांमध्ये सर्वात मोठा प्रश्न निर्माण झाला : “कुक इतके घाबरले का?” यामागे अनेक कारणे सांगितली जातात.
या खास टेक डिनरमध्ये केवळ टिम कुकच नव्हते. गुगलचे सीईओ सुंदर पिचाई, फेसबुकचे सीईओ मार्क झुकरबर्ग यांच्यासह अनेक तंत्रज्ञान कंपन्यांचे दिग्गज उपस्थित होते. अमेरिकेच्या तंत्रज्ञान धोरणांवर, गुंतवणुकीवर आणि भविष्यातील सहकार्यांवर चर्चा करण्यात आली.
व्हिडिओ समोर आल्यापासून सोशल मीडियावर लोकांच्या वेगवेगळ्या प्रतिक्रिया उमटल्या. काहींनी टिम कुकला “अत्यंत सभ्य व्यक्ती” म्हटले, तर काहींनी याला “अवघडलेल्या CEO ची भाषा” असे संबोधले. काहींनी तर मीम्स बनवून लिहिले “जर तुम्ही २ मिनिटांत ८ वेळा Thank You म्हणू शकत नाही, तर तुम्ही टिम कुक नाही.”
हे खरे आहे की ट्रम्प अनेकदा ॲपलवर करसंबंधी दबाव टाकत आले आहेत. पण त्याचवेळी ॲपलच्या गुंतवणुकीला प्रोत्साहनही दिले आहे. त्यामुळे टिम कुक नेहमीच सावधपणे बोलताना दिसतात. त्यांची ही “Thank You” सिरीज ही कदाचित राजनैतिक शिष्टाचाराचीच खूण होती.
जागतिक घडामोडी संबंधित बातम्या वाचण्यासाठी येथे क्लिक करा : Free DC protest : ‘अमेरिकन अत्याचार सहन करणार नाही…’, डोनाल्ड ट्रम्प यांना त्यांच्याच देशात घेरले; अमेरिकेत गदारोळ
डोनाल्ड ट्रम्प आणि टिम कुक यांच्यातील हा छोटासा संवाद जगभर चर्चेत आला. केवळ तंत्रज्ञानातील गुंतवणूकच नव्हे तर एक CEO आपली भाषा, शिष्टाचार आणि आत्मविश्वास कसा सांभाळतो याचे उत्तम उदाहरण म्हणून हा व्हिडिओ पुढे येतो.
