LPG Gas Cylinder झाले स्वस्त, सलग पाचव्या महिन्यात सिलेंडर स्वस्त झाला, आजपासून नवे दर लागू (फोटो सौजन्य-X)
LPG Gas Cylinder Price Cut News In Marathi: सप्टेंबरच्या सुरुवातीला एक आनंदाची बातमी आली असून एलपीजी गॅस सिलिंडर स्वस्त झाला आहे. तेल विपणन कंपन्यांनी सिलिंडरच्या किमतीत ५१.५० रुपयांपर्यंत कपात केली आहे.यावेळी देखील १९ किलोच्या व्यावसायिक एलपीजी गॅस सिलिंडरच्या किमती कमी करण्यात आल्या आहेत. नवीनतम कपातीनंतर, आता दिल्लीमध्ये व्यावसायिक गॅस सिलिंडरची किंमत १५८० रुपयांवर आली आहे. ऑगस्ट महिन्याच्या सुरुवातीलाही त्याच्या किमती कमी झाल्या होत्या. १४ किलोच्या घरगुती गॅस सिलिंडरच्या किमतीत कोणताही बदल करण्यात आलेला नाही आणि ते स्थिर आहेत. या बदलानंतर, १ सप्टेंबर २०२५ पासून नवीन किमती लागू करण्यात आल्या आहेत.
आयओसीएल वेबसाइटवर अपडेट केलेल्या नवीन दरांनुसार, १ सप्टेंबर रोजी कपात केल्यानंतर, नवी दिल्लीत १९ किलोच्या व्यावसायिक गॅस सिलिंडरची किंमत १६३१.५० रुपयांवरून १५८० रुपयांवर आली आहे. याशिवाय, कोलकातामध्ये ते १७३४.५० रुपयांना उपलब्ध होते, जे आता १६८४ रुपयांना उपलब्ध होईल. मुंबईतही त्याची किंमत १५८२.५० रुपयांवरून १५३१.५० रुपयांवर आली आहे, तर चेन्नईमध्ये सिलिंडरची किंमत १७८९ रुपयांवरून १७३८ रुपयांवर आली आहे.
गेल्या काही महिन्यांत १९ किलोच्या व्यावसायिक गॅस सिलिंडरच्या किंमतीत सतत कपात होत आहे. यापूर्वी, ऑगस्टच्या सुरुवातीला, रक्षाबंधनाची भेट देत, तेल विपणन कंपन्यांनी देशभरात या गॅस सिलिंडरच्या किमतीत ३३.५० रुपयांची कपात केली आहे. यापूर्वी, १ जुलै २०२५ रोजी, सिलिंडरच्या किमतीतही ५८ रुपयांची कपात करण्यात आली होती.
तसेच दर महिन्याच्या पहिल्या दिवशी तेल कंपन्यांकडून एलपीजी सिलिंडरच्या किमतींचा आढावा घेतला जातो आणि त्यानंतर नवीन दर जारी केले जातात. या नवीन किमती कच्च्या तेलाच्या आंतरराष्ट्रीय किमती, भारतीय चलन रुपयाची स्थिती तसेच इतर बाजार परिस्थितीवर अवलंबून असतात आणि पहिल्या तारखेपासून लागू होतात. १९ किलो एलपीजी सिलिंडरच्या किमतीत झालेली ही कपात हॉटेल, रेस्टॉरंट्स, ढाबे आणि व्यावसायिक गॅस सिलिंडर वापरणाऱ्या इतर व्यावसायिक संस्थांसाठी दिलासा देणारी आहे.
व्यावसायिक गॅस सिलिंडरच्या किमती सतत कमी केल्या जात असताना, १४ किलो घरगुती एलपीजी सिलिंडर त्याच राहतो आणि त्याच्या किमती अपरिवर्तित आहेत. १४ किलो सिलिंडरच्या किमतीत शेवटचा ८ एप्रिल रोजी बदल करण्यात आला होता, परंतु तेव्हापासून त्यात कोणताही बदल झालेला नाही. सध्या, ते दिल्लीत ८५३ रुपये, कोलकातामध्ये ८७९ रुपये, मुंबईत ८५२५० रुपये आणि चेन्नईमध्ये ८६८.५० रुपयांना उपलब्ध आहे.
