ट्रम्प व्हाईट हाऊसमध्ये बांधत आहेत जगातील सर्वात सुरक्षित बंकर; मिळाले 'हे' ३ संकेत ( फोटो सौजन्य : सोशल मीडिया)
Trump White House secret bunker clues 2025 : अमेरिकेचे राष्ट्राध्यक्ष डोनाल्ड ट्रम्प (Donald Trump) हे आपल्या धडाकेबाज निर्णयांसाठी ओळखले जातात. मात्र, सध्या त्यांच्या एका अशा निर्णयाची चर्चा जगभरात सुरू आहे, ज्याचा संबंध थेट व्हाईट हाऊसच्या ‘ईस्ट विंग’शी (East Wing) आहे. अधिकृतपणे असे सांगितले जात आहे की, तिथे एक भव्य आणि आधुनिक ‘बॉलरूम’ बांधले जात आहे. मात्र, या बांधकामाचा आवाका, लागणारा अवाढव्य खर्च आणि प्रशासनाची गुप्तता पाहता, तज्ज्ञांचा दावा आहे की ट्रम्प तिथे जगातील सर्वात सुरक्षित आणि अत्याधुनिक ‘भूमिगत बंकर’ (Underground Bunker) तयार करत आहेत. सुमारे २,७११ कोटी रुपये ($300 Million) खर्चून ९०,००० चौरस फूट क्षेत्रावर हे काम सुरू आहे. ऐतिहासिक वारसा असलेल्या व्हाईट हाऊसचा एक भाग पाडून हे काम का केले जातेय? याचे उत्तर देणारे तीन मोठे संकेत समोर आले आहेत.
पहिला संकेत ट्रम्प यांच्या अत्यंत विश्वासू आणि व्हाईट हाऊसच्या ‘चीफ ऑफ स्टाफ’ सुसी विल्स यांच्या विधानातून मिळतो. त्यांनी या प्रकल्पाचे समर्थन करताना म्हटले की, “बॉलरूम प्रकल्प हा एक योग्य निर्णय होता. मात्र, या प्रकल्पाची संपूर्ण माहिती आणि त्यामागचे खरे चित्र अजून जनतेसमोर आलेले नाही.” त्यांनी पुढे असेही नमूद केले की, जेव्हा लोकांना याचे संपूर्ण स्वरूप समजेल, तेव्हा त्यांना हा निर्णय किती आवश्यक होता हे पटेल. विल्स यांचे हे विधान स्पष्टपणे सुचवते की, हे केवळ नाच-गाण्यासाठी किंवा डिनर पार्टीसाठी बांधलेले बॉलरूम नाही. जर हा केवळ सजावटीचा भाग असता, तर त्यात लपवण्यासारखे काहीच नव्हते. ट्रम्प विनाकारण इतका मोठा ऐतिहासिक भाग पाडण्याचा धोका पत्करणार नाहीत, हेच विल्स यांच्या शब्दांतून ध्वनित होत आहे.
जागतिक घडामोडी संबंधित बातम्या वाचण्यासाठी येथे क्लिक करा : WaterWar: पाकिस्तानच्या घशाला कोरड; जलयुद्ध तीव्र, भारताने अडवले सिंधूचे पाणी तर आता अफगाणिस्तानानेही केली मोठी गळचेपी
दुसरा आणि सर्वात महत्त्वाचा पुरावा ट्रम्प प्रशासनाने न्यायालयात दिलेल्या उत्तरातून मिळतो. व्हाईट हाऊसच्या ईस्ट विंगचे ऐतिहासिक महत्त्व जपण्यासाठी काही संस्थांनी हे बांधकाम थांबवण्याची याचिका दाखल केली होती. यावर उत्तर देताना प्रशासनाने स्पष्ट शब्दांत सांगितले की, “हे बांधकाम थांबवता येणार नाही, कारण ते राष्ट्रीय सुरक्षेसाठी (National Security) अत्यंत आवश्यक आहे.”
