जगातील यशस्वी व्यापाऱ्यांमध्ये आढळतात ‘या’ सवयी; आजच करा अंगीकृत, ध्येयप्राप्ती होईल सोपी

जगातील यशस्वी उद्योजकांकडे काही सामान्य सवयी आढळतात ज्या त्यांना यशाच्या शिखरावर नेतात. शिस्त, शिकण्याची तयारी, निर्णयक्षमता आणि वेळ व्यवस्थापन हे त्यापैकी काही महत्त्वाचे गुण आहेत.

फोटो सौजन्य - Social Media

Follow Us:

Follow Us:

यशस्वी व्यापारी हे केवळ नशीबाने यशस्वी होत नाहीत, तर त्यामागे त्यांच्या विशेष सवयी, दृष्टिकोन आणि कष्टांची शिस्तबद्ध पद्धत असते. जगातील अनेक मोठे उद्योजक आणि व्यापारी जसे की एलॉन मस्क, वॉरेन बफेट, मुकेश अंबानी, रतन टाटा यांच्याकडे पाहिलं, तर त्यांच्यात काही समान वैशिष्ट्यं दिसून येतात. ही वैशिष्ट्यं कुठल्याही क्षेत्रात यशस्वी होण्यासाठी उपयोगी ठरू शकतात.

एफआयआयची खरेदी की डॉलरची कमकुवतता? ‘या’ कारणांनी शेअर बाजारात तेजी

वाचन

सर्वप्रथम, नित्य नवीन शिकण्याची तयारी हे एक महत्त्वाचं वैशिष्ट्य आहे. हे यशस्वी लोक सतत वाचन करतात, उद्योगातील नवीन ट्रेंड समजून घेतात आणि नविन ज्ञान मिळवण्यासाठी वेळ काढतात. वॉरेन बफेट तर दररोज तासंतास वाचन करतात.

दृढ इच्छाशक्ती

दुसरं महत्त्वाचं वैशिष्ट्य म्हणजे दृढ इच्छाशक्ती आणि चिकाटी. कितीही अडचणी आल्या तरी ते हार मानत नाहीत आणि पुढे कार्य करत राहतात. अपयश आल्यास ते शिकण्याची संधी समजतात आणि त्यातून सुधारणा करतात.

वेळेचे व्यवस्थापन

तिसरं म्हणजे उत्तम वेळ व्यवस्थापन. वेळेचा सदुपयोग हे यशाचं मुख्य सूत्र आहे. ते दिवसाची योजना ठरवून, प्राधान्यक्रमानुसार काम करतात. अनेक यशस्वी व्यापारी सकाळी लवकर उठतात आणि दिवसाची सुरुवात स्पष्ट उद्दिष्टांपासून करतात.

निर्णय घेण्याची क्षमता

चौथं महत्त्वाचं वैशिष्ट्य म्हणजे धाडसाने निर्णय घेण्याची क्षमता. यशस्वी उद्योजक वेळोवेळी मोठे निर्णय घेतात आणि त्यावर ठाम राहतात. बाजारात जोखीम घेतल्याशिवाय प्रगती होत नाही, हे ते जाणतात.

Share Market Closing Bell: सलग पाचव्या दिवशी शेअर बाजार तेजीत, सेन्सेक्स ८५५ अंकांनी वाढला; निफ्टी २४,१२५ वर झाला बंद

टीम कोऑर्डिनेशन

पाचवं म्हणजे चांगली टीम बांधण्याची कला. एकटे कोणीही मोठं यश मिळवू शकत नाही. त्यामुळे ही मंडळी योग्य लोकांची निवड करतात, त्यांच्यावर विश्वास ठेवतात आणि टीमला प्रोत्साहन देतात.

शेवटी, त्यांच्याकडे असतो तो स्पष्ट दृष्टीकोन आणि दीर्घकालीन विचार. लहान यशांवर समाधान मानने त्यांना जमत नाही, भविष्यातील मोठ्या योजनेवर काम करणे त्यांची पध्द्त असते. या सवयी आणि गुण जर आपणही आत्मसात केल्या, तर निश्चितच यशाची वाट सुकर होते.

Web Title: These are the habits found among the worlds most successful businessmen

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com