Mercedes ची ‘ही’ इलेक्ट्रिक कार नववर्षात मारणार एन्ट्री, होणार ‘या’ दिवशी लाँच

मर्सिडीज कंपनी पुन्हा एकदा आपली नवीन कार मार्केटमध्ये आणण्यास सज्ज आहे. ही इलेक्ट्रिक कार नववर्षात दणक्यात आगमन करणार आहे. चला या कारच्या फीचर्सबद्दल माहिती जाणून घेऊया.

फोटो सौजन्य: Social Media

Follow Us:

Follow Us:

ज्याप्रमाणे देशात अनेक वर्षांपासून बजेट फ्रेंडली कार्स उत्पादित होत आहे, त्याचप्रमाणे लक्झरी कार्सचे देखील मोठ्या प्रमाणात उत्पादन होत आहे. लक्झरी कार्सची एक वेगळीच छाप ग्राहकांवर पडत असते. या कार्सची इतकी क्रेझ असण्याचे कारण म्हणजे या कार्सचे दमदार परफॉर्मन्स आणि स्टायलिश लूक्स.

भारतात लक्झरी कार्सचा विषय निघतो, तेव्हा आपसूकच एक कार कंपनी आपल्या डोळ्यांसमोर येते. ती कंपनी म्हणजे मर्सडिज कंपनी. ही कंपनी देशात अनेक उत्तम कार्स लाँच करत असते. आता कंपनी आपली नवीन इलेक्ट्रिक कार येत्या नववर्षात लाँच करणार आहे.

हिवाळ्यात ड्राईव्ह करताना जर कारच्या विंडशिल्डवर साचत असेल धुकं, तर वेळीच करा ‘हा’ उपाय

Mercedes-Benz India येत्या 9 जानेवारी 2025 रोजी भारतात इलेक्ट्रिक G Wagon लाँच करणार आहे. कंपनी त्याच दिवशी त्याच्या किंमती जाहीर करेल. 2024 मध्ये भारत मोबिलिटी शोमध्ये ती कन्सेप्ट म्हणून सादर करण्यात आली आहे. ऑफ-रोड ड्रायव्हिंगमध्ये जी वॅगनच्या तुलनेत ही कार चांगली कामगिरी देईल असे कंपनीचे म्हणणे आहे.

Mercedes G 580: डिझाइन आणि इंटिरिअर

G 580 चे डिझाइन जवळपास G 450d सारखेच ठेवण्यात आले आहे. यामध्ये दिलेला ग्रिल आणि EQ बॅज याला थोडा वेगळा लूक देतो. ते एरोडायनॅमिक ठेवण्यासाठी बरेच काम केले गेले आहे. याला नवीन ए-पिलर डिझाइन आणि छताच्या पुढील बाजूस एक नवीन स्पॉयलर लिप मिळतो. या कारला नवीन बोनेट देण्यात आले आहे. मागील बूटवरील पर्यायी स्पेअर व्हील होल्डर सारख्याच शैलीतील चार्जिंग केबल होल्डरने बदलले जाऊ शकते. त्याचे इंटिरिअर देखील जी-क्लास पेक्षा जवळजवळ अपरिवर्तित आहे. यात काही स्विचगिअर वगळता नवीन ईव्ही स्पेशल फंक्शन्स देण्यात आले आहेत.

नवीन वर्षात कार खरेदी होणार महाग; Nissan, Hyundai पाठोपाठ आता ‘या’ लोकप्रिय कंपनीनेही जाहीर केली दरवाढ

पॉवरट्रेन आणि बॅटरी पॅक

या नवीन कारमध्ये चार इलेक्ट्रिक मोटर्स दिसतील, त्यापैकी एक कारच्या प्रत्येक चाकाला एनर्जी देईल. यामध्ये इन्स्टॉल केलेले प्रत्येक मोटर 147 hp ची पॉवर जनरेट करेल आणि सर्व मोटर्स 587 hp ची पॉवर आणि 1,165Nm टॉर्क जनरेट करतील. यात 2-स्पीड गिअरबॉक्सही असेल. मर्सिडीजचा दावा आहे की G 580 5 सेकंदांपेक्षा कमी वेळेत 0-100 किमी प्रतितास वेग वाढवते. त्याचा टॉप स्पीड 180kph आहे. त्यात बसवलेला बॅटरी पॅक चार्ज केल्यानंतर 470 किमीची दावा केलेली रेंज देतो.

G 580 मध्ये ऑफ-रोड ड्रायव्हिंगसाठी तीन विशेष फंक्शन्स आहेत, G-टर्न आहे, ज्यामुळे ही कार जागेवर 720 अंश फिरवता येते. G 580 मध्ये ऑफ-रोड क्रॉलर फंक्शन आहे, जे 2 kph इतक्या कमी वेगाने धावू शकते.

Web Title: Mercedes g 580 will soon launch in new year

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com