Tesla Robotaxi: लाँच होऊन विवादात फसली टेस्ला रोबोटॅक्सी, सरकारी एजन्सीद्वारे तपासणी सुरू

अलिकडेच, एलोन मस्कच्या कंपनीने अमेरिकेतील टेक्सासमधील ऑस्टिन येथे रोबोटॅक्सी सेवा सुरू केली आहे. आता कंपनी या रोबोटॅक्सीबाबत वादात सापडली आहे. नक्की काय आहे प्रकरण या लेखातून जाणून घ्या

टेस्ला रोबोटॅक्सी नवा विवाद (फोटो सौजन्य - X.com)

Follow Us:

Follow Us:

टेस्ला रोबोटॅक्सी अमेरिकेतील टेक्सासमध्ये लाँच झाल्यानंतर अवघ्या एका दिवसातच वादात सापडली आहे. खरंतर, सेवेच्या पहिल्याच दिवशी, रोबोटॅक्सी वाहतूक नियमांचे उल्लंघन करताना दिसली. त्यानंतर, अमेरिकन वाहन सुरक्षा नियामक एजन्सी NHTSA (नॅशनल हायवे ट्रॅफिक सेफ्टी अ‍ॅडमिनिस्ट्रेशन) ने चौकशी सुरू केली आहे.

खरं तर, सोशल मीडियावर काही व्हिडिओ व्हायरल झाल्यानंतर ही बाब समोर आली. व्हिडिओमध्ये टेस्लाच्या ड्रायव्हरलेस कार वाहतूक नियमांचे उल्लंघन करताना दिसत आहेत. टेस्लाची मॉडेल वाय कार डाव्या वळणाच्या लेनमध्ये प्रवेश करते आणि त्यानंतर कार दुहेरी पिवळी रेषा ओलांडून लेनमध्ये परत येते, जी कायद्याने प्रतिबंधित आहे, असे दिसून आले (फोटो सौजन्य – x.com) 

टेस्ला रोबोटॅक्सी

दुसऱ्या व्हिडिओमध्ये असे दिसून आले की ड्रायव्हरलेस मॉडेल वायमध्ये दोन प्रवासी बसतात आणि स्क्रीनवरील पुल ओव्हर बटण दाबतात, त्यानंतर कार रस्त्याच्या मध्यभागी थांबते, जे खूप धोकादायक मानले जाते. यासोबतच, रोबोटॅक्सीमधून वेगमर्यादेचे उल्लंघनदेखील समोर आले आहे. या ईव्हीएसना वेगमर्यादेपेक्षा जास्त वेगाने धावतानाही पकडण्यात आले. टेस्लाला अशा तक्रारींचा सामना करावा लागण्याची ही पहिलीच वेळ नाही, यापूर्वी फेब्रुवारी २०२३ मध्ये ३.६२ लाख टेस्ला वाहने परत मागवण्यात आली होती.

टेस्लाची रोबोटॅक्सी लाँच

अलीकडेच, एलोन मस्कच्या कंपनीने अमेरिकेतील टेक्सासमधील ऑस्टिन येथे रोबोटॅक्सी सेवा सुरू केली आहे. या प्रसंगी, कंपनीचे सीईओ एलोन मस्क यांनी १० वर्षांच्या कठोर परिश्रमाचे हे फळ असल्याचे सांगण्यात आले. त्यामुळे या सेवेकडे अधिक लोकांचे लक्ष होते. 

टेस्ला टॅक्सी ही एक स्वयंचलित वाहन आहे, ज्याला चालविण्यासाठी ड्रायव्हरची आवश्यकता नाही. या वाहनात एक लहान केबीन देण्यात आली आहे. या टेस्ला कारमध्ये दोन लोक बसण्याची क्षमता आहे. मात्र सध्या ही लाँच झाल्यानंतर दोन गोष्टी अशा घडल्या आहेत की ही टॅक्सी आता वादात अडकली आहे. 

Tesla Car खरेदी करण्यासाठी आनंदाची बातमी ! July 2025 मध्ये उघडू शकतं पाहिलं शोरूम

केवळ 16 रुपयात सफर

टेस्लाच्या या रोबोटॅक्सीचा रनिंग कॉस्ट फक्त २० सेंट प्रति मैल (सुमारे १६ रुपये प्रति १.६ किमी) आहे. सुरुवातीला कंपनीने रस्त्यावर फक्त २० वाहने लाँच केली आहेत. या वाहनांमध्ये टेस्लाचे मॉडेल वाय वापरले जात आहे, जे रोबोटॅक्सीसाठी विशेषतः अपडेट केले गेले आहे. प्रत्येक कारवर “रोबोटॅक्सी” बॅज आहे.

कशी आहे टेस्ला रोबोटॅक्सी

ही टॅक्सी सेन्सर, कॅमेरे, रडार आणि लिडार सारख्या प्रगत तंत्रज्ञानाच्या मदतीने रस्त्यावरून प्रवास करते. कंपनीच्या म्हणण्यानुसार, तिची एआय चिप आणि सॉफ्टवेअर पूर्णपणे स्वतःच डिझाइन केले आहे आणि त्यामागे १० वर्षांची मेहनत आहे. 

हे पूर्णपणे स्वयं-चालित इलेक्ट्रिक वाहन आहे, ज्यामध्ये स्टीअरिंग व्हील नाही, ब्रेक किंवा एक्सीलरेटर पेडल नाही. टेस्लाच्या इतर इलेक्ट्रिक कारप्रमाणे ते बॅटरीवर चालते. कंपनीने ते वायरलेस चार्जिंग तंत्रज्ञानाने सुसज्ज केले आहे. त्याच्या डॅशबोर्डवर फ्लॅट स्क्रीन देखील देण्यात आली आहे.

लवकरच भारतीय रस्त्यांवर Tesla च्या कार्स धावणार ! मुंबईच्या वेअरहाऊस मधून मिळाली ‘ही’ माहिती

पहा व्हिडिओ 

It’s the little things https://t.co/wjADLyjC0n

— Tesla Robotaxi (@robotaxi) June 22, 2025

Web Title: Tesla robotaxi faces controversy after launch in us government nhtsa agency begins investigation

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com