Share Market Update: अर्थसंकल्प सुरू असतानाच शेअर बाजारात घसरण, सेन्सेक्स झाला लालेलाल (फोटो-सोशल मीडिया)
Share Market Update: आर्थिक वर्ष २०२६-२७ चा भारताचा केंद्रीय अर्थसंकल्प संसदेत अर्थमंत्रीकडून सादर होत आहे. अर्थसंकल्प सादर होत असतानाच देशांतर्गत शेअर बाजारात अस्थिरतेचे चित्र पाहायला मिळाले. अर्थमंत्री निर्मला सीतारामन यांच्या अर्थसंकल्पीय भाषण करत असताना मुंबई शेअर बाजाराचा निर्देशांक दुपारी १२:३५ वाजता सेन्सेक्स १,७०० अंकांनी घसरून ८०,८०४ वर व्यवहार करत होता. निफ्टी ३७७ अंकांनी घसरून २५,०४१ वर व्यवहार करत होता. अर्थसंकल्पापूर्वीच्या सुरुवातीच्या व्यवहारात सेन्सेक्स ३०० अंकांनी वाढला होता.
आज अर्थसंकल्पाच्या पार्श्वभूमीवर बाजार उघडण्यात आले होते. अर्थसंकल्पापूर्वी बाजारात मोठ्या अपेक्षा निर्माण झाल्या होत्या. करसवलती, मध्यमवर्गासाठी दिलासा, तसेच उद्योग क्षेत्रासाठी ठोस प्रोत्साहनात्मक घोषणा होतील, अशी गुंतवणूकदारांची आशा होती. मात्र अर्थसंकल्पात वित्तीय शिस्त, तूट नियंत्रण आणि दीर्घकालीन विकासावर अधिक भर देण्यात आल्याने तात्काळ बाजारात नकारात्मक प्रतिक्रिया उमटली. परकीय संस्थात्मक गुंतवणूकदारांकडून (FII) सुरू असलेली विक्री आणि जागतिक बाजारातील कमकुवत संकेतही घसरणीस कारणीभूत ठरले.
Budget 2026 Live: “गेल्या वर्षी भारताची आर्थिक स्थिती…”; बजेट मांडताना अर्थमंत्र्यांचे मोठे विधान
या अल्पकालीन परिस्थितीत गुंतवणूकदारांनी सावध भूमिका घेत नफा वाचवण्याला प्राधान्य दिले. त्यामुळे बाजारात चढ-उतार वाढले. दुसरीकडे, दीर्घकालीन गुंतवणूकदारांनी ही घसरण संधी म्हणून पाहण्यास सुरुवात केली आहे. तज्ज्ञांच्या मते, अर्थसंकल्पातील घोषणांचा सखोल अभ्यास झाल्यानंतर बाजाराची खरी दिशा स्पष्ट होईल. तोपर्यंत गुंतवणूकदारांचे लक्ष अर्थसंकल्पाकडे आहे.
केंद्रीय अर्थमंत्री निर्मला सीतारमण यांनी त्यांच्या अर्थसंकल्पीय भाषणात शेअर बायबॅकवर भांडवली नफा कर लादण्याची आणि विशेष कर (एसटीटी) कर ०.०२% वरून ०.०५% पर्यंत वाढवण्याची घोषणा केली. या घोषणेनंतर, बाजाराला विक्रीचा फटका बसला आणि बेंचमार्क निर्देशांकांमध्ये मोठी घसरण झाली. एका क्षणी, निफ्टी आणि सेन्सेक्स दोन टक्क्यांपर्यंत घसरले.
आज संरक्षण शेअर्समध्ये मोठी घसरण झाली, काही शेअर्स दहा टक्क्यांपर्यंत घसरले. निफ्टी डिफेन्स इंडेक्समध्येही तीन टक्क्यांहून अधिक घसरण होत आहे. HAL, BEL, Bharat Dynamics आणि Mazagon Dock Shipbuilders सारखे प्रमुख संरक्षण भाग लाल रंगात व्यवहार करत होते. सेन्सेक्समध्ये BEL, SBI आणि NTPC चे भाग ४% पर्यंत खाली आले. सर्व क्षेत्रीय निफ्टी निर्देशांक घसरले आहेत. सार्वजनिक क्षेत्रातील बँक क्षेत्रात ४% ची सर्वात मोठी घसरण झाली आहे. धातू, मीडिया, FMCG, IT, मीडिया, फार्मा, वित्तीय सेवा आणि रिअल्टी यासह सर्व क्षेत्रे खाली होते.
