आजपासून सर्वसामान्यांच्या खिशावर होणार थेट परिणाम! चांदीपासून ते एलपीजीच्या किमतींमध्ये मोठे बदल (फोटो सौजन्य-X)
Rule Change 1 September News in Marathi: सप्टेंबरपासून म्हणजेच या महिन्यापासून पैशांशी संबंधित अनेक मोठ्या नियमांमध्ये बदल होत आहेत. ज्याचा थेट परिणाम सर्वसामान्यांच्या खिशावर होणार आहे. यामध्ये आयकर रिटर्न (ITR) भरण्याची शेवटची तारीख, आधार कार्ड अपडेट, UPS मध्ये बदल करण्याची शेवटची तारीख आणि क्रेडिट कार्डशी संबंधित नवीन नियमांचा समावेश आहे. हे बदल वेळेवर जाणून घेणे महत्वाचे आहे.
१ सप्टेंबरपासून चांदीतील हॉलमार्कपासून ते एसबीआय कार्डमधील बदल आणि एलपीजी सिलेंडरच्या किमतीत घसरण असे बरेच काही बदलले आहे. ३ सप्टेंबरपासून जीएसटी कौन्सिलची बैठक होणार आहे. या बैठकीत जीएसटी दर कपातीबाबत निर्णय घेतला जाऊ शकतो.
१. चांदीच्या दागिन्यांच्या नियमांमध्ये बदल
१ सप्टेंबर म्हणजेच आजपासून चांदीवर हॉलमार्क लागू होईल. सोन्याची शुद्धता तपासण्यासाठी हॉलमार्कचा वापर केला जातो. त्याचप्रमाणे, आता हॉलमार्कद्वारे चांदीची शुद्धता ओळखली जाईल. ग्राहक हॉलमार्क पाहून चांदीची शुद्धता सहजपणे तपासू शकतात.
२. एलपीजीच्या किमतीत बदल
दर महिन्याच्या पहिल्या दिवशी, गॅस एजन्सी सिलिंडरच्या किमतीत बदल होत असतात. हा बदल १४ किलो आणि १९ किलोच्या सिलिंडरमध्ये होतो. गॅस एजन्सीने पुन्हा एकदा सिलिंडरच्या किमतीत कपात केली आहे. तथापि, यावेळी देखील १९ किलोच्या सिलिंडरमध्ये कपात करण्यात आली आहे.
३. एसबीआय कार्डमध्ये मोठा बदल
जर तुमच्याकडे एसबीआय (स्टेट बँक ऑफ इंडिया) क्रेडिट कार्ड असेल, तर ही तुमच्यासाठी उपयुक्त बातमी असणार आहे. एसबीआय वेबसाइटवरून मिळालेल्या माहितीनुसार, लाईफस्टाईल होम सेंटर एसबीआय कार्ड आणि लाईफस्टाईल होम सेंटर एसबीआय कार्ड सिलेक्ट धारकांना डिजिटल गेमिंग आणि सरकारी पोर्टल पेमेंटवर रिवॉर्ड पॉइंट्स मिळणार नाहीत. या दोघांनाही रिवॉर्ड पॉइंट्सच्या यादीतून वगळण्यात आले आहे.
४. जीएसटी सुधारणांबाबत निर्णय
२२ ऑगस्ट रोजी रात्री उशिरा सरकारने घोषणा केली की जीएसटी कौन्सिलची ५६ वी बैठक ३ आणि ४ सप्टेंबर २०२५ रोजी नवी दिल्ली येथे होणार आहे. या बैठकीत अनेक महत्त्वाचे निर्णय घेतले जाऊ शकतात. जीएसटी कपातीमुळेही ही बैठक विशेष ठरणार आहे. मिळालेल्या माहितीनुसार, आता जीएसटी अंतर्गत चार कर स्लॅबऐवजी दोन कर स्लॅब (५% आणि १२%) असतील. त्याचा थेट फायदा सामान्य माणसाला मिळणार आहे.