Passing it on. Via Glee Violette People. Please. Let me say this loud and clear. IT WAS NEVER ABOUT A BALLROOM. The East Wing was built in 1942 to disguise the simultaneous construction of an underground bunker and operations center, underneath it.
And just like then, the… pic.twitter.com/7Ehp9HfTKW — James Tate (@JamesTate121) October 23, 2025
credit : social media and Twitter
सरकारने न्यायालयात सांगितले की, ‘यूएस सीक्रेट सर्व्हिस’च्या (US Secret Service) सुरक्षा गरजा पूर्ण करण्यासाठी या भागात बदल करणे गरजेचे आहे. विशेष म्हणजे, न्यायालयाच्या कागदपत्रांनुसार, जमिनीखालील कामाला जानेवारीपासूनच सुरुवात होणार आहे, तर जमिनीवरील मुख्य बांधकाम एप्रिल २०२६ पर्यंत सुरू होणार नाही. तब्बल दीड वर्ष जमिनीखाली नेमके काय काम चालणार? हेच ‘बंकर’च्या सिद्धांताला बळकटी देते.
जागतिक घडामोडी संबंधित बातम्या वाचण्यासाठी येथे क्लिक करा : Weapon of Mass Destruction: ‘ही’ 2 मिलीग्रामची टॅब्लेट बॉम्बपेक्षाही घातक; ज्यामुळे अमेरिकेत दरवर्षी 100,000 लोक पडतात मृत्युमुखी
तिसरा संकेत गुप्तचर यंत्रणा आणि मीडिया रिपोर्ट्समधून मिळत आहे. व्हाईट हाऊसच्या ईस्ट विंगच्या खाली आधीच ‘प्रेसिडेंशियल इमर्जन्सी ऑपरेशन्स सेंटर’ (PEOC) नावाचे एक बंकर आहे. हे तेच ठिकाण आहे जिथे ९/११ च्या हल्ल्यावेळी किंवा मोठ्या संकटाच्या वेळी अमेरिकन राष्ट्राध्यक्ष आश्रय घेतात. सूत्रांच्या मते, हे बंकर आता जुने झाले असून ते अणू हल्ल्यापासून वाचवण्यासाठी आणि आधुनिक दळणवळण यंत्रणेने सज्ज करण्यासाठी अपग्रेड केले जात आहे. ट्रम्प यांनी ९०,००० चौरस फूट जागा पाडण्याचे समर्थन करताना सुरक्षेचाच मुद्दा पुढे केला आहे. जगातील वाढता तणाव पाहता, अमेरिकन राष्ट्राध्यक्षांसाठी एक अभेद्य किल्ला जमिनीखाली तयार केला जात असल्याची चर्चा आता जोर धरू लागली आहे. टीकाकारांच्या मते, यामुळे व्हाईट हाऊसचे ऐतिहासिक सौंदर्य नष्ट होईल. परंतु, ट्रम्प प्रशासनासाठी सौंदर्यापेक्षा ‘सुरक्षा’ हा महत्त्वाचा विषय आहे. जर हा बंकर तयार झाला, तर तो जगातील सर्वात सुरक्षित ठिकाणांपैकी एक असेल, जो कोणत्याही महाविनाशकारी संकटात अमेरिकेच्या सत्तेचे केंद्र सुरक्षित ठेवेल.
Ans: अधिकृतपणे तिथे एक आधुनिक 'बॉलरूम' बांधले जात आहे, मात्र न्यायालयीन कागदपत्रे हे काम राष्ट्रीय सुरक्षेसाठी असल्याचे सूचित करतात.
Ans: या प्रकल्पासाठी अंदाजे ३०० दशलक्ष डॉलर्स (सुमारे २,७११ कोटी रुपये) खर्च केले जात आहेत.
Ans: PEOC म्हणजे प्रेसिडेंशियल इमर्जन्सी ऑपरेशन्स सेंटर, जे व्हाईट हाऊसच्या खाली असलेले एक सुरक्षित बंकर आहे.
