निफ्टी-सेन्सेक्स मोठ्या घसरणीसह बंद, मेटल इंडेक्स वगळता सर्व निर्देशांक घसरले

Share Market: आज शेअर बाजार सपाट पातळीवर उघडला, परंतु काही मिनिटांतच विक्रीने वेग घेतला आणि बाजार उच्च पातळीवरून घसरत बंद झाला. आज निफ्टी आणि सेन्सेक्स दोन्ही निर्देशांक ०.५ टक्क्यांहून अधिक घसरले आहेत.

निफ्टी-सेन्सेक्स मोठ्या घसरणीसह बंद, मेटल इंडेक्स वगळता सर्व निर्देशांक घसरले (फोटो सौजन्य - सोशल मीडिया)

Follow Us:

Follow Us:

Share Market Marathi News: आज शेअर बाजार सपाट पातळीवर उघडला, परंतु काही मिनिटांतच विक्रीने वेग घेतला आणि बाजार उच्च पातळीवरून घसरत बंद झाला. आज निफ्टी आणि सेन्सेक्स दोन्ही निर्देशांक ०.५ टक्क्यांहून अधिक घसरले आहेत.

ट्रेडिंग आठवड्याच्या शेवटच्या दिवशी म्हणजेच शुक्रवारी बाजारात वरच्या पातळीपासून घसरण दिसून आली आहे. सेन्सेक्स ४२५ अंकांनी किंवा ०.५६ टक्क्याने घसरून ७५,३११ वर बंद झाला, तर निफ्टी ११७ अंकांनी किंवा ०.५१ टक्क्याने घसरून २२,७९६ वर बंद झाला. आजच्या व्यवहारात धातूंच्या शेअर्समध्ये वाढ झाली.

PM Internship Scheme: पीएम इंटर्नशिप योजनेच्या दुसऱ्या टप्प्यासाठी अर्ज सुरू, एक लाखाहून अधिक संधी, काय आहे योजना?

आजचे सर्वाधिक वाढलेले स्टॉक

शुक्रवारी, निफ्टी ५० मध्ये समाविष्ट असलेल्या समभागांमध्ये हिंडाल्कोने सर्वाधिक वाढ नोंदवली. तो २.३१ टक्क्यांच्या वाढीसह ६५३.५५ च्या पातळीवर बंद झाला, तर टाटा स्टीलच्या शेअर्समध्ये १.९८टक्क्याची घसरण झाली आणि ते १४०.७६ च्या पातळीवर बंद झाले. याशिवाय एसबीआय लाईफचे शेअर्स १.७५ टक्क्याने वाढून १,४९५ रुपयांवर बंद झाले, तर आयशर मोटर्सचे शेअर्स १.५२ टक्क्याने वाढून ४,९६२ रुपयांवर बंद झाले. एल अँड टीचे शेअर्स १.२० टक्क्याने वाढून ३,३१५ रुपयांवर बंद झाले.

आजचे टॉप लॉसर्स स्टॉक

दुसरीकडे, जर आपण सर्वात जास्त नुकसान झालेल्या शेअर्सबद्दल बोललो तर, महिंद्रा अँड महिंद्राचे शेअर्स ६ टक्क्यांनी घसरून २,६६९ च्या पातळीवर बंद झाले. एम अँड एमच्या शेअर्समध्ये ७ महिन्यांतील सर्वात मोठी घसरण झाली आहे, तर बीपीसीएलचे शेअर्स २.८३ टक्क्याच्या घसरणीसह २५१.३० च्या पातळीवर बंद झाले आहेत. यानंतर, अदानी पोर्ट्सचे शेअर्स २.५६ टक्क्याने घसरले आणि १,०८३ च्या पातळीवर बंद झाले, तर टाटा मोटर्सचे शेअर्स २.४१ टक्क्याने घसरून ६७३.२० च्या पातळीवर बंद झाले. त्याच वेळी, विप्रोचे शेअर्स २.२२ टक्क्याने घसरले आणि ३०६.३५ च्या पातळीवर बंद झाले.

मेटल इंडेक्स वगळता सर्व निर्देशांक लाल रंगात बंद

आजच्या ट्रेडिंग सत्रात, फक्त निफ्टी मेटल इंडेक्समध्ये वाढ झाली आहे, तर इतर सर्व इंडेक्स लाल रंगात बंद झाले आहेत. निफ्टी मेटल इंडेक्स १.०२ टक्क्याच्या वाढीसह ८,६१० च्या पातळीवर बंद झाला. बँक निफ्टी ०.७२ टक्क्याने घसरून ४८,९८१ वर बंद झाला. निफ्टी आयटी निर्देशांक ०.७९ टक्क्याने ने घसरून ४०,५४५ वर बंद झाला. निफ्टी फार्मा निर्देशांक १.९२ टक्क्याने घसरून २०,३८६ वर बंद झाला आणि शेवटी, निफ्टी ऑटो २.५८ टक्क्याने घसरणीसह २१,५०६ वर बंद झाला

आज बाजार कोसळला

आज शेअर बाजार सलग तिसऱ्या आठवड्यात घसरणीसह बंद झाला. फेब्रुवारी महिन्यात आतापर्यंत सेन्सेक्समध्ये २३०० अंकांची घसरण नोंदली गेली आहे. त्याच वेळी, आजच्या घसरणीचे मुख्य कारण म्हणजे हेवीवेट फायनान्शियल आणि ऑटोमोबाईल स्टॉक्समधील घसरण. तथापि, अमेरिकेच्या शुल्काची भीती देखील गुंतवणूकदारांच्या मनात भीती निर्माण करत आहे.

‘या’ मोठ्या कंपनीचे शेअर्स निफ्टी-५० मध्ये समाविष्ट होतील, संध्याकाळी मोठी घोषणा

Web Title: Nifty sensex closes with big losses all indices fall except metal index

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com