Thane News: खाजगी शाळेसंदर्भात मोठी बातमी, आता शालेय नोंदणी होणार बंधनकारक

शिक्षणाधिकारी यांनी पुर्व प्राथमिक प्रवेशिकांबाबत नवं धोरण लागू केलं असल्याचं समोर आलं आहे. काय आहेत हे नियम, जाणून घ्या...

Follow Us:

Follow Us:

ठाणे/ स्नेहा जाधव काकडे:  जुनच्या सुरुवातीस शालेय प्रवेशासाठी शाळांची आणि पालकांची लगबग सुरु होते. याचपार्श्वभूमीवर आता ठाण्यात शिक्षणाधिकारी यांनी नवं धोरण लागू केलं असल्याचं समोर आलं आहे. जिल्ह्यातील 3 ते 6 वर्षे वयोगटातील बालकांना पूर्व प्राथमिक शिक्षण देणाऱ्या सर्व खाजगी शैक्षणिक संस्थांसाठी शालेय नोंदणी बंधनकारक करण्यात आली आहे. ही नोंदणी राज्य शासनाच्या Pre-School Registration Portal (ECCE) वर करावी लागणार आहे, अशी माहिती जिल्हा परिषद ठाणेचे प्राथमिक विभागाचे शिक्षणाधिकारी बाळासाहेब राक्षे यांनी एका अधिकृत पत्राद्वारे दिली आहे.

‘या’ तारखेनंतर अकरावी प्रवेशला येईल वेग; कनिष्ठ महाविद्यालय नोंदणीचा दुसरा टप्पा लवकर होईल सुरु

पूर्व प्राथमिक शाळा, नर्सरी, जूनियर केजी, सीनियर केजी अशा कोणत्याही स्वरूपात शिक्षण देणाऱ्या खाजगी केंद्रांनी आपली नोंदणी education.maharashtra.gov.in या संकेतस्थळावर उपलब्ध असलेल्या Pre-School Registration टॅबवर करणे आवश्यक आहे.

जुळ्या बहिणींना जुळे गुण! अनु-तनूची सर्वत्र चर्चा… फक्त परीक्षेतील गुण नव्हे तर सर्वांगीण गुणही जुळतात

नोंदणी करताना संस्थांनी पुढील माहिती व कागदपत्रे पोर्टलवर अपलोड करणे आवश्यक आहे:

1. शिक्षकांची शैक्षणिक व व्यावसायिक अर्हतेची प्रमाणपत्रे
2. इमारत पूर्णत्वाचा दाखला (Building Completion Certificate)
3. आरोग्य व स्वच्छता प्रमाणपत्र (Cleanliness Maintenance Certificate)

राष्ट्रीय शिक्षण धोरण 2020 अन्वये 3 ते 6 वयोगटातील मुलांना एकसंध व नियोजनबद्ध शिक्षण सुविधा देण्याच्या उद्देशाने ही कार्यवाही करण्यात येत आहे.पूर्व प्राथमिक शिक्षण देणाऱ्या सर्व खाजगी शाळा व केंद्रांनी आपली नोंदणी अनिवार्यपणे पूर्ण करावी, अन्यथा नियमाप्रमाणे पुढील कार्यवाही करण्यात येईल, असे आवाहन शिक्षणाधिकारी (प्राथमिक विभाग) बाळासाहेब राक्षे यांनी दिला आहे.

Web Title: Big news regarding private schools now school registration will be mandatory

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com