Income Tax Refund साठी आता मोजावे लागणार नाहीत दिवस, पटापट होईल काम; काय आहे सरकारचे प्लॅनिंग

Income Tax Refund: आता करदात्यांना त्यांचा आयकर परतावा मिळविण्यासाठी जास्त वेळ वाट पाहावी लागणार नाही. सरकार हे काम लवकर पूर्ण करण्याची योजना आखत आहे, म्हणजे नक्की काय जाणून घ्या

income tax refunds मिळण्यासाठी सरकारची योजना (फोटो सौजन्य - Google Gemini AI)

Follow Us:

Follow Us:

नॅशनल पेमेंट्स कॉर्पोरेशन ऑफ इंडिया (NPCI) ने इन्कम टॅक्स ई-फायलिंग वेबसाइटवर रिअल टाइममध्ये पॅन आणि बँक खाते लिंक करण्यासाठी एक नवीन सुविधा सुरू केली आहे. या नवीन सुविधेद्वारे, आता करदात्यांच्या पॅन क्रमांक आणि बँक खात्याची त्वरित पडताळणी करता येईल. याचा फायदा असा होईल की इन्कम टॅक्स रिफंड आणि सरकारी फायदे थेट आणि जलद खात्यात पोहोचू शकतील.

इकॉनॉमिक टाईम्सच्या मते, NPCI ने अलीकडेच या संदर्भात एक परिपत्रक जारी केले होते. त्यात म्हटले आहे की ही नवीन एपीआय सुविधा विशेषतः सरकारी विभागांसाठी डिझाइन करण्यात आली आहे. या एपीआयचा वापर करून, सरकारी विभाग बँकेच्या कोअर बँकिंग सिस्टम (CBS) वरून थेट खातेधारकाचे नाव, खाते स्थिती आणि पॅन क्रमांक पडताळू शकतील. कायदेशीर तज्ज्ञ उत्कर्ष भटनागर यांनी सांगितले की, यामुळे करदात्यांची माहिती इन्कम टॅक्स पोर्टलवर जलद आणि योग्यरित्या पडताळता येईल. यामुळे रिफंडमध्ये विलंब होणार नाही आणि फसवणुकीची शक्यतादेखील कमी होईल (फोटो सौजन्य – Google Gemini AI) 

New Tax Rules: करदात्यांसाठी मोठी बातमी! आता ‘या’ वस्तूंच्या खरेदीवर भरावा लागेल कर, अधिसूचना जारी

सिस्टिममध्ये अपडेट

एनपीसीआयची ही नवीन प्रणाली स्वीकारण्यासाठी सर्व बँकांना त्यांच्या प्रणाली अपडेट कराव्या लागतील. यामुळे काही तांत्रिक आव्हाने आणि सायबर सुरक्षेच्या समस्यादेखील उद्भवू शकतात. तरीही, या उचललेल्या पावलांमुळे डिजिटल पेमेंट प्रणाली अधिक मजबूत होईल आणि करदात्यांना जलद आणि अचूक परतफेड मिळण्यास मदत होईल असा विश्वास व्यक्त करण्यात आला आहे. 

पॅनसाठी आधार कार्ड अनिवार्य

जर तुमच्याकडे पॅन कार्ड नसेल आणि तुम्हाला ते घ्यायचे असेल, तर आता यासाठी एक कागदपत्र अनिवार्य झाले आहे. हे कागदपत्र दुसरे तिसरे काही नसून आधार कार्ड आहे. १ जुलैपासून नवीन पॅन कार्डसाठी आधार कार्ड अनिवार्य असेल. केंद्रीय प्रत्यक्ष कर मंडळाने (CBDT) ही माहिती दिली आहे. या उपक्रमाचा उद्देश डिजिटायझेशनद्वारे कर भरताना जबाबदारी वाढवणे आहे.

पॅन-आधार लिंक 

ज्यांच्याकडे पॅन आणि आधार दोन्ही आहेत, त्यांनी हे दोन्ही कार्ड लिंक करणे आवश्यक आहे. विद्यमान पॅनधारकांना कोणताही दंड न घेता त्यांचे आधार लिंक करण्यासाठी ३१ डिसेंबर २०२५ पर्यंत वेळ आहे. जर त्यांनी असे केले नाही तर पुढील वर्षापासून त्यांचे पॅन निष्क्रिय होईल.

… तरच 12 लाखांपर्यंतच्या उत्पन्नावरील टॅक्स होणार माफ; सोप्या शब्दांत समजून घ्या नक्की काय आहे गणित

टीपः गुंतवणूक बाजारातील जोखमींच्या अधीन असते. जर तुम्हाला यामध्ये पैसे गुंतवायचे असतील तर प्रथम प्रमाणित गुंतवणूक सल्लागाराचा सल्ला घ्या. तुमच्या कोणत्याही प्रकारच्या नफ्यासाठी किंवा तोट्यासाठी Navarashtra.com जबाबदार राहणार नाही.

Web Title: Npci launched new facility tax payers may get faster income tax refunds details inside

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com