दिल्ली विद्यापीठात विदयार्थी संघांच्या निवडणुका! निकाल जाहीर, ABVP आघाडीवर

दिल्ली विद्यापीठ विद्यार्थी संघ (DUSU) निवडणुकीत ABVP ने अध्यक्ष, सचिव आणि संयुक्त सचिव पदांवर विजय मिळवला, तर NSUI ला फक्त उपाध्यक्षपदावर समाधान मानावे लागले.

फोटो सौजन्य - Social Media

Follow Us:

Follow Us:

दिल्ली विद्यापीठ विद्यार्थी संघाच्या (DUSU) निवडणुकीत यंदा RSSशी संलग्न असलेल्या अखिल भारतीय विद्यार्थी परिषद (ABVP) ने मोठा विजय मिळवला आहे. शुक्रवार, 19 सप्टेंबर रोजी घोषित झालेल्या निकालानुसार एबीव्हीपीने अध्यक्ष, सचिव आणि संयुक्त सचिव हे तीन पदे जिंकली, तर एनएसयूआय (NSUI) ला केवळ उपाध्यक्ष पदावर समाधान मानावे लागले. मागील निवडणुकीत NSUI कडे दोन पदे होती, परंतु यंदा त्यांचा अध्यक्षपद गमावल्याने नुकसान झाले आहे.

राष्ट्रीय व्यावसायिक शिक्षण आणि प्रशिक्षण परिषदेच्या कार्यशाळेचे आयोजन! मंत्री मंगलप्रभात लोढा यांच्या हस्ते होणार उदघाटन

निकालाचा आढावा

अध्यक्षपदावर ABVP च्या आर्यन मान यांनी 28,841 मते मिळवून विजय मिळवला. उपाध्यक्षपदावर NSUI चे राहुल यादव झांसल यांनी सर्वाधिक 29,339 मते मिळवून विजय मिळवला. सचिवपदी ABVP चे कुणाल चौधरी यांनी 23,779 मते, तर संयुक्त सचिवपदी दीपिका झा यांनी 21,825 मते मिळवून यश संपादन केले. दुसरीकडे, NSUI चे अध्यक्षपदाचे उमेदवार जोसलिन नंदिता चौधरी यांना फक्त 12,645 मते मिळाली. सचिव पदावर कबीर (16,177 मते) आणि संयुक्त सचिव पदावर लवकुश भडाना (17,380 मते) पराभूत झाले.

इतर संघटनांचे प्रदर्शन

SFI-आयसा आघाडीला या निवडणुकीत अपेक्षित यश मिळाले नाही. अध्यक्षपदासाठी त्यांना 5,385 मते मिळाली, तर उपाध्यक्ष पदावर 4,163 मते, सचिव पदावर 9,535 मते आणि संयुक्त सचिव पदावर 8,425 मते मिळाली.

2024 च्या तुलनेत बदल

मागील वर्षी म्हणजेच 2024 मध्ये NSUI ने अध्यक्ष आणि संयुक्त सचिव पदावर विजय मिळवला होता. त्या वेळी रौनक खत्री अध्यक्ष झाले होते आणि लोकेश चौधरी संयुक्त सचिव झाले होते. तर ABVP कडे उपाध्यक्ष आणि सचिव पद होते. मात्र, यंदा समीकरण पूर्णपणे बदलले आहे.

विजेत्यांची प्रतिक्रिया

विजयानंतर ABVP च्या दीपिका झा यांनी सांगितले की, “मी बिहारहून दिल्लीला आली आणि कठोर मेहनत केली. विद्यार्थ्यांनी माझ्या संघर्षाला पाठिंबा दिला आणि मी 4,000 मतांच्या फरकाने जिंकले. सर्वांचे आभार.” तर पराभवाबद्दल NSUI चे राष्ट्रीय अध्यक्ष वरुण चौधरी यांनी प्रतिक्रिया देताना सांगितले की, “NSUI ने असमान लढाई लढली. आमचा संघर्ष फक्त ABVP विरुद्ध नव्हता, तर विद्यापीठ प्रशासन, केंद्र सरकार, दिल्ली सरकार आणि RSS-BJP यांच्या एकत्रित ताकदीविरुद्ध होता. हजारो विद्यार्थ्यांनी आमच्यासोबत उभे राहून समर्थन दिले.” त्यांनी आरोप केला की EVMमध्ये गडबड करून आणि निवडणूक समितीच्या प्राध्यापकांचा गैरवापर करून निकालावर परिणाम करण्याचा प्रयत्न झाला.

प्रोफेसर पदासाठी करता येईल अर्ज! वेळ दवडू नका, ताबडतोब करा अर्ज, व्हा नियुक्त

या निवडणुकीत ABVP ने स्पष्ट आघाडी घेतली असून NSUI ला मोठा धक्का बसला आहे. तरीदेखील NSUI ने संघर्ष सुरूच ठेवण्याचा निर्धार व्यक्त केला आहे.

Web Title: Delhi university student union elections results declared

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com